Morgunblaðið - Sunnudagur - 23.05.2021, Side 4

FRÉTTIR VIKUNNAR
4 MORGUNBLAÐIÐ SUNNUDAGUR 23.5. 2021
Vikan var undirlögð af tveimur
heimssögulegum viðburðum þar
sem Íslendingar komu við sögu: árs-
fundi Norðurskautsráðsins og árs-
fundi Evrósjón. Mátti vart á milli sjá
á hvorum viðburðinum Íslendingar
höfðu meiri áhuga.
Áhuginn á söngvakeppni Evrósjón
breyttist hins vegar í ótta um heilsu-
far íslenska hópsins og sigurlíkur
eftir að einn úr bakvarðasveit Daða
og gagnamagnsins greindist með
kórónuveiru. Þrátt fyrir að þjóðin
væri fullvissuð um að lítil nánd væri
milli forsöngvarans Daða Freys
Péturssonar og Íslendinga að
tjaldabaki voru áhyggjur lands-
manna nánast áþreifanlegar í húm-
inu.
Því ótengt var fimmta sóttkvíar-
hótelið tekið í gagnið heima á gamla
góða Íslandi. Komufarþegum til
landsins hefur fjölgað jafnt og þétt
undanfarna daga.
Hins vegar var sérstökum sótt-
varnatakmörkunum á Skagfirska
efnahagssvæðinu aflétt eftir að hóp-
smit kom þar upp í fyrri viku.
Kvartað var undan því að lokun flug-
brautar á Reykjavíkurflugvelli
skapaði óþarfa hættu, en á dögunum
skemmdist flugvél, sem þurfti að
lenda í hliðarvindi í stað þess að nota
hina lokuðu braut, sem væri nothæf
ef ekki væri búið að hrúga jarðefna-
úrgangi á hana.
Reykjavíkurborg svaraði ekki held-
ur ákalli íbúa við Haðarstíg, sem
kvartað hafa undan brunavörnum
við götuna. Þrátt fyrir að tvisvar hafi
kviknað í við þennan þéttbýla stíg í
Þingholtunum bólar ekkert á við-
brögðum úr ráðhúsinu.
Flugfélagið Play fékk flugrekstrar-
leyfi og undirbjó opnun á bókunum í
upphafi vikunnar.
Sjálfstæðismenn í Reykjavík hófu
prókjörsbaráttu sína, en þar eru 13
um hituna, langflestir atvinnustjórn-
málamenn á svipuðu reki. Fólk um
allt land fann smjörþefinn af því
þegar einn frambjóðendanna fór að
hringja út atkvæðin af flokksskrá úr
síðasta prófkjöri, sem fram fór fyrir
fimm árum, en þau búa ekki öll leng-
ur í bænum.
. . .
Anthony „Call me Tony“ Blinken,
utanríkisráðherra Bandaríkjanna,
kom til Íslands á mánudagskvöld til
þess að sækja ársfund Norður-
skautsráðsins, en áður hitti hann
ýmsa íslenska ráðamenn, t.d. bæði
Kötu og Gulla.
Vonir í ferðaþjónustu um bærilegt
sumar hafa glæðst verulega, en bók-
unum hefur fjölgað svo mikið að
gistinýting í júlí og ágúst kann að
reynast nærri hámarki. Þar að baki
eru einkum efnaðir Bandaríkjamenn
í leit að ævintýrum, enda fáar kröfur
gerðar til komufarþega aðrar en að
þeir hafi bæði bólusetningarkort og
platínukort handbær.
Íslendingar eru þó ekki einir um hit-
una, því hvarvetna í Evrópu hafa
ferðamannalönd sett sig í stell-
ingar til þess að bítast um ferða-
þyrsta og bólusetta. Þar er Ísland þó
í óvenju hagstæðri stöðu.
Ákveðið var að hækka varnargarða
við gosstöðvarnar í Geldingadölum.
Landvernd var full efasemda og taldi
þá valda náttúruraski. Hins vegar
kærir hún sig kollótta um þótt landið
allt fari undir hraun og ekkert rask
af því.
Sögð var frétt af því á þriðjudag að
ekki hefðu fleiri í íslenska Evrósjón-
hópnum reynst smitaðir af kórónu-
veirunni.
Áfengis- og tóbaksverslun ríkisins
kynnti að hún vildi setja lögbann á
netvínsölu til Íslands, en greindi þó
ekki frá því með hvaða hætti það yrði
gert. Alþjóðlegar netvínsölur á borð
við Amazon, Majestic og wine.com
bíða vafalaust í ofvæni og ofsakæti.
Af verðbréfamarkaði fyrir fólk sem
kann ekki að reikna bárust þær
fregnir að hæsti vinningur Víkinga-
lottósins myndi lækka, en ætti hins
vegar að ganga oftar út. Húsið held-
ur áfram að vinna. Alltaf.
. . .
Gulli hitti Tony í Hörpu og fór vel á
með þeim vinum, sem slógu þar á
létta strengi.
Neytendasamtökin undirbúa hóp-
málsóknir á hendum viðskiptabönk-
unum, en þau telja að skilmálar
flestra lána til almennings með
breytilegum vöxtum stangist á við
lög. Vöxtum megi breyta með svo
matskenndum hætti að almennir
lántakendur hafi engar forsendur til
þess að meta fjármagnskostnaðinn.
Rekstrarleyfi til laxeldis í Ísafjarð-
ardjúpi eru í uppnámi vegna ágrein-
ings um það í hvaða röð skuli taka
matsskýrslur vegna umhverfismats
til athugunar.
Sett voru upp skilti við leiðina að
gosinu í Geldingadölum um að
greiða þyrfti fyrir að leggja bílum
þar á stæðinu, enda er eldfjallið nýja
á landi í einkaeigu.
Frumvarp Óla Björns Kárasonar
og Brynjars Níelssonar um að Rík-
isútvarpið yrði tekið af auglýs-
ingamarkaði og hætti jafnframt
kostun dagskrárliða var tekið á dag-
skrá á Alþingis.
Boris Johnson varaði Breta við því
að ferðast annað en til „grænna
landa“ í sumarleyfinu. Ísland er eitt
tólf landa á þeim lista og má því vona
að orð forsætisráðherrans hafi ein-
hver áhrif. Íslenskir ferðafrömuður
telja hins vegar að Bretar geymi sér
Íslandsferð til vetrarins en fari nú
að sleikja sólina í Portúgal.
. . .
Tony og Serjozhja hittust í Hörpu,
en ekki er ljóst nákvæmlega hvað
utanríkisráðherrum Bandaríkjanna
og Rússlands fór á milli á fundinum,
sem stóð lengur en ætlað var.
Miðstjórn Alþýðusambands Ís-
lands (ASÍ) hafði uppi stórkarlaleg-
ar yfirlýsingar um hið nýja flugfélag
Play og hvatti landslýð allan til þess
að sniðganga það á frekar hæpnum
forsendum. Eftir því sem næst verð-
ur komist er Drífa Snædal, forseti
ASÍ, ekki mönnum sinnandi yfir því
að Play hafi ráðið til sín fólk í verka-
lýðsfélagi sem ekki borgar ASÍ fé-
lagsgjöld. Samkeppniseftirlitið hlýt-
ur að skakka leikinn.
Ekki varð annað séð en að ferða-
langar að gosstöðvunum í Geld-
ingadal tækju bílastæðagjaldi land-
eigenda vel. Eftir sem áður er fólki
frjálst að ganga að gosinu.
Ekkert óvænt gerðist þegar listar
framsóknarmanna og vinstri grænna
í Reykjavík voru kynntir. Þá leiða
ráðherrarnir Ásmundur Einar
Daðason, Lilja Alfreðsdóttir, Katr-
ín Jakobsdóttir og Svandís Svav-
arsdóttir.
Á daginn kom að 57% starfsmanna
Landspítalans eru í hlutastarfi.
Jónína Michaelsdóttir, rithöfundur,
blaðamaður og aðstoðarmaður Þor-
steins Pálssonar forsætisráðherra,
lést 78 ára að aldri.
. . .
Upptaka af flutningi Daða og gagna-
magnsins fleytti Íslandi á úrslita-
kvöld söngvakeppni Evrósjón. Sú
menningarhátíð ómúsíkalsks fólks
fer fram í kvöld og er sjónvarpað á
rás Ríkissjónvarpsins.
Birgir Jónsson, forstjóri flugfélags-
ins Play, gaf lítið fyrir rök og talna-
fimi ASÍ. Félagið henti hins vegar
nafn forseta ASÍ á lofti og auglýsti
um allar trissur „Drífa sig út!“
Fram kom að fulltrúi launþega hefði
gagnrýnt kaup lífeyrissjóðsins Birtu
í flugfélaginu Play og virðist sem
verkalýðshreyfingin setji mikla
pressu á Birtu til þess að losa það fé.
Formaður Skipulagsráðs Reykjavík-
urborgar minnti á að borgar-
skipulagið gerði ráð fyrir að Reykja-
víkurflugvöllur færi úr Vatnsmýri í
fyllingu tímans. Því væri eðlilegt að
björgunarþyrlusveit Landhelgis-
gæslunnar snáfaði með honum í
Hvassahraun eða eitthvað.
Sorpa, sem ekki annar vel að tæma
þær tunnur sem nú þegar standa við
heimili fólks á höfuðborgarsvæðinu,
skoðar nú að taka upp fjögurra
tunnu kerfi við öll heimili.
Eigandi ónýts húss við Þórsgötu
hefur frá árinu 2004 leitað leyfis til
þess að rífa húsið og byggja annað.
Borginni liggur hins vegar ekkert á
með það, en hústökumaður hefur
hreiðrað um sig í kofanum á meðan.
Ný mathöll verður byggð upp í
Kringlunni, svo fæðuöryggi lands-
manna er borgið í bili
Leiðtogafundur
í Hörpu
Serjozhja spyr Tony hvar í ósköpunum Gulli geti eiginlega verið.
AFP
16.5.-21.5.
Andrés Magnússon
andres@mbl.is
Hof 1 Austurhús og Klettasel í Sveitarfélaginu Hornafirði
Fasteignamiðstöðin er með til sölu jörðina Hof 1 Austurhús og Klettasel í Sveitarfélaginu Hornafirði. Staðsetning 20 km frá
þjóðgarðinum í Skaftafelli í vestur og 38 km frá Jökulsárlóni í austur.
Hof 1 Austurhús á um 1/5 hluta heildarjarðarinnar sem er mjög landmikil. Húsakostur er mjög glæsilegt einbýlishús og sumarhús.
Einbýlishúsið er um 120,1 m2 auk þess sambyggt sérstakt gestaherbergi 28 m2 og geymsla 10,2 m2. Einbýlishúsið skiptist í
alrými með eldhúsi, 2 svefnherbergi, baðherbergi og þvottahús. Öll tæki í eldhúsi, þvottahúsi og baðherbergjum fylgja með. Allar
innréttingar í húsunum eru sérsmíðaðar úr þýskum hlyn (cycamore) og hvítir eldhússkápar, þvottahúsinnrétting og baðinnrétting. Í
gestaherberginu er einnig baðherbergi. Gólfefni er íslenskt gabbró sem var flutt frá Breiðamerkursandi til Reykjavíkur, þar sem grjótið
var unnið í flísar, alls 150 fermetrar á gólf og tæpir 100 fermetrar á verönd. Fyrir utan húsið er heitur pottur og jafnframt er húsið
skreytt með steindum gluggum eftir Nínu Tryggvadóttur. Húsið er steypt í hólf og gólf og er með torfþaki. Með glæsilegri húsum sem
Fasteignamiðstöðin hefur haft til sölu.
Sumarhúsið er 32,2 m2 stakstætt fullbúið hús með 1 svefnherbergi, alrými með eldhúskróki og baðherbergi. Útsýni er glæsilegt.
Náttúrufegurð Öræfanna er engu lík. Í vestri handan við svartan Skeiðarársand blasir við Lómagnúpur þar sem einn af landvættum
Íslands tók sér bólfestu. Öræfajökull trónir yfir sveitinni með hæsta fjall landsins Hvannadalshnjúk og niður hlíðar fjallanna skríða
tignarlegir skriðjöklar. Í suðri blasir við Ingólfshöfði umleikinn svörtum sandi og hafinu. Fyrsti landnámsmaður Íslands Ingólfur
Arnarson tók sér þar vetursetu, en í dag ráða þar lundinn og aðrir fuglar ríkjum. Áhugaverð jörð og húsakostur sem vert er að skoða.
Frábær staðsetning.
Nánari upplýsingar gefur Magnús Leópoldsson.