Börn og menning - 01.04.2001, Side 24

BÖRN OG mENN|N6
Guðmundur Oddur Magnússon:
Um myndsmíðakennslu
við Listaháskóla íslands 2001
A undanförnum áratug hef égfengist við kennslu og umsjón með námi
í grafiskri hönnun og ég hef tekið eftir stigvaxandi áhuga og eftirspurn
eftir kennslu í myndlýsingum eða myndsmíðum hvort heldur við
viljum kalla það. Þetta stafar einkum af því að ungt fólk sem alið er
upp við tölvur kemst í myndvinnsluforrit - vill fara að vinna tölvugrafik, langar að skilja
forritin til fullnustu en hefur ekki af ýmsum ástæðum lagt mikla rœkt við myndmennt og
uppgötvar vanmátt sinn - forritið teiknar ekki sjálft. Eg hef líka tekið eftir því að þetta eru
ekki samskonar nemendur og voru bekkjarfélagar mínir á sínum tíma. Þetta hefur vakið
grunsemdir um að nýjar kynslóðir séu ólíkarþeim sem áður voru. I hverju felst munurinn?
í bók sinni Neuromancer skrifar William Gibson um
þessa kynslóð sem nú er kannski á þrítugsaldri. Hann
nefnir hana „cyberpunks" - þetta er fyrsta kynslóðin
sem alin er upp fyrir framan skjá og lyklaborð frá
blautu barnsbeini - allavega frá þriggja ára aldri.
Langflestir nota eingöngu leikjaformið fram að
fermingu - hagnýt forrit hafa litla þýðingu á þessum
aldri. En í leikjunum þróar unga fólkið djúpa
tilfinningu fyrir stýrikerfum, dulkóðun/afkóðun,
sýndarveruleika, fingrasetningu og lyklaborði.
Langflestir þessara leikja ýta undir
gelgjuskeiðsímyndunaraflið sem snýst oftast um baráttu
hins góða við hið illa. Þó aldrei í nútímasviðsetningu
heldur annaðhvort langt aftur í tímann - í líki seglskipa,
kastala, dreka og riddararómantíkur - eða langt fram í
tímann - í formi geimferða í öðrum stjörnukerfum.
Upp úr gelgjunni vaknar svo myndsköpunarþráin
hjá mörgum á nýjan hátt og þeir bestu sem fljóta með
þessari þrá fara margir í alvöru myndlistarnám hvort
heldur í hagnýtri eða frjálsri myndlist. Hér áður fyrr
notuðu unglingar kannski bara blýant. Seinna var
„gelgjuskeiðssúrrealisminn“ framkvæmdur með kúlu-
pennum og feltpenna-tússi. Veggjakrot og úðabrúsalist
náði svo fótfestu hér sem annarsstaðar. Myndvinnslu-
forrit í tölvum áttu líka sitt bernskuskeið. Þau
einkenndust af grófgerðri tröppugrafík - hétu Pixel-
paint, Degas eða Macpaint svo dæmi séu tekin og voru
með lága upplausn. Með öðrum orðum þóttu ekki flott
fyrr en upplausnin var það há að „ljósmynda-
raunveruleika" var náð.
Þegar ungt fólk af þessari kynslóð stendur svo
frammi fyrir alvöru-myndvinnsluforritum vandast
málið. Margir með góða tölvuþekkingu komast í vanda
• a
Þorgeir F. Óðinsson nemi í 2. ári i grafiskri hönnun í LHÍ.
22