Morgunblaðið - Sunnudagur - 18.04.2021, Síða 4

FRÉTTIR VIKUNNAR
4 MORGUNBLAÐIÐ SUNNUDAGUR 18.4. 2021
HLÍÐASMÁRI 19, 2.HÆÐ · 201 KÓPAVOGI · SÍMI 534 9600
Hljóðnemi í hlustinni notar hæfni eyrans til að safna upplýsingum sem heilinn þarf til að skilja hljóðin.
Auðveldara að taka þátt í samræðum í virku hljóðumhverfi.
Betri talgreining um leið og bakgrunnshávaði er lágmarkaður í háværu hljóðumhverfi.
Fjarþjónusta. Fáðu heyrnartækin þín stillt án þess að mæta á staðinn.
NÝ TÆKNI!
NÝ BYLTINGARKENND HEYRNARTÆKI
MEÐ ÞREMUR HLJÓÐNEMUM
FAGLEG ÞJÓNUSTA HJÁ LÖGGILTUM HEYRNARFRÆÐINGI
Áfram gaus af krafti á Reykja-nesskaga, en gosið tók stöð-ugum breytingum, nýjar
gossprungur opnuðust og gígunum
fjölgaði. Fátt virtist aftra Íslend-
ingum frá því að fara á eldstöðv-
arnar, nema kannski leiðindaveður,
en talið er að um fjórðungur þjóð-
arinnar hafi gengið að þeim undan-
farnar vikur.
Formaður velferðarnefndar Alþing-
is kvartaði undan dræmum svörum
úr heilbrigðisráðuneytinu, en
kvaðst verða að treysta því að þaðan
bærust öll umbeðin gögn um hina
ólögmætu reglugerð um skyldudvöl
í sóttkvíarhóteli.
Ýmsar vísbendingar voru hins vegar
uppi um að í ráðuneytinu væri verið
að sérvelja þau gögn, sem þorandi
væri að láta fyrir almenningssjónir.
Aðallega beindist gagnrýnin þó að
því, að ekkert bendir til þess að
Svandís Svavarsdóttir heilbrigðis-
ráðherra hafi látið kanna lagastoð-
ina áður en reglugerðin var sett.
Formenn VR og Verkalýðs- og sjó-
mannafélags Akraness hyggjast
stefna Alþýðusambandi Íslands
(ASÍ) fyrir að hafa ekki haft samráð
við aðildarfélögin vegna frumvarps
fjármálaráðaherra um lífeyrismál.
Glufa opnaðist á landamærunum,
svo farið var í fyrstu hópferð úr
landi í langa tíð. Hópur bólusettra
eldri borgara fór með Norrænu í
vikuferð um Færeyjar.
Rafskútum er þegar tekið að fjölga
ákaflega fyrir sumarið. Með þessu
áframhaldi verða rafskútur á höfuð-
borgarsvæðinu fleiri en íbúar utan
þess innan áratugar.
Veðrið mildaðist á ný, svo menn
héldu um tíma að komið væri vor.
Síðar í vikunni rigndi hins vegar svo
mikið að engu var líkara en sumarið
væri komið.
. . .
Borgarstjórinn, Dagur B. Eggerts-
son, boðar almenna lækkun á um-
ferðarhraða í borginni, þar sem víð-
ast yrði 30 eða 40 km hámarks-
hraði. Það er talið geta minnkað
svifryksmyndun í borginni mikið, en
móti kemur að sá tími sem fólk ver í
umferðinni að meðaltali mun aukast
um 12%, meira á annatínum
Sjaldan er ein báran stök, því Svan-
dís Svavarsdóttir heilbrigðis-
ráðherra sætti háværri gagnrýni
fyrir reglugerðardrög um endur-
greiðslu kostnaðar vegna þjónustu
sjálfstætt starfandi sérgreinalækna,
sem starfa án samnings við Sjúkra-
tryggingar Íslands. Samninga-
viðræður milli þeirra og Lækna-
félags Reykjavíkur eru nýhafnar
aftur eftir talsvert hlé. Eins og vant
er þótti lagastoðin fyrir reglugerð
ráðherrans hæpin.
Miðstjórn Alþýðusambandsins (ASÍ)
sendi Knattspyrnusambandinu (KSÍ)
opið bréf, þar sem alþýðuleiðtogarnir
hvöttu fótboltaforingjana til þess að
taka afstöðu með verkalýðnum í Kat-
ar, sem þar er útpískaður við að
byggja upp aðstöðu fyrir heims-
meistaramótið í fótbolta 2022.
Það voru þó ekki einu bréfaskriftir
ASÍ í vikunni, sem einnig hnýtti í
Sigurð Inga Jóhannsson, sam-
göngu- og sveitarstjórnarráðherra,
fyrir frumvarp um skipaskráningar,
sem það segir heimila „félagsleg
undirboð“, þ.e.a.s. að skipafélög geti
munstrað ódýrara vinnuafl erlendis.
Úrslit urðu ljós í forvali Vinstri-
grænna í Suðurkjördæmi, en þar
varð Hólmfríður Árnadóttir,
skólastjóri í Sandgerði, í efsta sæti.
Kolbeinn Ó. Proppé, sem ætlaði að
færa sig þangað úr Suður-
Reykjavík, náði hins vegar ekki inn í
líklegt þingsæti og hugleiðir nú
hvort hann eigi að leita sætis í
Reykjavík áfram.
Ný stjórn Ríkisútvarpsins ohf. var
kjörin, en þar voru helstu tíðindin
þau að Ragnheiður Elín Árnadótt-
ir, fv. ráðherra, settist í hana í stað
Ragnheiðar Ríkharðsdóttur.
Almennt atvinnuleysi er nú á nið-
urleið og mældist 11% á landinu í
mars. Hins vegar fjölgar þeim sem
hafa verið án vinnu í ár eða meira.
Sem fyrr er atvinnuleysið langmest
á Suðurnesjum, þar sem um 25%
fólks á vinnumarkaði finna ekkert að
gera.
. . .
Heilbrigðiseftirlitið varaði við því að
eiturgufur frá eldgosinu kynnu að
ganga yfir höfuðborgarsvæðið á
miðvikudag, en þess hefur orðið vart
að öndunarfærasjúkdómar láti
kræla á sér í auknum mæli.
Icelandair Cargo varð vart við að
Súez-skurður stíflaðist á dögunum,
en við það rauk verð á flugfrakt upp
um heim allan.
Íslendingar búa sig undir að komast
lítt úr landi í sumar, en það má m.a.
merkja af aukinni sölu á hjólhýsum
og ferðavögnum hvers konar. Er
viðbúið að Ísland verði undirlagt af
Íslendingum í sumar. Á 40 km
hraða, en að öðru leyti er umferð
orðin svipuð og var fyrir plágu.
Nýjar tilslakanir á sóttvarnareglum
tóku gildi í vikunni, en þegar er farið
að ræða frekari tilslakanir í ríkis-
stjórn, enda hafa smit mjög verið á
undanhaldi og í hugskoti heilbrigð-
isráðherra verður þorri þjóðarinnar
bólusettur innan skamms. Eða ekki
síðar en á næsta kjörtímabili.
Sagðar voru fregnir af því að fjöldi
vísindamanna á Norðurlöndum hefði
gert rannsókn á hljóðum þeim sem
landselsbrimlar gefa frá sér á fengi-
tíma. Þau munu vera lægri og lengri
hjá íslenskum brimlum en hjá nor-
rænum frændum þeirra. Við blasir
að þekkingarleit mannsins er hvergi
nærri lokið.
. . .
Svört skýrsla ríkisendurskoðanda
leiddi í ljós að Samgöngustofa hefði
verið úti að aka þegar Wow air var
að fatast flugið um árið. Samgöngu-
stofa hefði átt að vera búin að grípa
inn í löngu áður en félagið fór í þrot.
Framkvæmdastjóri Orkuhússins
telur að nýjustu aðgerðir Svandísar
Svavarsdóttur heilbrigðisráðherra
geti sett þúsundir bæklunar-
aðgerða í uppnám.
Börn sem búa nálægt gamla Vatns-
hólnum við Sjómannaskólann hafa
daglega mótmælastöðu á hólnum, en
hann á að víkja fyrir nýju fjölbýlis-
húsi aldraðra.
Matsmenn telja að viðgerð og
endurbygging á vesturbyggingu
höfuðstöðva Orkuveitu Reykjavík-
ur muni kosta tvo milljarða króna.
Það er án risarækjukokkteils.
Sveitarfélagið Ölfus hefur úthlutað
þremur stórum lóðum fyrir strand-
eldisstöðvar vestan við Þorlákshöfn
og er talið að hundruð starfa við fisk-
eldi kunni að verða sköpuð þar á
næstu árum.
Lögregla hefur stöðvað kannabis-
ræktun hér og þar á höfuðborgar-
svæðinu, svo vænta má verðhækk-
ana á grasi umfram hækkun vísitölu
neysluverðs.
Íslendingum verður allt að gulli, en
nú herma fréttir að farsóttarhúsin
hér á landi þyki til fyrirmyndar á al-
þjóðavísu. Þar kunna því að felast
margvísleg tækifæri eins og þegar
Ísland var næstum orðið alþjóðleg
fjármálamiðstöð hér um árið.
Jóhannes Stefánsson, fyrrv. at-
hafnaskáld í Namibíu, hefur stofnað
Félag uppljóstrara. Eftir því var
tekið að hjá fyrirtækjaskrá eru
raunverulegir eigendur þess ekki
gefnir upp, en því verður vonandi
ljóstrað upp síðar.
. . .
Íslenskur ríkisborgari hefur verið
settur út af sakramentinu hjá stjórn-
völdum í Peking, en hann hefur
gagnrýnt stjórnvöld þar í landi fyrir
eitt og annað í blaðagreinum. Ís-
lenskir stjórnmálamenn fordæmdu
þær aðgerðir Kínverja og segja þær
óviðunandi.
Í framhaldi af umfjöllun um það
greindi Jónína Bjartmarz, formað-
ur Íslensk-kínverska viðskiptaráðs-
ins og fyrrverandi ráðherra, frá því
að í Kína væri allt eins og blómstrið
eina og ætlaðir kúgaðir minnihluta-
hópar í raun dekraðar forréttinda-
stéttir. Hún tók fram að hún hefði
ekki verið heilaþvegin, sem enginn
hafði þó látið sér detta í hug að gæti
hafa gerst.
Ísland er verulegur eftirbátur ann-
ara Norðurlandaþjóða þegar kemur
að innleiðingu nýrra lyfja, mun færri
lyf komi hér á markað og mun síðar.
Ísland fylgir hinum norrænu lönd-
unum ekki að því leyti heldur er í
slagtogi með snauðari ríkjum Aust-
ur-Evrópu.
Hvikfréttir austan úr Rússlandi
hermdu að til greina kæmi að þeir
Joe Biden Bandaríkjaforseti og Vla-
dímír Pútín Rússlandsforseti ættu
leiðtogafund í Reykjavík. Við það
kannaðist þó enginn þegar að var
spurt en Guðlaugur Þór Þórðarson
utanríkisráðherra sagði að auðvitað
væru þeir ávallt aufúsugestir.
Eins og sumarið
sé komið!
Gengið hefur á með eldgosum, svo stöðugur straumur ferðamanna er að skoða undrin, en einnig með úrhelli og roki,
svo engu er líkara en sumarið sé komið. Og með aukinni birtu má finna hvernig brúnin á mannskapnum lyftist.
Morgunblaðið/Eggert
11.4.-15.4.
Andrés Magnússon
andres@mbl.is