Morgunblaðið - Sunnudagur - 14.02.2021, Síða 4

FRÉTTIR VIKUNNAR
4 MORGUNBLAÐIÐ SUNNUDAGUR 14.2. 2021
Nokkuð var slakað á sóttvarn-arreglum, enda þekkjamenn varla lengur smit inn-
anlands nema úr munnmælasögum.
Mjög hóflega var þó slakað á fjölda-
takmörkunum, en mestu munar um
að barir og skemmtistaðir mega nú
hafa opið og að gestir líkamsrækt-
arstöðva mega nú fara í steypibað eft-
ir að hafa tekið á því. Því fagnar þef-
næm þjóð.
Aðeins er 21 í sóttkví í landinu, en 28
manns í einangrun með Covid-19.
Hömlur á ferðalögum eru enn veru-
legar og því þótti það fréttnæmt að
íslensk grágæs hefði komist til Dan-
merkur.
Barnaráðherrann Ásmundur Einar
Daðason upplýsti að ráðuneytið hafi
búist við fleiri tilkynningum til
barnaverndarnefnda í heimsfaraldr-
inum, eins og gengið hefði eftir. Þetta
væri það sem gerðist í svona heims-
faröldrum. Hann nefndi þó ekki hvað
barnaverndarnefndir hefðu fengið
margar tilkynningar í Spönsku veik-
inni, Stórubólu eða Svartadauða.
Greint var frá því að Húsavík-
urkirkja væri orðin mikið fúin og
þarfnaðist lagfæringa. Hollvina-
samtök kirkjunnar áforma söfnun til
þess að bjarga þessarri einni feg-
urstu kirkju landsins.
Enginn vildi hins vegar varðveita hin-
ar bleiku höfuðstöðvar flugfélagsins
Wow við Katrínartún og því var haf-
ist handa við að rífa það, en í staðinn á
að rísa þar átta hæða stórhýsi.
Svo mikið hefur dregið úr umferð í
hinum helgu véum Þingvalla, að
sjálfvirkir teljarar þar eru farnir að
senda frá sér viðvörunarmerki af
tómri einsemd. Bölspár fjórðu iðn-
byltingarinnar eru þegar teknar að
rætast.
Leit að John Snorra Sigurjónssyni
og samferðamönnum hans á fjallinu
K2 í Pakistan bar engan árangur, en
ekkert hefur til þeirra spurst síðan
liðinn föstudag. Óttast er um afdrif
þeirra.
  
Heimsfaraldurinn og félagsfirðin,
sóttkvíarnar og latexhanskarnir hafa
ekkert gert fyrir hjónavígsluiðnaðinn,
þó Tindr-notkun hafi síður en svo
dregist saman. Í fyrra voru þannig 656
færri hjónavígslur en í fyrra. Svo er
bara að bíða eftir skilnaðartölunum
eftir alla samveru kjarnafjölskyld-
unnar.
Netnotkun hefur aukist mikið í
heimsfaraldrinum um heim allan.
Hún er mest á Norðurlöndum og
langmest á Íslandi. Hins vegar fjölg-
aði netglæpum um þriðjung, sem er
svipuð þróun og erlendis. Lögreglan
telur þó að aukningin liggi að ein-
hverju leyti í að fólk sé duglegra við
að tilkynna slíkt misferli en áður.
Bálskýli í Haukadalsskógi brann til
kaldra kola, sem varla getur komið
óskaplega á óvart. Engir skógar-
eldar hlutust af.
Hreindýraveiðileyfum mun talsvert
fækka í ár, verða 1.220 talsins en voru
1.325 í fyrra. Viðbúið er að jólin verði
því með öðru sniði hjá einhverjum.
Samkvæmt vef TripAdvisor er
Vatnajökulsþjóðgarður meðal
áhugaverðustu þjóðgarða Evrópu.
Jeppaferðir á hálendið hafa sjaldan ef
nokkru sinni notið jafnmikilla vin-
sælda.
Tap Icelandair Group á liðnu ári nam
51 milljarði króna, sem þótti nokkuð
vel sloppið. Stjórnendur félagsins
segjast hóflega bjartsýnir um að rofa
taki til á öðrum ársfjórðungi þessa
árs.
Könnun sýndi að þrátt fyrir allt væru
Íslendingar hamingjusöm þjóð. Þar
sköruðu Vestmannaeyingar og Snæ-
fellingar nokkuð fram úr öðrum lönd-
um sínum. Þegar einnig var horft til
búsetuskilyrða voru Vestmanna-
eyingar og Eyfirðingar sáttastir við
sinn hlut.
Lýðræði í heiminum hefur látið und-
an síga í heimsfaraldrinum í vel-
flestum löndum heims, mismikið þó.
Það má fyrst og fremst rekja til sótt-
varnarráðstafana, sem lagt hafa
margs konar hömlur á einstaklings-
frelsi. Ísland var þar hins vegar í
fremstu röð, í 2. sæti á eftir Noregi.
  
Viðræðum lyfjarisans Pfizer við full-
trúa Íslands um mögulega hjarð-
ónæmisrannsókn lauk með því að
ekkert varð úr þeim fyrirætlunum.
Sagt var að kórónuveiran væri ekki
lengur nægilega útbreidd á Íslandi til
þess að rannsóknin skilaði gagn-
legum upplýsingum svo svaraði
kostnaði. Mátti heyra spennufallið
víða um land.
Kári Stefánson forstjóri Íslenskrar
erfðagreiningar rauf þögnina og
sagði að hann teldi að fjölmiðla-
umfjöllun kynni að hafa spillt fyrir
málinu. „Það var talað of mikið um
þetta og óvarlega, sem menn hefðu
helst ekki átt að gera.“
Ný stjórnvöld í Bandaríkjunum virð-
ast ætla að halda sömu stefnu og rík-
isstjórn Donalds Trumps markaði
gagnvart Norðurslóðum. Var til
þess tekið að staðgengill sendiherra
hefði verið sendur til Íslands þegar
eftir stjórnarskiptin, nýr varnar-
málaráðherra ámálgað viðræður við
Norðurlönd og vonast eftir að Antony
Blinken, nýr utanríkisráðherra
Bandaríkjanna, komi til Íslands í maí.
Oddafélagið undirbýr nú byggingu
Sæmundarstofu að Odda á Rangár-
völlum, menningar- og fræðasetur til
minningar um Sæmund fróða Sig-
fússon.
  
Heildaratvinnuleysi á Suðurnesjum
er nú komið í 26%, en meðal kvenna
er það 29%. Atvinnuleysi á landinu
öllu er nú um 12%.
Ný hverfi, sem Reykjavíkurborg
dritar niður umhverfis Reykjavíkur-
flugvöll í von um að skipuleggja hann
burt, valda ókyrrð á flugbrautum og
skapa hættulegar aðstæður. Þegar
spurst var fyrir um þessa ógn við
flugöryggi í Borgarráði kannaðist
enginn í Ráðhúsinu við neitt.
Agnes M. Sigurðardóttir biskup
segir langvarandi fjársvelti standa í
vegi fyrir eðlilegu viðhaldi friðlýstra
kirkna landsins.
Ríkisendurskoðun, sem er einmitt
að gera úttekt á stærðarhagkvæmni
ríkisstofnana, tilkynnti að til stæði að
opna starfsstöð á Akureyri með 4-5
starfsmönnum, enda kosningar í
nánd.
  
Tjónið vegna vatnsflaumsins í Há-
skóla Íslands í liðnum mánuði er tal-
ið rúmur milljarður króna, en mun
að líkindum hækka frekar. Ekki er
ljóst hver bætir það.
Hagnaður viðskiptabankanna
þriggja var samtals um 30 milljarðar
króna í fyrra. Útibúum þeirra hefur
ört fækkað, eru um 60 en voru 170
upp úr aldamótum.
Nóg var að frétta af framboðs-
málum í vikunni. Hæst bar sjálfsagt
að hjá sjálfstæðismönnum í Norð-
vesturkjördæmi stefnir í oddvitaslag
milli Þórdísar Kolbrúnar Reykfjörð
Gylfadóttur, ráðherra og varafor-
manns flokksins, og Haraldar Bene-
diktssonar, núverandi oddvita
flokksins í kjördæminu. Í Suður-
kjördæmi greindi Unnur Brá Kon-
ráðsdóttir frá því að hún hygðist
ekki reyna að endurheimta þing-
sæti sitt. Þar byrstu sumir sig við
Pál Magnússon, minnugir þess að
hann studdi klofningsframboð í síð-
ustu bæjarstjórnarkosningum í
Eyjum.
Vandræði Samfylkingarinnar í
Reykjavík héldu áfram þegar Jó-
hanna Vigdís Guðmundsdóttir
varaþingmaður sagði sig úr flokkn-
um og lét af varaþingmennsku, af-
ar ósátt við störf kjörnefndar, en
hún mun hafa verið látin víkja fyrir
Rósu Björk Brynjólfsdóttur, sem
síðast var kjörin á þing fyrir
Vinstrihreyfinguna – grænt fram-
boð. Hún hætti við að hætta við
framboð í Reykjavík og reyna fyrir
sér í Suðvesturkjördæmi þegar eft-
irspurnin þar reyndist dræm. Það-
an fréttist hins vegar að Þórunn
Sveinbjarnardóttir, fyrrverandi
ráðherra, hefði gefið kost á sér á
ný.
Andrés Ingi Jónsson, sem kjörinn
var á þing fyrir vinstri græn, gekk til
liðs við Pírata og hyggst taka þátt í
prófkjöri þeirra.
Skýrsla um fæðuöryggi Íslendinga
var lögð fram, en þar kom fram að
staða þess væri vel bærileg, þó að
ósekju mætti auka innlenda fram-
leiðslu á grænmeti og gefa elds-
neytisbirgðastöðu gaum, hún
mætti ekki við miklu og truflað
matarinnflutning. Hins vegar var
þar í engu minnst á margra mán-
aða þurrð á Lucky Charms í versl-
unum og hefur Bónus gripið til
þess örþrifaráðs að flytja inn sam-
heitamorgunkorn.
Brostnir draumar
um bóluefni
Auðir stólar og básar í Laugardalshöll, þar sem heilsugæsla höfuðborgarsvæðisins kom upp aðstöðu til fjöldabólusetn-
inga. Höllin verður nýtt til bólusetninga en í nokkru minni mæli en vonast var til og miklu, miklu lengur.
Morgunblaðið/Eggert
7.2.-12.2.
Andrés Magnússon
andres@mbl.is