Fjarðarfréttir - 22.12.2016, Blaðsíða 9

www.fjardarfrettir.is 9FJARÐARFRÉTTIR | FIMMTUDAGUR 22. DESEMBER 2016
Gleðileg jól
og þökkum fyrir viðskiptin á árinu.
Opnunartímar
jól og áramót
23.des. Opið kl.11-22
24.des. Lokað
25.des. Lokað
26.des. Lokað
31.des. Opið kl.11-15
1.jan. Opið kl.16-21
31.des. Opið til kl.15
1.jan. Lokað
2.jan. Opið til kl.15

Flatahraun 5a 220 Hafnarfjörður 5557030 www.burgerinn.is
Við útskrift í Flensborgarskólanum
var Arnóri Inga Sigurðssyni veittur 350
þús. kr. styrkur til framhaldsnáms við
Danmarks Tekniske Universitet. Arnór
Ingi útskrifaðist úr Flensborg á jólum
2010 með hæstu einkunn.
Námi sínu þar lýsir Arnór sem svo:
„Síðustu mánuði hef ég unnið að
sérverkefni í rannsóknarhóp sem er
undir stjórn Pr. Thomas Sicheritz
Pontén. Sérverkefnið snýst um að
notast við vélrænt nám (e. machine
learning) við greiningu á próteinröðum
til þess að þróa forrit sem getur spáð
fyrir um hvort tiltekið prótein geti verið
ísbindiprótein (e. ice­binding protein).
Ísbindiprótein er flokkur próteina sem
finna má í hryggdýrum, plöntum,
sveppum og bakteríum og gerir þeim
kleift að lifa þrátt fyrir að likamshiti
þeirra fari undir frostmark vatns. Virkni
ísbindipróteinanna er sú að þau bindast
við smáa ískristalla þegar þeir eru að
byrja að myndast og hindra vöxt þeirra.
Afleiðing þess er sú að ískristallarnir ná
ekki að verða nógu stórir til þess að
skaða nálægar frumur.
Nú í dag er verið að rannsaka notkun
ísbindipróteina til þess að auka frostþol
plantna, auka líftíma frosinna matar­
afurða, fyrir viðhald líffæra/vefja við
líffæragjöf og sem meðferð við ofkuli
svo sem dæmi séu tekin.“
Albert Steingrímsson, formaður
sjóðs stjórnar og formaður skólanefndar
Flens borgarskólans afhenti foreldrum
Arnórs styrkinn, en hann er í prófum í
Danmörku. Til viðbótar við styrkinn úr
sjóðnum lögðu honum lið nemendur
sem útskrifuðust á árunum 1985­6 og
kalla sig Hádegisverðarklúbbinn.
Fræðslusjóður Jóns Þórarinssonar
hefur það hlutverk að styrkja til fram­
haldsnáms nemendur sem hafa lokið
stúdentsprófi eða öðru lokaprófi frá
Flens borgarskólanum í Hafnarfirði.
Fræðslusjóðurinn var stofnaður með
erfðaskrá Önnu Jónsdóttur ljósmyndara
í Hafnarfirði, en hún var dóttir Jóns
Þórarinssonar skólastjóra og fyrri konu
hans Lauru Pétursdóttur Hafstein. Jón
var fyrsti skólastjóri Flensborgarskól­
ans. Í erfðaskrá hennar var ákvæði um
að eigur hennar skyldu mynda sjóð er
bæri nafn Jóns Þórarinssonar og væri
varið „til að styrkja til framhaldsnáms
efnilegt námsfólk sem lokið hefur
fullnaðarprófi við Flensborgarskólann í
Hafnarfirði“.
Þetta er í tuttugasta og fjórða sinn
sem styrknum er úthlutað. Alls hafa
149 manns sótt um styrk frá sjóðnum
en 34 hafa hlotið styrk, jafnmargar kon­
ur og karlar. 23 vegna meistaranáms
eða jafngildi þess og 11 vegna doktors­
náms. 12 sinnum hefur verið úthlutað í
mannvísindum og tungumálum en 24
sinnum í raun­ og heilbrigðisgreinum.
Arnór Ingi fékk styrk til framhaldsnáms
Afhent úr Fræðslusjóði Jóns Þórarinssonar, fyrsta skólastjóra Flensborgarskólans.
Arnór Ingi Sigurðsson
Sigurður Ragnarsson, faðir Arnórs Inga tók við styrknum.