Nýtt land-frjáls þjóð - 17.01.1969, Blaðsíða 12

NÝTTLAND
FRTÁLS ÞJQÐ
MÁLSVARI verkalýðshreyfingar og vinstri stefnu
17. janúar 1969
STÓRÁFALL SÍS VIÐ SÖLU ELDRI
FISKVERKSMIÐJUNNAR I USA?
Á árinu 1966 tók til starfa ný
fiskverksmiðja Iceland Pro-
ducts, Inc., dótturfyrirtækis SÍS
í Bandaríkjunum. Var gamla
verksmiðjan þá sett á sölulista
hjá fasteignasölum en lengi
vel án þess nokkurt tilboð bær-
ist.
Hins vegar gerðist það,
skömmu eftir að SÍS hafði að
kröfu Seðlabanka og Lands-
banka, vikið úr starfi forstjóra
Iceland Products, Sverri Magn-
ússyni, að tilboð barst í gömlu
verksmiðjuna frá fyrirtækinu
Pro-Pak Inc. og var hún seld
því fyrir 125.000 dollara.
Eigendur þess reyndust vera
bræðumir Sverrir og Ragnar
Magnússynir.
Frá aðalfundi
Hugins h.f.
Á framhaldsaðalfundi Hugins
hf., sem haldinn var um ára-
mótin, voru eftirtaldir menn
kosnir í stjóm félagsins: For-
maður Haraldur Henrysson,
varaformaður Bjöm Jónsson,
ritari Einar Hannesson og með-
stjómendur Ólafur Hannibals-
son og Alexander Guðmundsson.
Varamenn voru kjömir Þor-
varður Ömólfsson og Karl Áma
»n. Endurskoðendur eru Ottó
Björnsson og Hermann Jónsson.
Á fyrrnefndum fundi var á-
kveðið, eins og greint er frá á
öðrum stað í blaðinu, að bjóða
út aukið hlutafé allt að 600 þús-
und krónur og yrði hlutaféð þá
aVs ein milljón króna.
/----------------------
I
Atvimmleysingjar
á 5. þúsund
Atvinnuleysið, sem siglt
hefur í kjölfar efnahagsráð-
stafana ríkisstjómarinnar er
nú orðið geigvænlegt vanda-
mál. Skráðir atvinnuleysingj
ar í Reykjavík eru nú að
nálgast þúsundið. Á Akureyri
nær 400. Víða um land þar
sem frystihúsin hafa ekki
komizt af stað, liggur við
neyðarástandi. Samkvæmt
lauslegri könnun, sem blaðið
gerði í vikunni virðist ekki
ofílagt að telja atvinnuleys-
ingja á öllu landinu um 4000
talsins.
- _____________________/
Hér heima hefur verið stað-
hæft, að SÍS hafi ekkert um
þetta vitað fyrr en eftir á. Einn
Sverrir Magnússon.
ig að sölukerfi SÍS hafi við þetta
farið allt úr skorðum og um
40% sölukerfis þeirra hafi farið
til Pro-Pak Inc. Ætti Samband-
ið því í miklum erfiðleikum
vegna þessarar vanhugsuðu sölu.
Við höfðum samband við
Sverri Magnússon, sem nú er
staddur hér á landi Vegná máls
þess, sem hann hefur höfðað
gegn bankastjórum Seðlabank-
ans og Landsbankans, vegna
óréttmætra sakargifta og lög-
lausrar frávikningar úr starfi.
Sverrir kvað það varla hafa
getað farið framhjá stjórnend-
um SÍS, hverjir kaupendumir
væru, því að gera hefði þurft
samninga, bæði um veð og
fleira, sem hinir nýju eigendur
hefðu undirskrifað. Auk þess
mundi Sambandinu hafa borizt
um þetta vitneskja annars stað
ar frá.
Sverrir kvaðst ekkert geta
sagt um sannleiksgildi þess
hversu stór hluti viðskipta-
manna Iceland Products skipta
við Pro-Pak Ine. Sölukerfið
væri ekki svo fast í reipunum,
að menn skiptu því á milli sín
í ákveðnum hlutföllum. í Banda
ríkjunum stunduðu menn við-
skipti eftir því sem hagkvæmast
væri hverju sinni.
Ef SÍS hefði beðið eitthvert
tjón af þessu, hlyti það fyrst og
fremst að vera vegna þess að
víkja úr starfi reyndum mönnum
með mikla þekkingu á þessu
sviði viðskipta og fela það í
staðinn manni sem óreyndur
væri á þessum markaði.
Aðspurður um, hvort hann
fengi fisk héðan til framleiðslu
sinnar, sagði Sverrir að sér hefði
ekki verið neitað um það. Hins
vegar krefði SÍS staðgreiðslu og
væri sér ekki kunnugt um að
aðrir viðskiptamenn yrðu að
hlíta þeim kjörum. Ennfremur
krefðu þeir 2 centum meira á
pund en almennt markaðsverð
væri. Hins vegar kvaðst hann
ekki þurfa að kvarta yfir við-
skiptum við S.H.
,".... ■'
Um hvað
sömdu þeir?
Það er á almannavitorði,
að þegar í sumar buðu Sós-
íalistar öðrum stjórnar-
flokknum, Alþýðuflokknum
samstarf um stjórn ASÍ með
hugsanlega Jón Sigurðsson
sem forseta. Þegar í október
hófust formlegar samninga-
viðræður og tóku þátt í
þeim af hálfu komma, Eð-
varð, Einar Ögmundsson og
Snorri, en Jón Sigurðsson,
Óskar Hallgrímsson og Jóna
Guðjónsdóttir af hálfu
krata. Vitað er að samning-
ar tókust. Ætlast var til að
íhaldið yrði með í kaupun-
um, enda hefur Alþýðu-
flokkurinn ekki efni á að
rifta margra ára samstarfi í
verkalýðshreyfingunni við
samstjórnarflokk sinn.
Kvisast hefur, að ef Eð-
varð hefði orðið forseti, áttu
stjómarflokkarnir að fá 8 af
15 miðstjórnarmönnum eða
hreinan meirihluta. Hefði
Jón orðið forseti, áttu þeir
að láta sér nægja minna.
En allt varð þetta að engu
af því, að þegar til þings
kom neituðu Alþýðuflokks-
Framhald á bls. 10.
Ólafur Hannibalsson
Björgúlfur Sigurðsson.
Starfsmenn blaðsins
í sambandi við þær breyting-
ar sem hafnar eru með þessu
blaði á útgáfustarfsemi Hugins
hf., hafa mál skipast svo að þeir
Jóhann J. E. Kúld, sem verið
hefur framkvæmdastjóri félags-
ins að undanförnu og Júníus
Kristinsson, sem gegnt hefur
starfi ritstjóra, hverfa nú úr
þeim störfum, en við þeim taka
þeir Björgúlfur Sigurðsson sem
framkvæmdastjóri og Ólafur
Hannibalsson sem ritstjóri.
í stað ritnefndar, sem starf-
andi hefur verið við blaðið tekur
nú við blaðstjórn, sem verður
ábyrg fyrir meginstefnu blaðs-
ins. Blaðstjórnina skipa þeir
Hannibal Valdimarsson forseti
Alþýðusambands íslands, Har-
aldur Henrysson fulltrúi og
Magnús Torfi Ólafsson, verzlun-
arstjóri.
Stjóm útgáfufélagsins þakkar
þeim Jóhanni og Júníusi ágæt
störf og ánægjulega samvinnu
og lýsir jafnframt miklum von-
um sínum um störf þeirra Ólafs
og Björgúlfs, sem báðir eru að
ágætum hæfileikum og störfum,
hvor á sínu sviði, kunnir.
Fv. borgarfógeti
í rannsókn
Eftir heimildum, sem blaðið
telur áreiðanlegar en hefur þó
ekki fengið staðfestar, hefur
Ríkisendurskoðunin nú með
höndum rannsókn á embættis-
færslu fyrv. borgarfógeta í
Reykjavík.
Ennfremur, að málið sé kom-
ið á það stig að skattalögreglan
hafi fengið áhuga á því og muni
yfirfara niðurstöður rannsókn-
arinnar nákvæmlega þegar þar
að kemur.
HLUTAFJÁRÚTBOÐ
Á aðalfundi Hugins hf., sem haldinn var í desember, var ákveðið að fela stjórn
félagsins að auka hlutafé þess í allt að eina milljón króna til að efla útgáfu-
starfsemina og gefa sem flestum stuðningsmönnum blaðsins tækifæri til að
taka þátt í og hafa áhrif á útgáfu þess. Stjórnin hefur ákveðið, að hefja nú
þegar söfnun hlutafjár með ofangreint markmið í huga. Hún biður núverandi
hluthafa, sem vilja neyta forkaupsréttar samkvæmt samþykktum félagsins, að
láta vita um það hið fyrsta. Aðrir, sem áhuga hafa á þvi að gerast hluthafar
og þar með þátttakendur í útgáfu þessa blaðs, eru beðnir að hafa samband
við skrifstofuna í Ingólfsstræti 8, símar 1 99 85 og 1 83 50 og láta skrá þar
hlutafjárloforð sín og greiða þann hluta þeirra, sem þeir eru reiðubúnir til.
Við sem að þessu blaði stöndum, álítum, að aldrei hafi verið meiri þörf á
FRJÁLSU blaði á Islandi, óháðu þröngsýnum flokkshagsmunum og ofstækis-
fullum pólitískum sértrúnaði. Við viljum skapa slíkt blað. En þar þurfa fleiri
að koma til. Það er fjárfrekt og erfitt fyrirtæki að halda úti sliku blaði á íslandi
í dag. Því heitum við á alla þá, sem stuðla vilja að frjálsri blaðamennsku á
Islandi að styrkja viðleitni vora með kaupum á hlutabréfum. Á slíkum stuðn-
ingi veltur það, hvort ætlunarverk vort tekst — eða ekki. Verð hvers bréfs er
;j ákveðið kr. 500,00 — fimm hundruð krónur.
Gerist félagar i Hugin hf. Kaupið hlutabréf. Gerum „Nýtt land - Frjáls þjóð“ að
góðu, læsilegu og ómissandi blaði.
Stjórn Hugins hf.