Morgunblaðið - 26.07.2021, Page 22

22 MINNINGAR
MORGUNBLAÐIÐ MÁNUDAGUR 26. JÚLÍ 2021
Smáauglýsingar
Sumarhús
Sumarhús – Gestahús –
Breytingar
.Framleiðum stórglæsileg sumarhús
í ýmsum stærðum.
.Tökum að okkur stækkun og
breytingar á eldri húsum.
.Smíðum gestahús – margar
útfærslur.
.Sjáum um almennt viðhald á
sumarhúsum og sólpöllum.
.Setjum niður heita potta og
smíðum palla og skjólveggi.
Áratugareynsla –
endilega kynnið ykkur málið.
Trésmiðja Heimis, Þorlákshöfn,
sími 892-3742 og 483-3693,
www.tresmidjan.is
Húsviðhald
Raðauglýsingar
Félagsstarf eldri borgara
Árskógar 4 Smíðastofa með leiðb. kl. 9-14. Opin vinnustofa kl. 9-12.
Leikfimi kl. 10. Handavinna kl. 12-16. Félagsvist kl. 12.45.
Hádegismatur kl. 11.40-12.50. Kaffisala kl. 14.30-15.30. Heitt á
könnunni, allir velkomnir. Sími: 411-2600.
Boðaþing 9 Félagsvist í BOÐANUM annan hvern mánudag kl. 13
Félagsmiðstöðin Hæðargarði 31 Kaffisopi og spjall kl. 8.10-11.
Opin Listasmiðja kl. 9-12. Ganga kl. 10. Hádegismatur kl. 11.30-12.30.
Opin Listasmiðja kl. 13-16. Félagsvist kl. 13. Frisbígolf við stigin aus-
tan við Árland 9. kl. 14. Síðdegiskaffi kl. 14:30-15:30.
Gjábakki Kennt verður á spjaldtölvu í Gjábakka alla þriðjudaga milli
kl 13. og 15 í sumar.
Gjábakki Boccia verður alla miðvikudaga í sumar í Gjábakka kl .10.
Gjábakki Opin vinnustofa í allt sumar í Gjábakka á þriðjudögum og
fimmtudögum milli kl.13 og 15. Á staðnum verður boðið upp á
málningu, pensla og blöð.
Gjábakki Jóga fyrir alla kl. 10 í Gjábakka þriðjudaginn 27 júlí
Gullsmára Félagsvist kl. 20.
Gullsmári Milli kl.13. og 15. verður boðið upp á kennslu á snjalltæki.
Spjaldtölva á staðnum.
Korpúlfar Gönguhópur kl. 10. gengið er frá Borgum. Dansleikfimi
með Auði Hörpu kl. 11. í Borgum. Samvera með handavinnu í listas-
miðju kl. 13:00. Allir velkomnir.
Samfélagshúsið Vitatorgi Á dagskrá í dag erTæknilæsi (Apple)*
kl.9-12. Kundalini Jóga í handverkstofu kl.12.50-13.35.Tæknilæsi (An-
droid)* kl.13-16. Gönguferð í búð kl.15-15.45. *Skráning á námskeið í
síma 665-7641. Verið öll hjartanlega velkomin.
Seltjarnarnes Þetta er skrifað fyrir tilkinningar um takmarkanir og
gilda þær fram yfir dagskrá. Kaffispjall í króknum frá kl. 9. Leikfimi í
Salnum Skólabraut kl. 11. handavinna og samvera í Salnum
Skólabraut kl 13. Við minnum á persónubundnar sóttvarnir og hvet-
jum fólk til að vera með andlitsgrímur.
Færir þér
fréttirnar
mbl.is
✝
Kristján Þór
fæddist í
Reykjavík 15. júlí
1968. Hann lést á
heimili sínu í Malmö
24. júní 2021.
Foreldrar hans
voru Hanna Sigurð-
ardóttir lögfræð-
ingur, f. 1952, d.
2016, og Guðmundur
Helgi J. Elíasson, f.
1949, d. 2013. Krist-
ján var elstur fjögurra systk-
ina, Sigurðar Freys, f. 1982,
Bjarndísar Hrannar, f. 1984,
Tanyu Kristrúnar, f. 1986,
sammæðra. Kristján lætur eft-
ir sig samfeðra systur í Kan-
ada, Michelle Arnarson, f.
1983.
Kristján fór ásamt móður
sinni ungur að aldri til Kanada
og hann bjó þar fyrstu þrjú ár
ævi sinnar hjá föðurömmu. Eft-
ir heimkomu bjó hann og
stundaði nám í Reykjavík. Eft-
ir að hann lauk grunnskóla-
prófi hóf hann nám við Fjöl-
brautaskólann í Breiðholti og
lauk þaðan stúd-
entsprófi árið
1988. Kristján hélt
menntagöngu sinni
áfram og stundaði
nám í læknadeild
við Háskóla Íslands
og útskrifast þaðan
árið 1997, hann
vann sem kandídat
á sjúkrahúsinu á
Akureyri á árunum
1997-1998. Seinna
starfaði hann einnig á Land-
spítalanum, Borgarspítalanum
og Domus Medica í Reykjavík.
Kristján fluttist til Danmerkur
þar sem hann hóf sérfræðinám
og útskrifaðist sem röntgen-
læknir frá Kaupmannahöfn.
Hann bjó og starfaði um árabil
í Kaupmannahöfn en fluttist til
Malmö þar sem hann festi ræt-
ur sínar og bjó síðustu árin.
Síðustu árin starfaði hann sem
röntgensérfræðingur á sjúkra-
húsi í Kongsvinger í Noregi.
Útför Kristjáns fer fram frá
Bústaðakirkju í dag, 26. júlí
2021, og hefst athöfnin kl. 11.
Elsku Kristján minn. Það sem
ég er þakklát fyrir að vera systir
þín, þú varst alltaf svo góður,
hjálpsamur og fékkst mig til að
hlæja þegar mig mest langaði að
gráta. Ég sit hér og hugsa um
hversu ósanngjarnt lífið getur
verið og þú þurftir að fara með
þessum hætti.
Þú varst svo einstakur per-
sónuleiki, seigla þín og dugnaður
voru engu lík. Að eðlisfari varstu
staðfastur og samviskusamur og
lagðir algjörlega allt sem þú átt-
ir í það sem þú tókst þér fyrir
hendur. Þú varst fyrirmyndin
mín og ég leit svo upp til þín. Ég
var alltaf svo stolt af því að eiga
þig sem bróður. Ég eiginlega get
ekki séð lífið með sömu augum
eftir að þú kvaddir. Allar þær
stundir sem við áttum saman á
Íslandi og heima hjá þér fyrst í
Danmörku þegar við hittumst í
nákvæmlega eins fötum, svo í
Svíþjóð þar sem við gerðum ým-
islegt héldum tónleika úti í garði.
Fórum í dekurdag á afmælinu
mínu sem endaði í rennibraut-
inni með litlu krökkunum allan
tímann. Bíltúrarnir sem þú
skipulagðir og fræddir mig um
allt mögulegt í Malmö, dröslaðist
með mig og Styrmi í alls konar
garða. Minningarnar eru ótelj-
andi, jólin verða aldrei eins án
þín. Þegar þú komst heim um
jólin mátti hátíðin byrja og þú
sást til þess að allt yrði eins og
það átti að vera. Það var aldrei
hægt að þreifa pakkana og finna
út hvað í þeim var. Þú stóðst að
sjálfsögðu vörð um jólatréð,
pakkana og jólaölið sem enginn
annar mátti blanda. Þú passaðir
upp á að hringja í hvert sinn sem
ég eða börnin mín áttum afmæli
og áttum við svo mörg góð sím-
töl. Stundum eyddum við heilu
kvöldunum í símanum að ræða
æskuna, þegar ég var forvitin
um hvernig barn ég var eða eitt-
hvað um fjölskylduna, þú áttir
alltaf svör og ef ekki kynntir þú
þér málið frekar og hringdir til
baka. Hugulsemi þín var mikil
og ég gleymi aldrei þegar ég
lenti í áfalli og þú beiðst í síman-
um þar til ég sofnaði, því ég gat
ekki verið ein.
Hver á að stríða mér fyrir
ruglið sem ég vel mér þegar ég
fylgi því sem fólk segir. Þú sagð-
ir alltaf hvaða fólk Baddý og ég
vissi ekkert hvaða fólk, en þú
varst öðruvísi, þínar heimildir
voru áreiðanlegar og þú gerðir
aldrei neitt án þess að hugsa. Oft
þurftir þú að lána mér dóm-
greind og ég veit að ég var ekki
sú eina. Það lék allt í höndum
þér og það sem þú snertir varð
að gulli, ég öfundaði oft hæfi-
leika þína og gáfur. Þú varst
góður í öllu, hvort sem það var
karate, söngur, spila á hljóðfæri,
taka myndir, vinna þær og vera
sjálfur módelið. Sagðir oft við
mig að það væri ekki þín sök að
myndirnar af mér væru ekki
góðar heldur væri það hæfileiki
minn að sitja fyrir sem skemmdi
myndirnar. Þú komst skoðunum
þínum alltaf skemmtilega á
framfæri án þess að meiða ein-
hvern. Minning þín mun aldrei
deyja. Ég elska þig að eilífu og
mun alltaf sakna þín. Set hér
smá texta úr lagi sem við hlust-
uðum oft á.
Þín systir
Bjarndís Hrönn
Hönnudóttir.
Elsku Kristján minn. Ég veit
ekki hvar ég á að byrja, ég trúi
ekki að þú sért farinn og að ég
muni aldrei sjá þig aftur, taka
löngu símtölin okkar um heiminn
og geiminn þar sem þú fræddir
mig um ýmis mál. Að hlæja með
þér og njóta kaldhæðni þinnar er
eitthvað sem ég mun alltaf
sakna. Kristján þú varst heil-
brigða systkinið og nú erum við
bara þrjú eftir hvað gerum við
án þín? Mér verður alltaf hugsað
til jólanna þar sem þú lékst
stærsta hlutverkið, ég hlakkaði
alltaf svo til að þú kæmir því þá
gætu jólin byrjað. Þú að snúast í
höfðinu með gjafirnar sem eng-
inn mátti koma nálægt fyrr en
pakkalesning byrjaði og þú pass-
aðir sannarlega upp á það, svo
enduðum við systurnar alltaf
með eins gjafir bara hvor sinn
litinn og hvor sína stærð, stærð-
ina sem var mikið umdeild. Þú
varst sá eini sem kunnir að
blanda jólaölið rétt og tönglaðist
svona líka stöðugt á því. Við átt-
um svo margar skemmtilegar
stundir saman og símtöl, og ég
var meira og minna alltaf í kasti
í kringum þig því þú varst svo
kaldhæðin og orðheppin mann-
eskja. Þegar ég stóð í sam-
bandsslitum þá varstu mér mikill
klettur og við töluðum saman í
síma hvert kvöld þar sem þú
komst með lausnir á sama tíma
og þú hneykslaðist á mínu maka-
vali. Þegar ég stóð mig vel í skól-
anum mínum þá fannst mér allt-
af gaman að segja þér frá því og
þú varst svo stoltur af mér. Við
töluðum um sameiginlegan
áhuga okkar á ljósmyndun og þú
fórst langt með þann áhuga á
meðan ég fylgdi honum ekki eft-
ir, til heiðurs þér fer ég á nám-
skeið og fylgi honum eftir, þú
sagðir alltaf að ég hefði ljós-
myndaauga. Þú varst klárasti
maður sem ég þekki, með mikla
þrautseigju og sérvitur, ef það
var eitthvað sem maður vildi
spyrja þig um þá var það rætt á
alla kanta og jafnvel sóttir þú
þér meiri upplýsingar um málið
bara til þess eins að svara spurn-
ingum mínum. Ég var orðin svo
spennt að fá þig heim og fyrir
komandi tímum, þegar við öll
systkinin myndum sameinast á
ný, Auðunn og Kolbrún voru líka
full tilhlökkunar að fá frænda
sinn lækninn heim, Auðuni
fannst svo merkilegt að eiga
frænda sem var læknir. Maður
getur farið fram og til baka í
hugsunum um af hverju lífið sé
svo ósanngjarnt, en ég ætla að
muna okkar yndislegu tíma og
virða þínar ákvarðanir, elsku
bróðir. Takk fyrir alla okkar
tíma saman, fyrir að vera bróðir,
vinur, lærifaðir, frændi barna
minna og síðast en ekki síst takk
fyrir okkar ferðalag saman í líf-
inu. Elsku Kristján minn ég
vona af öllu hjarta að þú sért
sáttur þar sem þú ert í dag og að
þú haldir utan um alla þá sem
þér þykir vænt um í sumarland-
inu, og ég efast ekki um að það
sé alltaf skandinavískt veður
þar. Ég ætla að enda þetta á
nokkrum orðum úr lagi sem
minnir mig alltaf á þig, og við
tókum svo fallega úti í garði í
sólinni og þú glamrandi á gítar,
elsku brói og yndislega sál.
Hey litli hermaður
Viltu leika við mig?
Meðan kúlur fljúga um loftin blá
við gætum leikið frið.
Ég skal vera kærleikurinn
þú getur verið skynsemin.
Gleymum föllnum félögum
byrjum upp á nýtt.
(Bubbi Morthens)
Ég elska þig alltaf, þín systir
Tanya.
Elsku Kristján minn. Ég veit
ekki hvað ég á að gera án þín, þú
varst besti vinur minn og á sama
tíma svolítið eins og pabbi minn.
Þú ætlaðir að flytja til okkar í
haust og ég var svo spennt fyrir
því að ég gat varla beðið. Þú
sendir mér hjarta rétt áður en
þú kvaddir og um leið og ég sá
það fann ég að eitthvað var að.
Ég hugsaði stanslaust til þín
þangað til ég vissi hvað hefði
gerst og núna get ég ekki hætt
að hugsa um að ég hefði kannski
getað gert eitthvað.
Ég á svo margar góðar minn-
ingar um þig, sérstaklega frá því
þú varst hjá okkur á Íslandi.
Ég, þú og Kristjana að spila
bezzerwizer og svo fórum við í
Nettó klukkan tvö um nótt og
keyptum fullan poka af nammi
og héldum svo áfram að spila.
Ég vona að þú sért á betri stað
núna með mömmu þinni en ég
mun sakna þín allt mitt líf. Mér
líður ennþá eins og þetta sé mar-
tröð og ég muni vakna í fyrra-
málið og halda áfram að hlakka
til að þú sért alveg að fara koma
til okkar, bara ef þú hefðir beðið
smá stund.
Ég var búin að ímynda mér að
ég gæti labbað til þín þar sem þú
ætlaðir að flytja rétt hjá okkur.
Ég ætlaði að borða allt súkku-
laðið þitt og spila zombie-tölvu-
leikinn og kannski fara í ísbíltúr
með þér og öllum hinum dætrum
þínum. Mér líður eins og ég hafi
misst pabba minn af því þú
komst mér alltaf í gott skap,
huggaðir mig þegar ég var leið
og fannst lífið tilgangslaust. Þú
varst alltaf til staðar þegar mig
vantaði smá aðstoð í lífinu.
Lífið getur verið erfitt og ég
er leið að lífið var ekki alltaf gott
við þig.
Elska þig endalaust pabbi nr.
2.
Þín stelpa,
Unnur Birna.
Kristján Þór
Guðmundsson
- Fleiri minningargreinar
um Kristján Þór Guðmunds-
son bíða birtingar og munu
birtast í blaðinu næstu daga.
HINSTA KVEÐJA
„Þegar morgundagurinn
byrjar án mín vona ég að
þið skiljið hvers vegna. Það
kom til mín engill af himni
ofan, kallaði nafn mitt og
tók um hönd mína. Hann
sagði að minn reitur í
himnaríki væri tilbúinn. Nú
þyrfti ég að kveðja og skilja
eftir alla þá sem elskuðu
mig. Þegar ég gekk inn um
sálnahliðið fann ég strax að
ég átti þarna heima og fann
frið og ró færast yfir mig.
Engillinn sagði velkominn
heim. Þó morgundagurinn
byrji án mín, þá er ég aldr-
ei langt í burtu. Í hvert sinn
sem þið hugsið til mín er ég
alltaf í hjarta ykkar.“
Kristján minn, oft er erf-
itt að skilja tilgang lífsins.
Þú, elsku drengurinn
minn, fórst alltof fljótt frá
okkur. Þú ert umvafinn ást
og umhyggju hér og á himn-
um.
Sakna þín óendanlega
gullið mitt. Elska þig.
Þín móðursystir,
Guðlaug Sigurðardóttir
(Didda).
✝
Málmfríður
Pálsdóttir
fæddist 8. febrúar
1936 á Arnarvatni í
Mývatnssveit. Hún
lést fimmtudaginn
15. júlí á sjúkra-
deild HSN Húsavík.
Foreldrar hennar
voru Páll Krist-
jánsson, f. 1904, d.
1969, og Huld Sig-
urðardóttir, f. 1913,
d. 2002. Malla var elst sex systk-
ina: Sigurður, f. 1939, d. 2020,
Kristján, f. 1945, d. 2020, Sveinn,
f. 1947, Ásmundur Sverrir, f.
1950, og Þuríður Anna, f. 1955.
Málmfríður giftist Birni Líndal,
f. 21.5. 1932, d. 14.7. 2017, þann
30.12. 1971. Eignuðust þau fjóra
drengi: drengur, f. 1955, d. 1955,
drengur, f. 1956, d. 1956, dreng-
ur, f. 1957, d. 1957, og Rafn Lín-
dal, f. 1966, maki Sigurdís Reyn-
isdóttir, f. 1968, börn þeirra eru
Björn Líndal, f. 1995, Fannar
Steinn Líndal, f.
2001, og Harpa
Dögg Líndal, f.
2003.
Málmfríður byrj-
aði snemma að
vinna og starfaði
meðal annars í
frystihúsinu á
Húsavík, við af-
greiðslu í Pönt-
unarfélaginu og í
bakaríinu, en síð-
ustu áratugina starfaði hún sem
ræstitæknir í ESSO á Húsavík.
Möllu var velgengni og vellíðan
fjölskyldunnar mjög í mun svo
og ræktarsemi við frændfólk
sitt. Hún átti auðvelt með að
gleðjast með öðrum, var óeig-
ingjörn og ósérhlífin. Hún hafði
tamið sér vandvirkni í öllum
verkum og var trú því sem henni
var treyst fyrir.
Útförin verður frá Húsavík-
urkirkju í dag, 26. júlí 2021,
klukkan 14.
Málmfríður Pálsdóttir „Malla
frænka“ er látin, 85 ára. Hún var
elst í hópi sex systkina, fjórir
bræður og Þuríður yngst. Bræður
Möllu gerðu oft grín að því að hún
hefði fæðst í torfbæ en Malla
fæddist í gamla bænum á Arnar-
vatni í Mývatnssveit, bæ afa síns
og ömmu. Lengst af bjó Malla á
Húsavík með Bödda, Birni Lín-
dal, á Ketilsbraut en þau fluttu
upp í Mývatnssveit og bjuggu í
nokkur ár þar á meðan Böddi
vann í Kísiliðjunni. Margar ljúfar
minningar koma í hugann þegar
við hugsum til Möllu.
Staðalbúnaður heima við var
lengi vel Hagkaupssloppur,
grjónakaka inni í búri og allir
hlutir á sínum stað á heimilinu.
Allt hreint og snyrtilegt og hvergi
neitt tilviljanakennt. Það var mik-
ið lagt upp úr því að fara í laut-
arferðir með nesti, mjólk í gler-
flösku, kaffi á brúsa fyrir
fullorðna fólkið og stóll fyrir
ömmu. Oftar en ekki var farið upp
í sveit og fundinn góður staður til
að njóta og leika sér. Malla var
stílisti. Hún stillti upp og svo voru
teknar myndir. Öllu var hagrætt,
fallegir púðar settir inn á sviðið til
að brjóta upp og gefa fallegan lit.
Barnið/börnin í sínu fínasta pússi
og þau voru vatnsgreidd. Malla
var með litla greiðu í vasanum og
brá henni í hárið á börnunum og
lagaði þar sem þurfti. Allt í mikl-
um kærleik en var misvinsælt hjá
æsku landsins.
Malla naut þess að umgangast
börn, taka þátt í tímamótum
þeirra og átti auðvelt með að
gleðjast með þeim í leik og starfi.
Hvort sem einhver missti sína
fyrstu tönn eða eignaðist fallegan
hlut. Við, sem eldri erum í þeim
frændsystkinahópi sem hennar
naut, fylgdumst með áhuga henn-
ar á fyrstu kynslóð frændsystkina
og annarri kynslóð þeirra sem
nutu návista við hana. Börnum
okkar systkinanna þótti gaman að
heimsækja Möllu. Það var tekið
vel á móti þeim og þau vissu að í
frystinum var uppspretta íspinna.
Malla baðaði okkur öll í ást, kær-
leik, miklum skemmtilegheitum
og hlátri.
Malla saumaði jólakjóla í mörg
ár á þann greinarritara sem þurfti
kjól og sendi suður með góðri
ferð. Hún bakaði allar fermingar-
tertur okkar systkinanna. Kom
suður og tók þátt í öllu sem skipti
máli. Hjálpaði til, passaði, faðm-
aði, greiddi og hló með okkur.
Malla var mikil félagsvera og var
dugleg að rækta vinkonur sínar
og frændgarð. Miklir kærleikar
voru á milli þeirra mæðgna,
ömmu Huldar og Möllu. Þær hitt-
ust og ræddust við daglega og
þegar degi tók að halla hjá ömmu,
tóku Malla og Böddi hana heim á
Ketilsbraut. Malla hélt utan um
allt sitt fólk á Húsavík eins lengi
og hún gat og það sama fólk hélt
fallega utan um hana þegar róð-
urinn þyngdist hjá henni.
Hún elskaði fólkið sitt, fylgdist
með börnum og fullorðnum og
stóð vaktina með sínum. Óeigin-
gjörn og ósérhlífin. Með Möllu
eru þrjú systkini af Brávöllum 11
fallin frá, á rúmu ári. Eftir sitjum
við frændfólk og vinir Möllu með
ljúfar minningar um hennar
elskulegheit og tryggð.
Rafni, Sigurdísi og barnabörn-
um Möllu vottum við innilega
samúð okkar og þökkum fyrir
okkur.
Edda Huld og Páll Daníel.
Málmfríður
Pálsdóttir