Heilbrigðisskýrslur - 01.12.1980, Qupperneq 91

og nota efni og efnasamsetningar í X- og A-hættuflokkum. Mælt var með
öllum umsóknum nema 4 (66 frá garðyrkjumönnum, garðyrkjubændum eða bændum,
3 frá meindýraeyðum, 3 frá skógræktarmönnum og 5 frá öðrum). í 5 tilvikum
var ekki tekin endanleg afstaða til umsókna vegna þess, að upplýsingar voru
ófullnægjandi. Nefndin mælti með öllum 5 umsóknum, er bárust um leyfis-
skírteini (rauð) til þess að mega kaupa og nota fenemal og tríbrómetanól
til útrýmingar á svartbaki og hrafni í æðarvarpi. Mælt var með 22 af sam-
tals 23 umsóknum um leyfisskírteini (rauð) til þess að mega kaupa og nota
tiltekin eiturefni í hættuflokkum I og II. Nefndin fjallaði um framlengingu
söluleyfis Sölufélags garðyrkjumanna hf., sbr. ákvæði 5. gr. reglugerðar
nr. 132/1971. Mælti nefndin með framlengingu söluleyfis. Nefndin samdi
drög að reglugerð um breyting á reglugerð nr. 129/1971 um notkun og bann
við notkun tiltekinna eiturefna og hættulegra efna og sendi heilbrigðis- og
tryggingamálaráðuneytinu. Var reglugerð þessi (um vatnsblöndun metanóls)
síðan staðfest og gefin út (nr. 624/1980). Nefndin samdi einnig drög að
reglugerð um mörk lindans (hexicíðs) og ísómera þess í tilteknum matjurtum,
smjörfitu og smjörlíkisfitu. Var reglugerð þessi staðfest og gefin út
(nr. 525/1980). Fjallað var um 37 umsóknir um skráningu eiturefna og hættu-
legra efna til nota í landbúnaði og garðyrkju og til útrýmingar meindýra.
Mælti nefndin með 16 umsóknum, hafnaði tveimur, en endanleg afstaða var ekki
tekin til annarra umsókna. Felldar voru af skrá samtals fjórar efnasamsetn-
ingar. Gengið var frá tilkynningu 7/1980 L um yfirlit yfir plöntulyf,
örgresisefni, stýriefni og útrýmingarefni, er flytja má til landsins, selja
eða nota, sbr. 3. og 4. gr. reglugerðar nr. 132/1971, og skrá yfir framleið-
endur og umboðsmenn, er heilbrigðis- og tryggingamálaráðuneytið gaf út 21.5.
Farið var yfir sölubækur fyrirtækja, er selja færsluskyld efni og efnasam-
setningar, sbr. ákvæði reglugerðar nr. 455/1975. Er gerð grein fyrir sölu
umræddra efna í fylglskjölum I og II.
4, Ýmis mál
Nefndin beindi þeim tilmælum til Áfengis- og tóbaksverslunar ríkisins, að
eigi yrði framvegis notað benzen til þess að menga spíritus. Voru þessi til
mæli fram komin vegna alvarlegra eiturhrifa benzens. Allmiklar umræður urðu
um notkun nítríta og nítrata í matvæli og var samþykkt að endurskoða gildand
reglugerð um þetta efni (nr. 243/1974). Rætt var við yfirskólatannlækni um
dreifingu á flúortöflum til skólabarna og notkun flúortannkrems. Álit nefnd
arinnar var, að nauðsyn bæri til þess að skrá flúortannkrem. Fjallað var
um freon-sambönd og hættu á eyðingu ózonlags í háloftum. Nefndin tók ekki
afstöðu til banns við notkun þessara efna í úðabrúsum að sinni. Til umræðu
kom margháttuð notkun asbests, m.a. í rör, í lyfjaiðnaði og við matvælafram-
leiðslu. Sendi nefndin heilbrigðis- og tryggingamálaráðuneytinu allýtarlega
greinargerð um þessi atriði. Upp komu á árinu nokkur mál um förgun eitur-
efna. Telur nefndin, að fyllri ákvæða sé þörf um slík mál. Nefndin lagði
til, að settar yrðu reglur um sölu metanóls, blandað ricínusolíu, til elds-
neytis á svokallaða módel-mótora. Heilbrigðis- og tryggingamálaráðuneytinu
var bent á, að kaffein gæti hugsanlega skaðað mannsfóstur. Gerðar voru til-
lögur til heilbrigðis- og tryggingamálaráðuneytisins um nauðsyn frekari
rannsókna í mengun í og í námunda við álverið í Straumsvík. Var það gert í
framhaldi af niðurstöðutölum rannsókna nefndarinnar, sem birtast munu á
prenti. Fjallað var um veitingu starfsleyfis fyrir nýja saltpéturssýruverk-
smiðju við Áburðarverksmiðjuna í Gufunesi. Á grundvelli fyrri rannsókna
sinna um mengun frá verjcsmiðjunni setti nefndin fram ákveðnar kröfur um
mengunarvarnir og mælingar. Var á þetta fallist. Til umræðu var hugsanleg
tnengun af völdum lífrænna leysiefna í tússpennum. Fjallað var um hættu
á flúoreitrun vegna tækjabilunar í vatnsveitum þar, sem flúor er bætt í
drykkjarvatn.
HEILBRIGÐISSKÝRSLUR 1980
89