Börn og menning - 01.04.2001, Síða 13

BÖRN 06 MENN|N6
Úr bókinni Nye Gode Historie. Myndskreyting: Cato Thau-Jensen.
útgefendum hennar datt í hug að koma henni í samband
við ljóðskáldið Christina Hesselholdt sem vann með
henni þessar tvær fyrrnefndu bækur en þær marka
þáttaskil í gerð nútíma myndabóka fyrir börn.
Tine Modeweg Hansen hefur gert höfuðið að
meginviðfangsefni sínu til að túlka tilfinningar. Hennar
andlit eru ekki á hreyfingu eða í dansi, þvert á móti
stara þau oft hreyfingarlaus á lesandann. Að vissu leyti
má greina þarna áhrif frá hinum merku myndskreytum
Austur-Evrópu. Þetta er einkum greinilegt í annarri af
fyrrnefndum bókum, Drengen og sandslottet. Sagan er
ljóðræn og fjallar um fund stórhöfða drengs og
prinsessunnar sem ríkir yfir sæhestunum á ströndinni.
Drengurinn byggir prinsessunni kastala og sólin skín á
gulhvítan sandinn frá heiðbláum himni. í þessu verki
kynnir Tine til sögunnar annað einkenni í myndmáli
þessara nýju myndskreyta sem er að rjúfa framgang
sögunnar og mála einmitt rétta „ranga“ andartakið. í
næsta verki sínu, Brandmanden fra for,, segja Christina
Hasselholdt og Tine Modeweg Hansen frá því hvernig
vingast á við eldrauðan slökkviliðsmann en þar er
myndmál listamannsins orðið talsvert villtara. Því
miður tókst ekki að útvega þessar bækur en birt er
mynd Tine Modeweg við söguna Den yngste væverske
eftir Josefine Ottesen.
Cato Thau-Jensen (f. 1966) varð þekktur á einni
nóttu fyrir nokkrar myndskreytingar við smásögu í
safnriti fyrir börn, Nye Gode Historier
(Kaupmannahöfn 1998). Sagan sem hann mynd-
skreytti, Lidt har ogsá ret, er eftir Bent Haller sem hlaut
norrænu barnabókaverðlaunin 2000. Sagan segir frá
móður sem þrælar nótt og dag en tekst ekki að láta enda
ná saman og fæða hungruð börn sín. Hún á ekki annars
úrkosti en að elda súpu úr eigin líkama. Sagan er sögð
eins og ævintýri og engin miskunn sýnd en
myndskreytinum tekst að lyfta textanum upp í hæðir
dyggðar og fórnfýsi. Enda þótt Cato Thau-Jensen hafi
myndskreytt fjölmargar bækur með sínu blæbrigði af
nýbylgjunni verður hann að nokkru leyti teljast utan
hennar. Að vísu bera myndir hans nokkur einkenni
nýbylgjunnar eins og mikla hreyfingu og stór andlit en
það má segja að Cato sé frekar einn í ljóðrænum
steppdansi heldur en að hann dansi með félögum
sínum. Ekki má láta hjá líða að minnast á annað verk
Catos sem ber hinn undarlega titil Kan du sovse en vovse.
Þetta er safn af rímuðum bullspurningum eftir Ejgil
Soholm sem kom út 1997 í Kaupmannahöfn og er þegar
orðin klassísk í Danmörku. Þar sýnir listamaðurinn Cato
undraverða hæfni sína í draga upp súrrealískar myndir af
hreinu bulli. Cato Thau-Jensen er að sönnu frumlegur
myndskreytir. Og hann er rétt að byrja.
11
Guðlaug Richter og Guðrún Hannesdóttir