Fréttablaðið - 20.08.2021, Blaðsíða 8
n Halldór
n Frá degi til dags
ÚTGÁFUFÉLAG: Torg ehf. STJÓRNARFORMAÐUR: Helgi Magnússon FORSTJÓRI OG ÚTGEFANDI: Björn Víglundsson RITSTJÓRI: Sigmundur Ernir Rúnarsson ser@frettabladid.is,
FRÉTTASTJÓRAR: Aðalheiður Ámundadóttir adalheidur@frettabladid.is Ari Brynjólfsson arib@frettabladid.is, Garðar Örn Úlfarsson gar@frettabladid.is MARKAÐURINN: Hörður Ægisson hordur@frettabladid.is
Fréttablaðið kemur út í 80.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að fá blaðið í völdum verslun um á landsbyggðinni. Fréttablaðið áskilur sér rétt til að birta allt efni blaðsins í
stafrænu formi og í gagnabönkum án endurgjalds. ISSN 1670-3871 FRÉTTABLAÐIÐ Kalkofnsvegur 2, 101 Reykjavík Sími: 550 5000, ritstjorn@frettabladid.is
HELGARBLAÐ: Björk Eiðsdóttir bjork@frettabladid.is MENNING: Kolbrún Bergþórsdóttir kolbrunb@frettabladid.is LJÓSMYNDIR: Anton Brink anton@frettabladid.is FRAMLEIÐSLUSTJÓRI: Sæmundur Freyr Árnason sfa@frettabladid.is
Viðbrögð
flestra
stjórn-
mála-
manna
við þessu
ástandi,
sem hafa
auðvitað
ákveðið að
leyfa „sér-
fræðing-
unum“ að
ráða, er
einfaldlega
að segja
ekki neitt.
Hörður
Ægisson
hordur
@frettabladid.is
Loftslagsváin er bein afleiðing pólitískra ákvarðana sem
ekki hafa tekið mið af sjálfbærni og réttlæti. Til þess
að takast á við vandann er þörf á róttækum aðgerðum
á stuttum tíma. Sem fræðikona og umhverfissinni
hafa loftslagsmálin átt hug minn allan í langan tíma,
og eru helsta ástæða þess að ég hef ákveðið að taka
virkan þátt í stjórnmálum. Það eru vissulega margar
leiðir til þess að breyta samfélaginu, t.d. með þátttöku
í grasrótarhreyfingum og í vísindasamfélaginu, en mér
finnst mikilvægt að fólk úr þessum hópum beiti sér í
auknum mæli innan ramma stjórnmálanna.
Stjórnmálin virka
Það jákvæða við sterkar yfirlýsingar vísindanna um
alvarleika ástandsins er að það skapar vissa pressu
á stjórnmálaflokka að taka skýra afstöðu. Við erum
heppin að búa í samfélagi sem tekur mark á vísinda-
legri þekkingu, og samfélagið kallar á aðgerðir, og það
er ljóst að loftslagsmálin verða eitt af því sem kosið
verður um 25. september.
Við höfum séð að skýr stefnumótun virkar, þó það
sé ljóst að við þurfum að gefa í á næsta kjörtímabili.
Með Vinstri græn í ríkisstjórn var langvarandi kyrr-
stöðu í loftslagsmálum snúið við. Á kjörtímabilinu var
frumvarp um kolefnishlutleysi Íslands árið 2040 fest í
lög, mikilvægt skref sem fylgt verður eftir með skýrum
aðgerðum. Við sjáum samdrátt í heildarlosun gróður-
húsalofttegunda milli áranna 2018 og 2019.
Framsækin markmið
Það er morgunljóst að á næsta kjörtímabili munum við
þurfa að ganga mun lengra, og byggja á þeim grunni
sem hefur verið lagður á síðustu fjórum árum. Næstu
ár verða krefjandi. Við munum í auknum mæli finna
fyrir afleiðingum loftslagsbreytinga af mannavöldum.
Þó neyðin sé mikil, þá hef ég aldrei verið vissari um að
við séum á réttri leið. Þegar hætta steðjar að verðum við
að gera það sem þarf til að takast á við vandann og nú
er meiri samstaða en nokkurn tímann um þörfina til
aðgerða. Ég treysti VG til að sýna þá forystu sem til þarf
til að breyta þekkingunni sem við höfum í framsækin
markmið, studd með aðgerðum og fjármagni. ■
Forystan sem þarf
Eva Dögg
Davíðsdóttir,
frambjóðandi
Vinstri grænna í
Reykjavík norður
og doktorsnemi
í umhverfis- og
þróunarfræði.
benediktboas@frettabladid.is
Draugakennslustofur
Leitað er nú allra leiða til að
koma skólastarfi af stað fyrir
veturinn. Þrátt fyrir myglu,
framkvæmdir og sóttvarna-
takmarkanir verða börn og
unglingar að fá sólarljós og hitta
hvert annað, því þarf að útvega
kennslustofur. Hefur því verið
brugðið á það ráð að kenna í
íþróttasölum, holræsum, kló-
settgöngum íþróttafélaga og í
draugahúsinu á Njarðargötu.
Þá íhugar Reykjavíkurborg að
endurnýja sérstakan samning
sinn við Vinnustofu Kjarvals
við Austurvöll til að nota sem
leikvöll í frímínútum.
Lagað eftir faraldur
Stundum er ástæða til að efast
um ágæti reykvískrar stjórn-
sýslu, enda eru vegir hennar
oft og tíðum órannsakanlegir.
Vangaveltur í þessa veru hafa
leitað á fastagesti sundlauganna
beggja vegna lækjar á síðustu
dögum og vikum, en ýmist
hefur Sundhöll Reykjavíkur
verið lokuð vegna viðgerða
í góðan part úr viku, ellegar
Sundlaug Vesturbæjar í svo
sem eins þrjá daga. Hefði ekki
einmitt verið upplagt að taka til
hendinni í þessum sundlaugum
allan tímann sem þær voru
lokaðar, svo vikum og mán-
uðum skipti á þessu og síðasta
ári vegna farsóttarinnar? Nei,
lögum laugarnar fyrst núna,
eftir að þær voru opnaðar. ■
Brautirnar
eru
fáanlegar
með
mjúklokun
Mikið úrval
rennihurðabrauta frá
Þýsk gæðavara.
Skútuvogi 1h - Sími 585 8900
www.jarngler.is
Stjórnmálamennirnir hafa í meginatriðum brugðist og ekki staðið undir þeirri ábyrgð sem þeir eru kosnir til. Það kann að hafa verið skynsamlegt fyrir ríkisstjórnina á einhverjum tímapunkti í faraldrinum, einkum út frá
pólitískum hagsmunum, að stíga til hliðar og eftirláta
þríeykinu svonefnda, embættismönnum, að fara með
forystuna og taka yfir nánast öll dagleg samskipti við
almenning. Sá tími er hins vegar löngu liðinn. Verði
ekki þar breyting á er ljóst að áfram verður haldið að
tromma upp í hinum daglega skammti af hræðslu-
áróðri sóttvarnayfirvalda. Stjórnvöld þurfa því að
taka málin fastar í sínar hendur með heildarhagsmuni
alls samfélagsins að leiðarljósi.
Eftir að hafa sett nánast heimsmet í bólusetning-
um, sem hefur minnkað verulega líkur á alvarlegum
veikindum, erum við stödd í nýjum kafla veirunnar,
var okkur sagt. Samt er eins og fátt hafi breyst og
aðrar þjóðir – minna bólusettar – eru að taka fram úr
okkur þegar kemur að því að afnema allar hömlur og
koma á eðlilegu lífi. Leiðin „til að lifa með veirunni“
getur aldrei verið sú, eins og virðist meðal annars
vera eina innlegg verkalýðshreyfingarinnar, að loka
landamærunum, senda þúsundir manns í sóttkví
og borga þeim öllum laun frá ríkinu á meðan. Það er
jafna sem gengur ekki upp til lengdar.
Við þurfum að skipta algjörlega um takt. Hvernig
má það vera að hér þurfi að beita mun harðari sóttkví-
arreglum en í okkar nágrannalöndum? Enginn rök-
stuðningur né gögn sýna fram á mikilvægi þessa en
afleiðingarnar eiga eftir að birtast í veldisvexti fólks
sem verður gert að sæta sóttkví á komandi vikum
þegar skólarnir opna að nýju og allt skólastarf, eins og
mörg önnur starfsemi samfélagsins, mun þá lamast.
Nauðsynlegt er að breyta reglum um sóttkví þannig
að þær nái ekki til barna og einkennalausra fullbólu-
settra einstaklinga. Sóttvarnalæknir sagði sjálfur í
vikunni að „ekki væru miklar líkur“ á að bólusett fólk
sem væri smitað af veirunni en sýndi væg eða engin
einkenni „smiti mikið út frá sér. Þetta er kúvending í
málflutningi hans, sem hefur hingað til reynt að telja
okkur trú um að ógnin sé svo mikil vegna þess að hún
er ósýnileg. Svo er augljóslega ekki lengur.
Sóttvarnayfirvöld hafa lýst því yfir að framtíðarsýn
þeirra felist í verulegum hömlum á stjórnarskrár-
bundnum réttindum fólks næstu mánuði eða ár. Fara
á aðra leið en í nágrannaríkjum þrátt fyrir að vitað sé
að hættan á alvarlegum veikindum hefur minnkað
um liðlega 80 prósent eftir bólusetningu. Hefðum við
samþykkt að ráðast í slíkar takmarkanir í upphafi –
svo ekki sé talað um hvort þær hefðu staðist stjórnar-
skrá – ef þá hefði verið vitað að hættan gagnvart heilsu
og lífi fólks væri hverfandi? Tæplega en núna um 18
mánuðum síðar, þegar við búum sannarlega yfir þeim
upplýsingum, þá sjáum við eftir langvarandi ástand
af höftum og lokunum hversu erfitt það er að vinda
ofan af þeim takmörkunum sem hafa verið settar
á daglegt líf fólks – þótt fátt réttlæti þær lengur. Og
viðbrögð flestra stjórnmálamanna við þessu ástandi,
sem hafa auðvitað ákveðið að leyfa „sérfræðingunum“
að ráða, er einfaldlega að segja ekki neitt. Það er þeim
til minnkunar. ■
Grafarþögn
SKOÐUN FRÉTTABLAÐIÐ 20. ágúst 2021 FÖSTUDAGUR