Fréttablaðið - 01.05.2021, Qupperneq 5

1. MAÍ 2021
Afkoma samfélagsins á Íslandi á fyrri hluta 21. aldarinnar er þrátt fyrir allt með því
allra besta sem þekkist í sögunni. Við búum í landi sem er ríkt af auðlindum – bæði af
hendi náttúrunnar og mannauði. Með góðum vilja og réttum ákvörðunum getum við öll
notið mannsæmandi lífskjara á Íslandi.
„Það er nóg til“ er orðatiltæki sem flestir Íslendingar þekkja og nota gjarnan þegar gest
ber að garði. Fólki er boðið að njóta veitinga með viðkvæðinu „fáðu þér, það er nóg til“.
En undirliggjandi meining er ekki síður „ekki vera feimin við að fá ykkur,
við viljum deila með ykkur“.
Jafnvel þegar þú heldur að ekki sé nóg til, þá fá hin sér bara aðeins minna
svo öll fái eitthvað.
ASÍ óskar launafólki til hamingju með daginn og minnir á
baráttu- og skemmtiþátt í tilefni 1. maí á RÚV kl. 21:00 í kvöld.
Það er nóg til