Heilbrigðisskýrslur - 01.12.1971, Síða 140

1971
— 138 —
Ályktun: Með tilvísun til þess, sem áður segir í örorkumati undir-
ritaðs af afleiðingum þessa slyss, má vafalítið rekja bakóþægindi slas-
aða að einhverju leyti til áverkans, sem hann hlaut á bak, sem var veilt
fyrir.
1 framhaldi af því, sem áður getur um vinnugetu slasaða eftir slysið,
telst hún enn verulega skert til ársloka 1969 og eftir það nokkuð skert
til miðs maímánaðar s. 1.
Það langt er nú liðið, frá því að slys þetta vildi til, að tæpast er að
vænta frekari bata en fenginn er, og þykir því tímabært að meta nú
þá örorku, sem slasaði telst hafa hlotið af völdum þessa slyss, og telst
hún hæfilega metin sem nú greinir: Frá 21. desember 1968 til 13. janúar
1969 50%. Frá 14. janúar 1969 í tvær vikur 100%. Eftir það til 24.
júní 1969 50%. Eftir það í einn mánuð 100%. Eftir það í 5 mánuði 50%.
Eftir það í 6 mánuði 25%. Eftir það varanlega 10%.“
Tilvitnað læknisvottorð Páls Sigurðssonar tryggingayfirlæknis, dags.
6. júlí 1970, og tilvitnuð umsögn Röntgendeildar Landspítalans, dags.
15. júlí 1970, liggja fyrir í málinu.
3. örorkumat sama læknis, dags. 21. júní 1972, svohljóðandi:
„Vinnuslys 21. desember 1968.
Vísa til örorkumats, er undirritaður gerði 15. 10. 1969, og framhalds-
örorkumats frá 14. 8. 1970 vegna sama slyss á sama manni.
Síðan hefur slasaði fengið meðferð hjá nuddlækni vegna afleiðinga
þessa slyss samtals í 20 skipti á árunum 1970 og 1971.
Fyrir liggur nú nýtt vottorð .... læknis [sérfræðings í bæklunar-
sjúkdómum], Reykjavík, dagsett 11. 6. 1972, svohljóðandi:
„Hér með sendist yður, herra tryggingayfirlæknir, álit varðandi
ofannefndan sjúkling. Ég sá og skoðaði sjúkling þennan á stofu minni
hinn 19. 5. og 2. 6. síðast liðinn.
Sjúkrasaga sjúklings er í stuttu máli sú, að hinn 21. 12. 1968 fær
hann spark í mjóbak hægra megin við hrygg. Sjúklingur telur sig hafa
verið einkennalausan frá baki fram að þeim tíma. Frá þessum tíma er
hann hins vegar stöðugt veill í baki. Hann kveðst ekki þola nein átök
eða áreynslu. Við átök kveðst sjúklingur fá verki hægra megin í mjóbak.
Verkir þessir leiða allt upp í háls hægra megin svo og út í hægri öxl.
Liggja einnig niður í hægra læri, kálfa og allt niður í hásin hægra megin.
Aldrei óþægindi vinstra megin. Er oft nokkra daga að jafna sig, ef
hann verður fyrir áreynslu og fær verkjakast. Hefur alloft fengið gigtar-
meðferð, það er stuttbylgjur og aðra hitameðferð á bak og lagast af því,
en aðeins um tíma.
Milli verkjakasta er sjúklingur óþægindalaus frá baki við venjulegan
gang og hreyfingar, ef ekki kemur til átaka eða áreynslu.
Objectiv skoðun leiðir í ljós lágvaxinn mann, þrekvaxinn, feitlaginn.
Við skoðun á hrygg eru nokkur palpations- og percussionseymsli í
hægri síðu og yfir erector trunci vöðvum hægra megin við neðstu