Fréttablaðið - 10.04.2021, Blaðsíða 8

DÓMSMÁL Michael Machat, lögmað-
ur Jóhanns Helgasonar, hefur nú lagt
fram greinargerð í áfrýjunarmáli
Jóhanns í lagastuldarmálinu vegna
Söknuðar.
Eins og kunnugt er telur Jóhann
að lagið You Raise Me Up, sem varð
heimsfrægt í flutningi Josh Groban,
sé eftiröpun á laginu Söknuði sem
Jóhann samdi við texta söngvarans
Vilhjálms Vilhjálmssonar.
Máli sem Jóhann höfðaði fyrir
dómstóli í Los Angeles var vísað frá
í fyrra án efnislegrar niðurstöðu þar
sem dómarinn taldi of mikla ágalla
á greinargerð tónlistarfræðings sem
vann fyrir Jóhann að málinu. Þeirri
niðurstöðu vísaði Jóhann til áfrýj-
unardómstóls þar ytra.
Sú leið sem áfrýjunardómstóllinn
valdi fyrir meðferð máls Jóhann var
sú síðri af tveimur mögulegum frá
hans sjónarmiði. Hún felur í sér að
málið er ekki rekið efnislega fyrir
dómstólnum heldur þarf lögmaður
Jóhanns að sýna fram á að dómari á
fyrra dómstiginu hafi farið út fyrir
heimildir sínar og þannig í raun
brotið á rétti Jóhanns til að bera
málið undir kviðdóm sem gæti
metið líkindi laganna tveggja.
Andstæðingar Jóhanns í málinu,
sem eru meðal annarra tónlistar-
risarnir Warner og Universal, höfðu
krafist þess að hann greiddi þeim
323 þúsund Bandaríkjadali, jafn-
virði ríf lega 41 milljónar króna á
gengi dagsins, í málskostnað eftir að
málinu var vísað frá en dómari hafn-
aði þeirri kröfu. Þeirri niðurstöðu
var sömuleiðis vísað til áfrýjunar-
dómstólsins og er það mál nú rekið
aðskilið en þó samhliða áfrýjun
Jóhanns.
„Áfrýjunardómstóll ákveður
hvort mál sé tekið til málamiðlunar
og það gerðist í Söknuðarmálinu.
Þetta hefur tekið marga mánuði,“
segir Jóhann. Ástæða þess að sér-
stakur málamiðlari var fenginn til að
reyna að sætta aðila var sú að metið
var sem svo að hvorugum þeirra yrði
ágengt með áfrýjun sína.
„Lögmenn, fyrir hönd Universal
Music, Warner og Peermusic, fóru
fram á og héldu sig við algjörlega
óásættanlegar kröfur sem grunn
að samkomulagi. Slíkt samkomu-
lag kom því aldrei til greina,“ lýsir
Jóhann atburðarásinni sem farið
hefur fram bak við tjöldin frá því í
fyrra.
„Ein krafan fólst meðal annars í
því að ég kæmi aldrei til með að tjá
mig framar um málið og að aldrei
framar yrði hægt að taka málið upp
aftur nokkurs staðar í heiminum,“
lýsir Jóhann áfram. Þessum umleit-
unum áfrýjunardómstólsins hafi
ekki lokið fyrr en nú í mars. Málið sé
því komið í hefðbundið áfrýjunar-
ferli.
Lögmaður Jóhanns skilaði inn
greinargerð á miðvikudag varðandi
frávísunarmálið og hafa lögmenn
mótaðila hans frest til 7. maí til að
koma með andsvör og sín sjónarmið
í málinu.
„Það er ljóst að mati lögmanns
míns að dómari hafi farið út fyrir
heimildir sínar við ákvörðunartöku
um samþykki frávísunarkröfunnar
og að dómarinn hafi ekki tekið tillit
til framlagðra gagna og málsástæðna
í málinu, ekki ósvipað því að veður-
fræðingur liti til veðurs gegnum
rör,“ segir Jóhann um meginstefið í
greinargerð lögmanns hans.
Kostnaðurinn heldur áfram að
hlaðast upp í málinu. Auk þeirra
útgjalda sem Jóhann hefur og mun
þurfa að standa straum af vofir enn
yfir fyrrnefnd 323 þúsund dollara
málskostnaðarkrafa frá tónlistar-
risunum. Búast má við að sú krafa
hafi nú hlaðið utan á sig.
„Það er ekki óvarlegt að ætla að
málskostnaðarkrafa Universal
Music og félaga, sem dómari hafnaði
í fyrra, sé farin að nálgast 600 þús-
und dollara,“ segir Jóhann. Löngu
sé ljóst að mótaðilar hans svífist
einskis til að knésetja hann.
„Það hefur verið látið í veðri vaka
að þeir komi til með að elta mig á
enda veraldar vegna málskostnað-
arins hafi þeir betur,“ segir Jóhann.
Einn af fjölmörgum öngum máls-
ins er ensk útgáfa sem Jóhann gerði
af Söknuði og sett var á vefinn,
ekki síst til að varpa ljósi á líkindi
Söknuðar og You Raise Me Up.
Heitir lagið In To The Light í ensku
útgáfunni.
„Enska útgáfan af Söknuði virðist
fara mjög í taugarnar á Universal og
jafnvel gæti farið svo að þeir reyndu
að gera eitthvert mál úr því,“ segir
Jóhann. Á hann þar við að tónlistar-
fyrirtækin hafi gefið í skyn að þau
kynnu hugsanlega að stefna Jóhanni
fyrir In To The Light þar sem lagið
sé of líkt You Raise Me Up – jafnvel
þótt lagið sé í raun lagið Söknuður
sem lögmenn þeirra hafa haldið
fram fyrir dómi að sé ekki líkt You
Raise Me Up.
Reiknað er með að áfrýjunardóm-
stóllinn geti komist að niðurstöðu í
málinu seint á þessu ári.
gar@frettabladid.is
Jóhann kann að verða
eltur á enda veraldar
Tónlistarmaðurinn Jóhann Helgason segir lögmenn tónlistarfyrirtækjanna í
lagastuldarmálinu um Söknuð hafa krafist þess að hann myndi aldrei framar
tjá sig um málið og að það yrði aldrei tekið upp síðar fyrir öðrum dómstóli.
Jóhann segir dómara sem vísaði málinu frá eins og veðurfræðing sem horfi
í gegn um rör. Ekki var tekið tillit til framlagðra gagna. FRÉTTABLAÐIÐ/ERNIR
SAMFÉLAG „Hefur það því miður
allt of oft gerst að rútan gleymir
börnunum, þau þurft að bíða úti í
lengri tíma og mörg misst af íþrótta-
og tómstundaæfingum af þessum
sökum,“ segir í bréfi stjórnar for-
eldrafélags Helgafellsskóla til Mos-
fellsbæjar þar sem lýst er yfir áhyggj-
um af því að áætlað íþróttahús við
skólann sé ekki á fjárhagsáætlun
næstu ára.
Foreldrafélagið telur að það
skapist meira öryggi fyrir börnin
ef rútuferðum fækki enda geti þær
verið íþyngjandi. Þá þyki það skjóta
skökku við að verið sé að aka börn-
unum fram og til baka þegar staða
loftslagsmála sé eins og hún sé.
Frá upphafi skólans hafa börn í 1.
til 4. bekk verið í útikennslu í íþrótt-
um sem félagið hrósar sem frábærri
skammtímalausn. „En að þessir
krakkar fái ekki að njóta aðgengis
að íþróttahúsi næstu ár finnst okkur
alveg fráleitt.“
Börn í 5. til 10. bekk eru sögð
gjalda hressilega fyrir það með því
að vera talsvert lengur í skólanum.
„Við höfum verið þolinmóð og
sýnt þessu skilning, en að þetta verði
fyrirkomulagið til lengri tíma finnst
okkur ekki boðlegt. Það er lýðheilsu-
mál að börnin okkar fái að setjast
niður og borða í ró og næði,“ segir
í bréfinu en eini lausi tíminn fyrir
börnin er í hádeginu. „Þetta hefur
áhrif á þessa krakka þar sem mörg
þeirra ná varla að borða hádegis-
mat eða þurfa að henda honum í
sig á handahlaupum til þess að ná í
íþróttatímann sinn.“
Er því skorað á bæjaryfirvöld að
endurskoða þá ákvörðun að slá eigi
á frest að hefja framkvæmdir að
íþróttahúsi við Helgafellsskóla. – bb
Gleymd börn að missa af íþróttatímum
Enska útgáfan af
Söknuði virðist fara
mjög í taugarnar á Universal
og jafnvel gæti farið svo að
þeir reyndu að gera eitthvert
mál úr því.
Jóhann Helgason tónlistarmaður
1 0 . A P R Í L 2 0 2 1 L A U G A R D A G U R8 F R É T T I R ∙ F R É T T A B L A Ð I Ð
Hafnarstræti 1–3 > fjallkona.isfjallkonan.rvk fjallkonan
FJALLKONAN FAGNAR ÞÉR!
Nánar á fjallkona.is
BRJÁLÆÐISLEGA GÓÐUR
BRUNCH
LAUGARDAGA & SUNNUDAGA
11.30-14.30
NÝR OG SPENNANDI SEÐILL!