Morgunblaðið - 26.07.2021, Side 12

12 FRÉTTIR
Viðskipti | Atvinnulíf
MORGUNBLAÐIÐ MÁNUDAGUR 26. JÚLÍ 2021
Árvakur hf. tapaði 75 milljónum
króna í fyrra, sem er mun minna tap
en árið 2019 þegar tapið nam 210
milljónum króna. Árvakur hf. gefur
meðal annars út Morgunblaðið og
mbl.is og rekur útvarpsstöðina K100
og hafði kórónuveirufaraldurinn mikil
áhrif á auglýsingatekjur félagsins í
fyrra. „Undanfarin ár hafa verið afar
erfið fjölmiðlum eins og þekkt er,
meðal annars af umræðu um rekstr-
arumhverfi þeirra og ríkisstyrki. Árið
í fyrra var mikið viðbótarhögg fyrir
tekjur fjölmiðla þar sem verulegur
samdráttur var á auglýsingamark-
aðnum í kórónuveirufaraldrinum,“
segir Haraldur Johannessen, fram-
kvæmdastjóri Árvakurs og ritstjóri.
„Ástæða þess að reksturinn hélt engu
að síður áfram að batna á milli ára hjá
Árvakri er að á síðustu árum hefur
verið gripið til mjög veigamikilla hag-
ræðingaraðgerða sem skiptu sköpum
þegar höggið vegna kórónuveirunnar
skall á.“
Þórsmörk ehf. er aðaleigandi Ár-
vakurs hf. og var samstæða Þórs-
merkur ehf. rekin með 62 milljóna
króna tapi í fyrra, sem er umtalsverð-
ur rekstrarbati frá árinu 2019 þegar
tapið nam 293 milljónum. Hagnaður
samstæðunnar fyrir afskriftir,
EBITDA, nam 190 milljónum króna í
fyrra, en EBITDA var neikvæð um
49 milljónir árið 2019.
„Þrátt fyrir mikinn hallarekstur
síðustu ára er jákvætt að sjá að þró-
unin hefur verið í rétta átt. Þá er
ánægjulegt að í gegnum þrengingar í
rekstri hefur tekist að halda fjölmiðl-
um Árvakurs öflugum og í raun ein-
stökum á íslenskan mælikvarða. Ekk-
ert annað fjölmiðlafyrirtæki býður
upp á þau gæði og breidd í efnisfram-
boði sem Árvakur gerir í gegnum
miðla sína. Það sýnir styrk Árvakurs
að hafa þrátt fyrir erfiðleika síðustu
missera og ára ekki aðeins getað
haldið í horfinu heldur einnig haldið
áfram að byggja upp nýja miðla og
aukið efnisframboð, bæði fyrir áskrif-
endur og aðra notendur miðlanna,“
segir Haraldur Johannessen.
Minna tap þrátt fyrir veiru
- Tap Árvakurs minnkaði verulega í fyrra og nam 75 milljónum
- Miðlarnir auka enn við framboðið til áskrifenda og annarra
Morgunblaðið/ÞÖK
Bandaríski rafbílaframleiðandinn
Rivian tilkynnti á föstudag um lok
nýrrar fjáröflunarlotu þar sem félag-
inu tókst að safna 2,5 milljörðum dala.
Samhliða þessu greindi Rivian frá að
fyrirtækið sé að athuga möguleikann
á að opna aðra verksmiðju í Banda-
ríkjunum, sem heimildir Reuters
segja að verði notuð til að framleiða
rafhlöður.
Rivian hefur um árabil unnið að
þróun og smíði raf-jeppans R1S og
raf-pallbílsins R1T og eru fyrstu bíl-
arnir væntanlegir á markað innan
skamms. Fyrirtækið er með höf-
uðstöðvar sínar í Illinois og hefur til
þessa aflað um 10,5 milljarða dala hjá
fjárfestum, með Amazon og Ford
fremst í flokki. Voru bandaríski net-
verslunarrisinn og bílaframleiðand-
inn einnig í hópi stærstu fjárfesta í
nýju fjármögnunarlotunni, auk fjár-
festingafélagsins T. Rowe Price.
Nýja fjármögnunarlotan verður
nýtt til að auka framleiðslugetu Rivi-
an á Bandaríkjamarkaði og leggja
grunninn að sölu á heimsvísu. Félagið
verður skráð á hlutabréfamarkað í
lok þessa árs og vonast stjórnendur
Rivian til að samanlagt markaðsvirði
við skráningu verði a.m.k. 50 millj-
arðar dala.
Til stóð að afhenda fyrstu eintökin
af R1T í júli en tafir vegna kór-
ónuveirufaraldursins urðu til þess að
fresta þurfti afhendingu fram til sept-
ember. Fyrstu kaupendur munu fá
R1S í hendurnar með haustinu.
ai@mbl.is
Kraftur Rafbíla Rivian er beðið með
eftirvæntingu víða um heim.
Rivian fær 2,5
milljarða dala
innspýtingu
FRÉTTASKÝRING
Ásgeir Ingvarsson
ai@mbl.is
Verð á framvirkum samningum um
sölu á arabica-kaffibaunum fór í síð-
ustu viku yfir tvo dali á pundið á hrá-
vörumarkaði í New York og hefur
ekki verið hærra í sjö ár, að því er
Financial Times greinir frá.
Nam hækkunin 30% í vikunni og
hefur verðið hækkað um 60% frá árs-
byrjun. Stafar þessi þróun af áhyggj-
um markaðarins af minnkuðu fram-
boði vegna kuldakasts í helstu
kaffiræktarsvæðum Brasilíu. Lækk-
aði hitastigið óvænt í Paraná, São
Paulo og Minas Gerais í byrjun vik-
unnar og fór víða undir 0°C. Mældist
allt að -5°C frost þar sem kuldinn var
mestur.
Runnarnir lengi að taka við sér
Að sögn FT eykur það á vanda
brasilískra kaffibænda að landið hef-
ur að undanförnu glímt við mestu
þurrkatíð sem sést hefur í heila öld
og kaffirunnarnir þar í landi því við-
kvæmari en ella.
Brasilía framleiðir meira kaffi en
nokkurt annað land en að sögn Reu-
ters ríkir núna fullkomin óvissa um
hve mikillar uppskeru má vænta á
komandi misserum og búast sumir
bændur við að geta skaffað innan við
þriðjung af því sem vænta mætti í
venjulegu árferði. Að sögn FT áætla
markaðsgreinendur að uppskera
brasilískra ræktenda á næsta ári
verði 5-10% minni en venjulega.
Ef kaffirunnar skemmast vegna
kulda þurfa bændur að klippa af
þeim greinarnar og leyfa þeim að
vaxa að nýju. Líður um það bil ár þar
til skemmdar greinar bera ávöxt á
ný. Jafnvel ef frostskemmdir eru litl-
ar hefur kuldinn áhrif á blómvöxt
plöntunnar og dregur úr uppskeru
næsta árs.
Samkvæmt veðurspám er von á
öðru kuldakasti í Brasilíu í þessari
viku og því hætta á frekari skemmd-
um. Þá óttast kaupendur að margir
bændur og útflytjendur muni neita
að standa við gerða samninga í ljósi
ört hækkandi heimsmarkaðsverðs
en til samanburðar kostuðu fram-
virkir kaffibaunasamningar um það
bil helmingi minna fyrir ári.
Verð á kaffibaunum í hæstu
hæðum eftir kuldakast
MAURO PIMENTEL / AFP
Sopi Óvænt frost kann að hafa stórskemmt kaffiplantekrur á lykilsvæðum.
- Óvissa með uppskeru komandi missera í helstu ræktarhéruðum Brasilíu
Sölutekjur ítalska tískufyrirtækis-
ins Giorgio Armani jukust um 34%
á fyrstu sex mánuðum þessa árs.
Munar þar mest um batnandi sölu í
Bandaríkjunum og Kína en árið
2020 drógust tekjur félagsins sam-
an um 25% og námu um 1,6 millj-
örðum dala. Kom samdrátturinn að
stærstum hluta fram á fyrri helm-
ingi síðasta árs.
Reuters hefur eftir tískufröm-
uðinum Giorgio Armani, sem er í
dag 87 ára gamall og gegnir enn
stöðu stjórnarformanns og
framkvæmdastjóra, að stefnt sé að
því að á árinu 2022 rjúfi sölutekj-
urnar tveggja milljarða evra mark-
ið og verði jafngóðar og þær voru
áður en kórónuveirufaraldurinn
skall á.
Eftir að hafa vaxið samfleytt í tíu
ár varð skarpur samdráttur í sölu á
lúxusvarningi á síðasta ári, bæði
vegna þess að víða þurfti að loka
verslunum vegna smitvarna en
einnig vegna þess að lítið var um
erlenda ferðamenn sem margir
leggja sig sérstaklega fram við að
kaupa lúxusvörur þegar þeir heim-
sækja háborgir tískunnar.
Á síðasta ári var 29 milljóna evra
tap af rekstri Giorgio Armani-
samsteypunnar, fyrir vexti og
skatta, en stefnir í ágætishagnað á
þessu ári.
Markaðsgreinendur velta nú
vöngum yfir hvort hönnuðurinn
nafntogaði muni senn stíga til hlið-
ar fyrir aldurs sakir en hann hefur
látið í veðri vaka að samruni við
annað ítalskt félag komi til greina.
Segja heimildarmenn Reuters að
athafnamaðurinn John Elkann,
ættarlaukur Agnelli-ættarinnar og
barnabarn Gianni Agnelli, fyrrum
stjórnanda Fiat, geri sér vonir um
að gera Giorgio Armani að hluta af
ítölsku risafyrirtæki. ai@mbl.is
Viðsnúningur hjá Giorgio Armani
- Ítalski tískuhönnuðurinn gæti senn
stigið til hliðar og samruni mögulegur
Alex Ogle/AFP
Bati Vegfarendur ganga fram hjá verslun Giorgio Armani í Hong Kong.
Giorgio Armani John Elkann26. júlí 2021
Gengi Kaup Sala Mið
Dollari 126.6
Sterlingspund 174.14
Kanadadalur 100.74
Dönsk króna 20.032
Norsk króna 14.318
Sænsk króna 14.594
Svissn. franki 137.48
Japanskt jen 1.1451
SDR 179.85
Evra 149.0
Meðalgengi/Viðskiptavog þröng 177.0551