Fréttablaðið - 29.07.2021, Page 10

Það segir
sig sjálft að
fátt vit-
rænt gerist
á börum
eftir mið-
nætti.
ÚTGÁFUFÉLAG: Torg ehf. STJÓRNARFORMAÐUR: Helgi Magnússon FORSTJÓRI OG ÚTGEFANDI: Björn Víglundsson RITSTJÓRI: Jón Þórisson jon@frettabladid.is, FRÉTTASTJÓRAR: Aðalheiður Ámundadóttir adalheidur@frettabladid.is
Ari Brynjólfsson arib@frettabladid.is, Garðar Örn Úlfarsson gar@frettabladid.is MARKAÐURINN: Hörður Ægisson hordur@frettabladid.is
Fréttablaðið kemur út í 80.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að fá blaðið í völdum verslun um á landsbyggðinni. Fréttablaðið áskilur sér rétt til að birta allt efni blaðsins í
stafrænu formi og í gagnabönkum án endurgjalds. ISSN 1670-3871 FRÉTTABLAÐIÐ Kalkofnsvegur 2, 101 Reykjavík Sími: 550 5000, ritstjorn@frettabladid.is
HELGARBLAÐ: Björk Eiðsdóttir bjork@frettabladid.is MENNING: Kolbrún Bergþórsdóttir kolbrunb@frettabladid.is LJÓSMYNDIR: Anton Brink anton@frettabladid.is FRAMLEIÐSLUSTJÓRI: Sæmundur Freyr Árnason sfa@frettabladid.is
n Halldór
n Frá degi til dags
Kolbrún
Bergþórsdóttir
kolbrunb
@frettabladid.is
Sú hugmynd er furðu útbreidd að sjálfsagt sé að leyfa fólki að veltast um drukkið á skemmtistöðum langt fram á morgun, því það sé hluti af mannréttindum þess.Það segir sig sjálft að fátt vitrænt gerist á
börum eftir miðnætti enda verður fólk hvorki gáf-
aðra né skynsamara eftir því sem það drekkur meira.
Drukkin manneskja gerir ýmislegt sem hún hefði
aldrei látið hvarfla að sér að gera bláedrú. Í ölæði
vinnur fólk skemmdarverk og ræðst á náungann. Á
dögunum, eftir að Covid-höftum var aflétt um tíma,
var f lösku hent inn um rúðu á sjúkrabíl. Ekki getur
sú gjörð f lokkast sem eðlileg útrás einstaklinga sem
höfðu ekki fengið djammskammtinn sinn í nokkurn
tíma.
Hér er ekki verið að halda fram harðsvíruðum
templarasjónarmiðum. Ekkert er að því að skemmti-
staðir séu opnir langt fram á kvöld, en hverjum í
ósköpunum datt í hug að það væri skynsamlegt að
hafa opið þar til hálf fimm að morgni um helgar? Sú
hugmynd hlýtur að hafa komið frá einstaklingum
sem sáu fram á að geta grætt á tá og fingri fengi fólk
að hella sig fullt á skemmtistöðum á þeim tíma sólar-
hrings sem hollast er að sofa svefni hinna réttlátu.
Á einum af hinum ótal upplýsingafundum
almannavarna vegna Covid var mættur ungur og
óþolinmóður blaðamaður, sem virtist upplifa það að
verulega væri þrengt að skemmtanalífi hans. Hann
spurði sóttvarnalækni: „Hvenær fáum við að fara á
djammið?“ Ekki var sérlega mikið um svör hjá hinum
prúða og ágæta sóttvarnalækni landsins að þessu
sinni. Honum hefur líklega þótt, eins og f leirum, að
það væri ekki forgangsmál í heimsfaraldri að f lýta
fyrir því að æskan kæmist á djammið.
Í nýlegri skoðanakönnun Maskínu kemur fram að
yfirgnæfandi meirihluti landsmanna er hlynntur því
að afgreiðslutími skemmtistaða sé styttur. 17,5 pró-
sent eru fremur andvíg hugmyndinni eða mjög and-
víg, sem er ótrúlega lág tala. Ungt fólk vill svo frekar
halda í langan opnunartíma en það eldra.
Unga fólkið vill vera á djamminu. Það er ekkert
einkennilegt. Eldri kynslóðir leituðu í djammið á
sínum yngri árum og töldu jafnvel að þar væri sanna
lífsfyllingu að finna. Það reyndist blekking ein. Það
þýðir þó ekkert fyrir eldri kynslóðir að messa yfir
þeim yngri að tíminn á djamminu skilji lítið sem
ekkert eftir, nema þá timburmenn. Hver og einn
þarf að uppgötva þetta fyrir sjálfan sig. Sumir gera
það reyndar aldrei og f lýja með reglulegu millibili á
barinn í leit að félagsskap. Fólk forgangsraðar hlutum
misjafnlega og ekki er hægt að ætlast til að allir
séu heima hjá sér á kvöldin að lesa bók og hlusta á
Mozart – þótt slíkt sé að sönnu vítamínsprauta fyrir
sálarlífið.
Stuðning fólks við styttri opnunartíma skemmti-
staða í þessari Maskínu-könnun má hugsanlega
tengja að hluta til við áhyggjur um að þeir séu
smitbæli fyrir Covid. Þetta er þó örugglega ekki öll
skýringin. Líklegast er að þeir sem fylgjandi eru
styttri opnunartíma skemmtistaða sjái ekki skyn-
semina í því að hafa þá opna langt fram á morgun.
Enda er fólk ekki að drekka mjólk á barnum. n
Djammið
Nú þegar styttist í setningu Hinsegin daga verður
mér hugsað hvað það sé yndislegt að búa í landi þar
sem baráttan hefur náð langt, þar sem við njótum
frelsis, frelsis til athafna, frelsis til stjórnmálaþátt-
töku, frelsis til að vera við sjálf. En það var ekki
alltaf þannig. Takmarkanir vegna Covid minna
okkur á hvað frelsið getur verið viðkvæmt.
Stóri munurinn á f lokkum í íslenskum stjórn-
málum er í dag ekki milli hægri og vinstri, heldur
einmitt þarna. Breytinga eða íhalds. Sumir myndu
jafnvel segja að þetta sé munurinn á von og ótta. En
þetta er f lóknara en svo.
Þróun mannlegs samfélags fylgir vissum takti,
stórstígar framfarir og breytingar í einhvern tíma,
en svo fylgir tímabil aðlögunar og íhaldssemi,
jafnvel einhverrar afturfarar. Þetta gildir jafnt um
tækni og samfélagslegar breytingar. Aðlögunar-
tímabilið er ekki síður mikilvægt. Við venjumst
breytingunum, útfærum þær á nýjan hátt. Svo
þegar breytingarnar eru orðnar viðteknar styttist í
næstu byltingu, krafan um aðrar breytingar fer að
krauma.
Einu sinni var markaðshagkerfi ný hugmynd
og þau sem börðust fyrir því, gegn konungum og
alræði, voru umbreytingamegin. Nú þegar það er
orðið viðtekið eru þau frekar íhaldsmegin, nema það
sé eitthvað annað sem þau vilja breyta. Þannig hefur
þetta í raun alltaf verið stóri munurinn í stjórn-
málum. Það er bara misjafnt hverju þarf að breyta.
Það er orðið nokkuð síðan við tókum síðast rót-
tækt framfaraskref, og krafan um næsta skref liggur
í loftinu. Fólk vill breytingar. Breytingar á eignar-
haldi kvóta, breytingar á stjórnarskrá, breytingar
á stöðu í Íslands í alþjóðasamstarfi, breytingar á
meðferð aldraðra, öryrkja og flóttafólks, breytingar
á innmúraðri spillingu og sérhagsmunum. Þessi
krafa hefur gerjast um nokkurt skeið og kristallast í
kröfunni um breytingar á stjórnarskrá.
Núna í haust höfum við aftur tækifæri til að velja.
Það snýst í grunninn um þessa einföldu spurningu.
Breytingar, eða ekki breytingar?
Ég kýs breytingar. n
Frelsið er yndislegt
Fólk vill
breytingar.
Alexandra Briem
forseti
borgarstjórnar.
Tímapantanir á opticalstudio.is
og í síma 511 5800
SMÁRALIND • HAFNARTORG • KEFLAVÍK
Sjónmælingar
eru okkar fag
Bömmer
Tólf innanlandssmit og þrjú
hundruð og fjörutíu manns í
sóttkví, fjörutíu og fjögur smit,
fimmtíu og sex smit, sjötíu og
átta smit, níutíu og fimm smit,
sjötíu og eitt Covid-smit og
fjörutíu og sex utan sóttkvíar,
samkvæmt fyrstu tölum voru
smitin áttatíu og tvö en síðan
var greint frá því að þau væru
níutíu og sex og nú hefur verið
gefinn út endanlegur fjöldi,
hundrað tuttugu og sex sem
er mesti fjöldi smita sem
greinst hefur á einum degi, eitt
hundrað og fimmtán Covid-
smit innanlands og greindust
áttatíu og níu utan sóttkvíar.
Ekki meir! Ekki meir!
Veirufangar
Laf hrædd í kreppu er lítil þjóð
sem líða má hugarangur,
sá er volduga verslun rak
velkist nú einn og svangur,
skartaði kuf li skattaþjófs
skjótur og fingralangur,
matinn sníkir af mæðranefnd
mörkepp og pylsuslangur.
…
Veröld bylgjast í veiruhafi
vondauf og suddagrá
dimma veröld dökki heimur
dómur senn kalla má
bíða vígglaðir vítissýklar
vondsleg er heimsins spá,
kallar hann þig, kallar hann
mig
í kistu oss leggur ná.
Valdimar Tómasson,
Veirufangar n
SKOÐUN FRÉTTABLAÐIÐ 29. júlí 2021 FIMMTUDAGUR