Börn og menning - 01.04.2001, Síða 19

BÖRN OC /v\ENN|NG
unglingabókaútgáfu síðasta árs og sýndu nokkrar bækur
sem þóttu á einhvern hátt athyglisverðar. Einnig
greindu fulltrúar deildanha frá helstu atburðum í starfi
síðasta árs. Nokkrar umræður urðu um norræna
samstarfið og hvort ástæða væri að breyta því á
einhvern hátt en niðurstaðan var sú að halda því nánast
óbreyttu. Helsti afrakstur samstarfsins er útgáfa
Nordisk blad sem lesendur Barna og menningar fá nú í
hendur. Þetta tölublað var í umsjá dönsku IBBY-
deildarinnar en Svíar munu sjá um útgáfu næsta blaðs.
Katies Krig
Pétur Pan
IBBY-deildin í Svíþjóð hefur stofnað til nýrra
barnabókaverðlauna. Þau eru kennd við Pétur Pan og
voru veitt í fyrsta sinn á bókamessunni í Gautaborg
síðastliðið haust. Ein aðalverðlaun eru veitt og þrenn
aukaverðlaun sem nefnast silfurstjörnur Péturs Pan.
Verðlaunin eru veitt fyrir þýddar barna- og
unglingabækur sem koma út í Svíþjóð og þykja skara
fram úr um efnisval, stíl og efnistök.
Bækurnar verða að uppfylla eitt eða fleiri
eftirtalinna skilyrða:
- Að koma á framfæri og kynna höfund sem er lítið
eða alls ekki þekktur í Svíþjóð.
- Að vera upprunnar í landi og menningu sem er lítið
þekkt í Svíþjóð.
- Að þar sé sagt frá börnum og unglingum í öðrum
löndum, umhverfi þeirra og uppvaxtarskilyrðum.
Fyrstu Pétur Pan verðlaunin hlaut Aubrey Flegg frá
írlandi fyrir bókina Katie 's War eða Styrjöld Kötu.
Bookbird
Gaman er að greina frá því að í næsta tölublaði
Bookbird sem er blað IBBY-samtakanna birtist mynd úr
bók Aslaugar Jónsdóttur og Sigurborgar Stefánsdóttur,
Prakkarasaga - saga fyrir börn með myndum og
táknmáli sem Mál og menning gaf út 1996. í næsta
tölublaði Bookbird verður sérstök umljöllun um bækur
fyrir og um börn sem eiga við einhvers konar fötlun að
stríða. Myndin verður á titilsíðu þemakaflans. Börn og
bækur sendi þessa bók til birtingar í katalóg sem IBBY-
samtökin gáfu út og ber heitið Outstanding Books for
Young People with Disabilities. Þar vakti myndlýsing úr
bókinni athygli ritstjóra Bookbird sem valdi hana til
birtingar í blaðinu.
Stjórnarfundur IBBY
Dagana 2. og 3. apríl sat nýr fulltrúi Norðurlanda í
stjórn alþjóðlegu IBBY-samtakanna, Guðlaug Richter,
sinn fyrsta stjórnarfund, ásamt ijórtán félögum frá
flestum heimshornum. Haldnir eru tveir stjómarfundir á
ári, að vori og hausti, en vorfundurinn er ævinlega
haldinn í Bologna á Ítalíu í tengslum við hina árlegu
barnabókamessu. Aðildarfélög IBBY-samtakanna eru
nú 61 en þau eru að vonum missterk, bæði hvað varðar
fjölda félaga og fjárhagslegt bolmagn. Eins og vænta
mátti fór drjúgur hluti fyrri fundardagsins í að skoða
fjárhagsstöðu samtakanna en hún stendur höllum fæti
og er framkvæmd sérverkefna eins og veiting H. C.
Andersen-verðlaunanna og IBBY Ashai-verðlaunanna
kostuð af fyrirtækjum í Japan. Þegar fjármálaumræðan
var afstaðin var komið að því að kjósa nýja dómnefnd
fyrir H. C. Andersen-verðlaunin. Þar sem sífellt fleiri
höfundar eru tilnefndir til verðlaunanna stækkar
bókastaflinn sem dómnefndin þarf að skoða í hvert
sinn. Því var ákveðið að fjölga í dómnefndinni og
skipa 5 dómara til að skoða skáldverk en aðra 5 til að
skoða myndabækur. I síðustu dómnefnd sat enginn frá
Norðurlöndum en nú bauð sænska IBBY-félagið fram
fulltrúa, Gunnillu Borén, með stuðningi hinna
Norðurlandanna. Hlaut hún kosningu í þann hluta
dómnefndarinnar sem metur skáldverk og er gott til
þess að vita að einhver þar sé læs á Norðurlandamálin.
Önnur mál sem hæst bar á fundinum var skipulagning
næsta IBBY-þings sem verður í Basel í Sviss 29.
september til 3. október 2002 auk þess sem greint var
frá upphafsvinnu varðandi þingið 2004 sem verður í
Höfðaborg í Suður-Afríku.
17