Fréttablaðið - 29.07.2021, Page 28

Hryllingur
á verðlaunapalli
Titane (2021)
Franski leikstjórinn og handritshöfundurinn Julia
Ducournau kom, sá og sigraði sögulega á alþjóðlegu
kvikmyndahátíðinni í Cannes fyrr í þessum mánuði
þar sem hún varð önnur konan í sögu verðlaunanna
til að hljóta Gullpálmann fyrir bestu myndina. Jane
Campion braut þann glervegg 1993 með The Piano.
Sigur Ducournau þykir einnig marka tímamót þar
sem Titane er ekki allra og hefur þegar verið stimpluð
„mest sjokkerandi mynd ársins 2021“. Hún gengur
enda fram af fólki og heldur áhorfendum í stöðugri
óvissu um hvaða ósköp muni eiga sér stað næst.
Titane er lýst sem fallegri, myrkri og sjúkri fantasíu
með í senn martraðarkenndri og prakkaralegri gusu
kynlífs og ofbeldis sem flýtur áfram í krafti ægi-
legs ljósaflóðs og dynjandi tónlistar. Greinilega
bylgja sem má láta sig hlakka til að skelli á Íslands
ströndum.
toti@frettabladid.is
kolbrunb@frettabladid.is
Hryllingsmyndir eru eðlis síns og
viðfangsefna vegna iðulega litnar
hornauga. Vinsældir þeirra eru hins
vegar það almennar að ekkert lát er
á framleiðslu þeirra.
Hrollvekjur hafa einnig ríka til-
hneigingu til þess að rjúka upp í
vinsældum þegar ógnir á borð við
kjarnorkuvá og farsóttir vofa yfir.
Fréttablaðið dustar hér rykið af
nokkrum sígildum og ólíkum hryll-
ingsmyndum sem allar eru og voru
verðugar verðlauna. n
The Innocents (1961)
Leikstjórinn Jack Clayton teflir hér fram Deborah
Kerr í hlutverki barnfóstru sem óttast að börnin sem
hún gætir séu andsetin. Einstaklega fáguð hrollvekja
þar sem tekst fullkomlega að skapa ógnvænlegt and-
rúmsloft og um leið er á áhugaverðan hátt leikið með
hugmyndina um að allt hið óhugnanlega sem gerist
sé hugsanlega hugarburður barnfóstrunnar. Við
kjósum hins vegar að trúa á draugana, enda er það
svo miklu skemmtilegra.
Invasion of the Body Snatchers
(1956)
Leikstjórinn Don Siegel, sem
er þekktastur fyrir Dirty Harry,
er í frábærla vænisjúkum ham í
þessari fyrstu kvikmyndaaðlögun
sögunnar The Body Snatchers eftir
Jack Finney.
Í bæ í Kaliforníu taka íbúar hver
á fætur öðrum ógnvænlegum
breytingum og verða sálarlausar
útgáfur af sjálfum sér. Frábær og
tímalaus hrollvekja sem hefur
komist á lista yfir bestu kvik-
myndir allra tíma. Mynd sem fær
áhorfandann hvað eftir annað til
að naga neglurnar.
The Shining (1980)
Leikstjórinn Stanley Kubrick tekur
eina fyrstu og þekktustu sögu
Stephens King tröllataki í The
Shining þar sem rithöfundurinn
Jack Torrence sest að með eigin-
konu og syni á afskekktu hóteli,
missir vitið og ógnar um leið lífi
eiginkonu sinnar og sonar sem er
skyggn.
Jack Nicholson er á barmi þess
að ofleika í hlutverki hins vit-
skerta rithöfundar, en fyrir vikið
er það hrollvekjandi skemmtun að
fylgjast með honum. Danny Lloyd
er síðan átakanlega umkomulaus
í hlutverki hins unga sonar. Hvert
óhugnanlega atriðið rekur annað
í magnaðri kvikmynd þannig að
hin viðkvæmu hljóta að grípa
nokkrum sinnum fyrir augun, þeir
harðgerðari fyllast sæluhrolli.
The Birds (1963)
Sígilt fjaðrafok meistara Alfreds Hitchcock er algjör-
lega ómótstæðileg hrollvekja um fugla sem skyndi-
lega byrja að ráðast á fólk. Hluti hrollsins felst í því
að vita að þetta gæti mögulega gerst í raunveruleik-
anum. Það er einfaldlega mjög auðvelt að tortryggja
máva eftir að hafa horft á þessa snjöllu kvikmynd.
The Exorcist (1973)
William Friedkin braut alla múra
siðvendni og góðra gilda í þessari
tímamótamynd gerðri eftir einni
áhrifamestu hryllingsbók síðustu
aldar, The Exorcist eftir William
Peter Blatty, um baráttu kaþólskra
presta við að flæma illan anda úr
líkama hinnar þrettán ára gömlu
Reagan. Enginn sem sá myndina
á sínum tíma varð alveg samur
og hún eltir enn nýja sem gamla
áhorfendur langt inn í svefninn.
The Others (2001)
Alejandro Amenábar töfrar fram
mynd sem er full af dularfullum
persónum og afar drungalegu
andrúmslofti. Nicole Kidman er
móðirin sem verndar börn sín í
húsi þar sem draugagangur virðist
ríkja. Leikstjórinn var tilnefndur
til BAFTA- verðlauna fyrir besta
handrit og Kidman var tilnefnd til
Golden Globe og BAFTA fyrir leik
sinn í hrollvekju sem sannarlega
hittir í mark.
The Sixth Sense (1999)
Leikstjórinn M. Night Shyamalan og hinn ungi Haley
Joel Osment í aðalhlutverkinu slógu báðir hressi-
lega í gegn með þessari draugalegu mynd sinni um
ungan dreng sem er þjakaður af því að vera stöðugt
með framliðna fyrir augunum. Bruce Willis sýndi á sér
mýkri hlið sem barnasálfræðingurinn sem reynir að
hjálpa drengnum að glíma við drauga sína en á heldur
betur eftir að fá á baukinn sjálfur.
MYNDIR/SKJÁSKOT
Hrollvekjur þykja yfirleitt
ekki merkilegur pappír og fá
sjaldan uppreist æru á fínum
verðlaunahátíðum. Slíkt
kemur þó fyrir. The Silence
of the Lambs fékk Óskarinn
sem besta myndin og hryll-
ingsmyndin Titane eftir Julia
Ducournau hlaut nýlega Gull-
pálmann í Cannes.
VR býður upp á opið hús
í Árbæjarsafni um
Verslunarmannahelgina
Hermes: þar sem
saga VR hefst
Þann 27. janúar árið 1891 var
Verzlunarmannafélag Reykjavíkur, VR,
stofnað á fundi á veitingahúsinu
Hermes við Lækjargötu, en húsið
stendur nú á Árbæjarsafni. Félagið
fagnar því 130 ára afmæli sínu í ár.
Af því tilefni býður VR upp á opið
hús í Árbæjarsafni um Verslunar-
mannahelgina, frá fimmtudegi til
mánudags. VR hvetur öll áhugasöm
til að sækja safnið heim og koma við
í húsinu þar sem saga VR hófst.
20 Lífið 29. júlí 2021 FIMMTUDAGURFRÉTTABLAÐIÐLÍFIÐ FRÉTTABLAÐIÐ 29. júlí 2021 FIMMTUDAGUR