Morgunblaðið - 09.04.2021, Síða 12

12 FRÉTTIRViðskipti | Atvinnulíf
MORGUNBLAÐIÐ FÖSTUDAGUR 9. APRÍL 2021
Mark32net
skrifborðsstóll
Fjölstillanlegur skrifborðsstóll
með netbaki og bólstraðri setu.
Fjöldi áklæða í boði.
VORTILBOÐ
30%
afsláttur
68.957 kr. með örmum
60.255 kr. án arma
Verð m. vsk.
mönnum, fær engar endurgreiðslur
af þessu tagi.“ Haukur segir að nú
hafi verið tekin ákvörðun um að opna
5. júní næstkomandi. Það helgist af
þeirri staðreynd að fyrirtækið finni
fyrir miklum ferðavilja og að ákvörð-
un stjórnvalda um að hleypa til lands-
ins fullbólusettum einstaklingum ut-
an Schengen-svæðisins hafi haft
mikið að segja.
Sterkustu markaðirnir
„Bretland og Bandaríkin eru með-
al okkar sterkustu markaða og þessi
lönd standa sig mjög vel í bólusetn-
ingum. Við höfum því trú á því að
þaðan muni eftirspurnin koma fyrst
fram. Við höfum ýtt bókunum síðasta
árs á undan okkur og inn á þetta ár í
góðu samráði við okkar viðskiptavini
og það er mikill vilji meðal þess hóps
að koma hingað.“
Haukur segir að bókanastaðan hafi
verið sterkari í þeim efnum í
tengslum við sumar- og vetrarferða-
mennsku, þyrluferðir í fjallaskíði og
annað því tengt en hann hefur þó
fulla trú á því að ræst gæti úr sumr-
inu.
Spurður út í hvaða afþreyingar-
möguleika fyrirtækið geti boðið upp á
nú þegar veirufaraldurinn hefur farið
sem eldur í sinu um íslenska ferða-
þjónustu, segir Haukur að leitað
verði í sömu áttir og áður.
„Við eigum yndislega nágranna í
Langhúsum í Fljótum sem reka mjög
vinsæla hestaleigu. Ferðir með feðg-
unum Helga og Viggó út í Drangey
eru ofarlega á óskalista fólks, heim-
sókn til ofurfjölskyldunnar á Brúna-
stöðum sem rekur skemmtilegan
dýragarð, ásamt spennandi nýjung-
um varðandi ostagerð. Hvalaskoðun í
Eyjafirði, Bjórböðin á Árskógssandi,
Síldarminjasafnið og brugghúsið á
Siglufirði eru einnig mjög vinsælir
áfangastaðir.“
Þá segir Haukur að fólk vilji aftur
og aftur fara á kaffihúsið Gísli, Eirík-
ur og Helgi sem er fjölskyldufyrir-
tæki á Dalvík.
„Það verða allir að koma þangað.
Algjörlega einstakur staður sem býð-
ur upp á frábæra fiskisúpu að hætti
Dalvíkinga. Þetta er staður sem rek-
inn er af Heiðu Símonardóttur og
Bjarna Gunnarssyni. Fólk fær sér
súpuna og kaupir svo lopapeysur í
anddyrinu sem ömmurnar á Dalvík
hafa prjónað. Þeir viðskiptavinir okk-
ar sem koma aftur eru gjarnan búnir
að panta lopapeysur fyrir komuna til
landsins og nálgast þær svo eftir að
hafa fengið sér súpuna góðu.“ Segist
Haukur bera þá von í brjósti að þess-
ir öflugu rekstraraðilar og fleiri til
verði í stakk búnir til að taka á móti
viðskiptavinum Depla á komandi
sumri. Þeir séu táknmynd þeirra
miklu umsvifa sem skapist í kringum
betur borgandi ferðamenn.
„Áhrifin koma svo víða fram. Þeg-
ar þetta fólk sækir okkur heim er
hægt að hefja þyrlurekstur og þá
þarf að ráða flugmenn og flugvirkja á
svæðið. Þetta fólk kemur gjarnan
með einkaþotum og það þarf að hýsa
og fæða áhafnirnar, þjónusta þoturn-
ar, útvega veitingar um borð. Í
grunninn er samnefnari á háu þjón-
ustustigi og þörfin að hafa margt
starfsfólk til taks að veita þá þjónustu
sem þarf. Ísland hefur mikið aðdrátt-
arafl fyrir fólk sem er tilbúið til að
greiða vel fyrir góða og einstæða
upplifun og ég hef trú á að við höfum
mikil tækifæri ónýtt í þeim efnum.“
Nýverið auglýsti Eleven Experi-
ence eftir starfsfólki á hótelið og seg-
ir Haukur að margar umsóknir hafi
borist. Þá vilji fyrirtækið einnig ráða
til sín reynslumikið fólk sem hefur
áður komið að starfseminni í Fljót-
um.
„Við þurfum fjölbreyttan hóp af
fólki, matreiðslumeistara, leiðsögu-
menn og framlínufólk í þjónustu.“
Deplar opna dyrnar að nýju
Ljósmynd/Eleven Experience
Höll Hótelið á Deplum í Fljótum er 2.500 fermetrar að stærð en herbergin aðeins 13. Það væsir því ekki um gestina.
Hreinn lúxus
» Á hinu glæsilega hóteli eru
13 herbergi sem geta rúmað á
fjórða tug gesta.
» Vilji maður gista á Deplum
um miðjan júní þarf að panta
að lágmarki þrjár nætur.
» Kostar hver nótt 466.733
krónur.
Mikið er innifalið í hinu háa
verði.
- Lúxushótelið býr sig undir að taka á móti ferðamönnum á ný - Ferðavilji á helstu mörkuðum mikill - 64
stöðugildi þegar starfsemin er í fullum gangi - Fjölbreytt afþreying í boði - Nóttin kostar nærri hálfa milljón
BAKSVIÐ
Stefán E. Stefánsson
ses@mbl.is
Félagið sem rekur lúxushótelið
Depla Farm í Fljótum í Skagafirði
hefur ákveðið að opna dyr sínar að
nýju fyrir viðskiptavinum sínum en
lengstan hluta kórónuveirufaraldurs-
ins hafa umsvif á staðnum verið í lág-
marki. Örfáir starfsmenn hafa verið á
svæðinu og gætt
fasteigna og hald-
ið við tækjabúnaði
af ýmsu tagi.
Snorrabúð hefur
verið sem stekk-
ur, enda stöðu-
gildin á hótelinu
64 þegar mest lét.
Er það ótrúlegur
fjöldi miðað við þá
staðreynd að á
Deplum eru að-
eins 13 herbergi fyrir gesti hótelsins
og oftast á bilinu 15 til 26 gestir á
svæðinu á hverjum tíma.
Haukur Bent Sigmarsson er fram-
kvæmdastjóri Eleven Experience
sem er eigandi hótelsins. Hann segir
síðustu mánuði hafa reynt á og fyrir-
tækið horft á bak frábæru starfsfólki.
„Þetta hefur verið erfiður tími og
við höfum upplifað ákveðið skilnings-
leysi stjórnvalda gagnvart stöðu
ferðaþjónustunnar. Það hefur verið
mjög erfitt að fá skýr svör um það
hver staðan er á hverjum tíma og
maður hefur dálítið upplifað að mað-
ur væri að berjast við vindmyllur.“
Hann segir að allir sýni því skiln-
ing að baráttan við heimsfaraldur er
ekki einfalt viðfangsefni en að allir
þurfi að vanda sig og leita hins gullna
meðalvegs.
„Það hefur komið okkur nokkuð
spánskt fyrir sjónir að kvikmynda-
iðnaðurinn hefur getað haldið uppi
miklum umsvifum í landinu í faraldr-
inum og hingað komið fólk að utan.
Það er iðnaður sem fær 25% af öllum
sínum kostnaði endurgreiddan frá
ríkinu en okkar starfsemi hefur legið
alveg niðri. Ferðaþjónustan, m.a. sú
sem sinnir betur borgandi ferða-
Haukur Bent
Sigmarsson
Verkfræðistofan EFLA hefur verið
valin inn í rammasamning við norsku
vegagerðina, Statens vegvesen, sem
metinn er á 13 milljarða íslenskra
króna. Samning-
urinn varðar al-
menna ráðgjöf og
verkfræðiþjón-
ustu í samgöngu-
tengdum verk-
efnum.
Ragnar Jóns-
son, fram-
kvæmdastjóri
EFLU AS, dótt-
urfélags EFLU í
Noregi, áætlar að samningurinn geti
skilað félaginu allt að hálfum millj-
arði íslenskra króna á ári.
Samið við sjö ráðgjafa
Að hans sögn kepptust allar
stærstu verkfræðistofurnar á sam-
göngumarkaðinum í Noregi um hlut-
deild í samningnum, en 13 tilboð bár-
ust alls. Eftir ítarlegt mat á hæfni og
verði bjóðenda hafi verið samið við
sjö verkfræðistofur, þ. á m. EFLU.
Ragnar segir að til að einfalda
samningsferlið við einstök verkefni
velji norska vegagerðin ráðgjafa á
grundvelli tilboða í svonefndan
rammasamning. Stökum verkefnum
er svo úthlutað til þeirra ráðgjafa
sem hafa rammasamninginn. Um er
að ræða hönnun og ráðgjöf fyrir
samgöngumannvirki um allan Nor-
eg, m.a. vegi, brýr og jarðgöng og
nær yfir þau verkefni Vegagerðar-
innar þar sem ráðgjafarþátturinn er
metinn á allt að 150 milljónir ís-
lenskra króna, en stærri verkefni
eru alla jafna boðin út sér.
„EFLA er minnsta verkfræðistof-
an sem hlaut þennan rammasamning
sem sýnir að við getum keppt við
stærstu ráðgjafa Norðurlanda.
Viðurkenning á góðri vinnu
Samningurinn er um leið viður-
kenning á þeirri góðu vinnu sem
okkar frábæra starfsfólk á Íslandi og
í Noregi hefur skilað undanfarin ár.
Rammasamningurinn kemur til með
að styrkja starfsemi samgönguhluta
EFLU í Noregi enn frekar og styðja
við áframhaldandi vöxt.“
Starfsmenn EFLU í Noregi eru
nú 35. Þá hefur EFLA nýverið gert
rammasamning í samgöngumálum
við fylkið Vestfold og Telemark í
Suður-Noregi. baldura@mbl.is
Semja við norsku
vegagerðina
- EFLA valin inn í rammasamning
- Gæti skilað hálfum milljarði á ári
Ragnar Jónsson