Heilsuvernd - 01.06.1975, Blaðsíða 6

ÁRSÆLL JÓNSSON LÆKNXR
Um matarklíð,
sykur og
menníngar-
sjúkdóma
Það mun vera að bera í bakkafullan lækinn að skýra lesendum
Heilsuverndar frá hollustu grófmetis og skaðsemi sykurs í fæðu
manna. Mér er þó ljúft að verða við ósk ristjóra blaðsins um að
skrifa útdrátt úr grein um þetta efni, sem birtist í Læknablaðinu
5. - 8. tbl. 1974.
Tæknimenningarsjúkdómar
Á undanförnum árum hafa birst niðurstöður rannsókna um
faraldsfræðii) ýmissa sjúkdóma í Afríku. Sérstaka athygli hefur
vakið að ýmsir algengustu sjúkdómar tæknimenningarþjóða eru
nær óþekktir í sveitahéruðunum. í borgunum, þar sem Afríku-
búinn hefir starfað við hlið hvíta mannsins í 25 - 50 ár og neytt
sömu fæðu, er tíðni tæknimenningarsjúkdómanna sú sama og hjá
hvíta manninum.
Helstir þessara sjúkdóma eru: hjarta- og æðasjúkdómar, syk-
ursýki, tannskemmdir, gallsteinar, botnlangabólga, pokamynd-
anir í ristli, æxli (góðkynja og illkynja) í ristli, gyllinæð, æða-
hnútar á fótum og offita.
Heimildir tæknimenningarþjóða benda einnig til þess, að allir
þessir sjúkdómar hafi verið næsta fágætir fyrir lok síðustu aldar.
1) Þ.e. útbreiðsluhætti. Rit-stj.
54
HEILSUVERND