Fréttablaðið - 30.03.2021, Page 45

STÖNDUM SAMAN UM VELFERÐ BARNA
Barnaheill – Save the Children á Íslandi hvetja alla í samfélaginu til að
hafa það sem er börnum fyrir bestu að leiðarljósi nú sem endranær
vegna Covid-19 faraldursins. Börn þurfa öðrum fremur á umhyggju,
stöðugleika og öryggi að halda.
Barnaheill - Save the Children á Íslandi óska öllum landsmönnum
gleðilegra páska.
- Tökum tillit til foreldra. Atvinnulífið þarf að sýna því skilning að foreldrar
þurfa að sinna börnum sínum þegar skólastarf er skert og börnin heima og
geta því ekki skilað fullum vinnuafköstum á sama tíma.
- Hlustum á börnin. Gefum börnum tækifæri til að tjá líðan sína og upplifun.
Fræðum börn um aðstæður í samfélaginu út frá aldri þeirra, líðan og þroska.
- Verum góð fyrirmynd. Börn skynja líðan okkar og viðhorf þeirra mótast út
frá þeim viðbrögðum sem við sýnum. Mikilvægt er að fara eftir tilmælum
Almannavarna hverju sinni svo börn læri um nauðsyn þess.
- Sýnum samkennd og umhyggju í orði og verki. Aðstæður okkar eru
mismunandi og mikilvægt er að sýna því skilning.
- Tilkynnum til barnaverndar. Verum vakandi yfir aðstæðum sem börn búa
við. Tilkynnum til barnaverndar í númerið 112 ef grunur leikur á að börn búi
við slæm skilyrði, ofbeldi eða vanrækslu. Umhverfi barna getur versnað við
þessar breyttu aðstæður.