Fréttablaðið - 29.07.2021, Síða 16

Oddur Freyr
Þorsteinsson
oddurfreyr
@frettabladid.is
Fjöldi tískumerkja tók að
sér að hanna búninga fyrir
keppnisliðin sem taka þátt
í Ólympíuleikunum sem
fara fram í Tókýó um þessar
mundir. Í ár má sjá búninga
frá hátískumerkjum, íþrótta-
vörurisum og nýjum merkj-
um sem eru að hasla sér völl.
Fjöldi tískumerkja hefur framleitt
ýmiss konar búninga fyrir Ólymp-
íuleikana í Tókýó í ár, bæði eldri og
þekktari merki sem og nýrri merki
sem eru á uppleið.
Nokkrir hönnuðir eru að taka
þátt í Ólympíuleikunum í fyrsta
sinn, til að mynda líberísk-banda-
ríski hönnuðurinn Telfar Clem-
ens, sem gerði föt fyrir líberíska
Ólympíuliðið, og Kim Kardashian
West, sem sá bandaríska keppnis-
liðinu fyrir þægilegum fötum frá
merki sínu, Skims. Women's Wear
Daily fjallaði nýlega um nokkur af
áhugaverðustu tískumerkjunum
sem hönnuðu föt fyrir leikana.
Ralph Lauren
Ralph Lauren hannaði búningana
fyrir bandaríska keppnisliðið og
á opnunarhátíðinni birtist liðið í
bláum jakka og buxum, stutterma-
bol með bláum og hvítum röndum
og sérhönnuðum Ralph Lauren
andlitsgrímum. Búningarnir hafa
líka sérstakan kælibúnað sem
kallast RL Cooling, sem á að hjálpa
íþróttamönnunum að halda eðli-
legum líkamshita í hitanum mikla
í Tókýó.
Telfar
Hönnuðurinn Telfar Clemens sýndi
fyrsta safn sitt af fötum í meira
en ár þegar líberíska keppnisliðið
kom fram á opnunarhátíðinni.
Clemens er opinber stuðningsaðili
liðsins, en þetta var í fyrsta sinn
síðan árið 2000 sem líberíska liðið
fær stuðningsaðila og hann bjó til
um 70 flíkur fyrir liðið. Fjölskylda
Clem ens flúði borgarastyrjöld í Líb-
eríu árið 1990 en hann sneri aftur
til heimalandsins í fyrsta sinn til
að semja við Ólympíuliðið og hefja
hönnun búninganna.
Nike
Nike hefur lengi búið til búninga
fyrir Ólympíuíþróttamenn en í ár
gerði íþróttavörurisinn búninga
fyrir hjólabrettakeppni í fyrsta
sinn, en það er ný grein á leik-
unum. Fyrirtækið starfaði með
hollenska listamanninum Piet
Parra til að hanna treyju sem dró
innblástur frá löndunum sem
sendu hjólabrettakappa til keppni
á leikunum.
Tískumerkin á Ólympíuleikunum
Ítalska keppnis-
liðið var klætt
í föt sem voru
hönnuð af
Giorgio Armani
á opnunarhátíð
Ólympíuleik-
anna.
FRÉTTABLAÐIÐ/
GETTY
Breska tískumerkið Ben Sherman
tók að sér að hanna búningana fyrir
breska keppnisliðið.
Hönnuðurinn
Telfar Cle-
mens flúði frá
Líberíu árið
1990 en hannar
nú búninga
keppnisliðs
heimalands
síns.
FRÉTTABLAÐIÐ/
GETTY
Giorgio Armani
Ítalska Ólympíuliðið hefur notað
búninga frá Giorgio Armani síðan
árið 2012 en í ár nutu hátískubún-
ingar liðsins ekki sömu hylli og oft
áður. Á opnunarhátíðinni var liðið
í hvítri peysu og buxum sem voru
skreytt með hringlaga mynd með
fánalitum Ítalíu sem líktist helst
Pac-Man. Samkvæmt tískuhúsinu
átti skreytingin að vísa til rísandi
sólar.
Skims
Merki Kim Kardashian West
hannaði undirföt, náttföt og
þægindafatnað fyrir bandaríska
liðið. Hönnuðurinn tilkynnti þetta
á Instagram fyrir mánuði síðan og
birti þar myndir af Ólympíuförum í
fötunum. Fötin verða líka seld í tak-
mörkuðu upplagi á vefsíðu Skims.
Ben Sherman
Breska tískumerkið Ben Sherman
tók að sér að vera stuðningsaðili
breska liðsins til margra ára og
þetta var í annað sinn sem merkið
hannaði búningana fyrir liðið, en
það gerðist áður árið 2004.
Á opnunarhátíðinni birtist liðið
í fötum sem sýndu þjóðarstolt, en
klæðnaðurinn samanstóð af Harr-
ington-jakka, bomber-jakka og
hvítri pólóskyrtu. Fötin verða líka
seld til almennings.
Uniqlo
Uniqlo gerði búningana fyrir
sænska keppnisliðið og það var
í fyrsta sinn sem merkið gerðist
stuðningsaðili heils liðs. Búning-
arnir eru gerðir úr efnum sem eiga
að bæta frammistöðu keppenda
og eru framleiddir með nýstár-
legum aðferðum. Búningarnir voru
hannaðir af aðalhönnuði Uniqlo,
Masahiko Furuta, í samstarfi við
sænska íþróttafólkið sjálft, til að
tryggja að fötin væru bæði þægileg
og praktísk.
Lacoste og Le Coq Sportif
Lacoste og Le Coq Sportif unnu
saman til að hanna búningana
fyrir franska keppnisliðið, sem
vísa til franska fánans. Merkin
gerðu meðal annars póló-skyrtur,
buxur og jakka með bæði Lacoste
krókódílnum og Le Coq Sportif
hananum. ■

HJÓLABLAÐ
Föstudaginn 6. ágúst gefur Fréttablaðið út sérblaðið Hjólablað.
Í þessu skemmtilega blaði er fjallað um allt sem viðkemur hjólreiðum á Íslandi.
Allir sem stunda hjólreiðar að einhverju marki munu finna áhugavert efni í blaðinu.
Tryggðu þér gott auglýsingapláss í langmest lesna dagblaði landsins.
Nánari upplýsingar um blaðið veitir
Arnar Magnússon sölu- og markaðsfulltrúi Fréttablaðsins.
Sími 550 5652 / arnarm@frettabladid.is
FERMINGARGJAFIR
Fimmtudaginn 15. mars gefur Fréttablaðið út
bráðsniðugt aukablað sem innheldur ótal
hugmyndir að fjölbreyttum fermingargjöfum.
Allir sem hafa fermst vita að dagurinn og ekki síst
gjarnar lifa í minningunni um aldur og ævi.
Tryg u þér gott uglýsingapláss
í langmest lesna dagblaði landsins.
Upplýsingar hjá auglýsingadeild Fréttablaðsins í síma 512 5402
eða sendu okkur póst á netfangið serblod@frettabladid.is
4 kynningarblað A L LT 29. júlí 2021 FIMMTUDAGUR