Fjarðarfréttir - 22.12.2016, Blaðsíða 11

www.fjardarfrettir.is 11FJARÐARFRÉTTIR | FIMMTUDAGUR 22. DESEMBER 2016
Við erum mjög þakklát þegar vel
gengur og það var því mjög ánægjulegt
að í báðum þessum stóru leitum fundust
hinir týndu heilir á húfi. Útköllin hafa
verið bæði stutt og löng, á landi og sjó,
þau hafa verið miskrefjandi en alltaf er
hópur félaga okkar tilbúinn til að rjúka
af stað þegar kallað er. Það er fjöl breytt­
ur hópur björgunarfólks sem sinnir
starfinu í sjálfboðavinnu og er tilbúinn
til að koma ykkur til aðstoðar hvenær
sem er sólarhringsins allt árið.
Sérstaða Björgunarsveitar Hafnar­
fjarðar er og hefur verið þjálfun og
rekstur á sporhundum í gegnum árin. Í
dag höfum við yfir að ráða einstaklega
fallegum sporhundi sem heitir Perla.
Hún hefur staðið sig mjög vel á síðasta
ári og farið í mörg útköll. Nú í byrjun
desember náði hún þeim áfanga að ná
seinna úttektarprófinu sem leggja skal
fyrir blóðhunda. Perla er fyrsti spor­
hundurinn á landinu sem nær þessu
prófi frá því að kröfur um það voru
settar fram fyrir um 10 árum síðan. Við
erum mjög ánægð með þennan góða
árangur og stefnum nú á að fá annan
blóðhund til landsins um mitt næsta ár.
Lionsklúbbur Hafnarfjarðar hefur
heldur betur stutt vel við bakið á okkur
með sölu á Gaflaranum undanfarin ár
og nú síðast með styrk fyrir nýjum
sporhundi.
BSH sinnir líka samstarfi við ýmsa
aðila eins og skátahreyfinguna.
Björgunar sveitin sá um sjúkragæslu
fyrir Hraunbúa á skátamóti í Krýsuvík í
júní eins og undanfarna áratugi. Einnig
sinntum við vatna og bátagæslu á
Landsmóti skáta á Úlfljótsvatni í sumar.
Þar fengu félagar okkar mikilvæga
reynslu og þjálfun í meðhöndlun
slöngu báta.
Að reka björgunarsveit er kostnaðar­
samt og nú fer í hönd mikilvægasti
fjár öflunartími okkar. Jólatrjáasala sem
og flugeldasala eru okkar mikilvægustu
fjáraflanir.
Jóltrjáasalan okkar er í Hvalshúsinu
við Reykjavíkurveg 48 eins og undan­
farin ár. Við tökum vel á móti ykkur og
þar sem kaffi, og piparkökur eru í boði
á meðan fólk velur sér tré.
Bæði jólatrén og flugeldarnir eru
forsenda þess að halda úti öflugu björg­
unarstarfi í Hafnarfirði. Sölustaðir
flugelda opna miðvikudaginn 28. des­
em ber og verða í björgunarmiðstöðinni
okkar að Hvaleyrarbraut 32, að Flata­
hrauni 14 (gamla húsinu okkar) og við
Tjarnarvelli.
Kæru bæjarbúar, um leið og við
þökk um ykkur fyrir ómetanlegan
stuðn ing í gegnum árin, þá bjóðum við
ykkur velkomin á sölustaði okkar,
hvort sem er til að versla jólatré eða
flugelda og leitum til ykkar eftir
áframhaldandi stuðningi svo hægt sé að
halda áfram kraftmiklu björgunarstarfi í
Hafnarfirði.
Með ósk um gleðilega hátíð, slysalaus
áramót og gæfuríkt komandi ár.
Vigdís Björk Agnarsdóttir, formaður
Björgunarsveitar Hafnarfjarðar.
Hvar kaupir
þú flugelda?
Flugeldasala:
• Hvaleyrarbraut 32 (innst á Lónsbraut)
• Gamla slökkvistöðin (Flatahrauni 14)
• Við Tjarnarvelli
OPIÐ:
Miðvikudaginn 28. desember ........ kl. 12 ­ 22
Fimmtudaginn 29. desember ......... kl. 10 ­ 22
Föstudaginn 30. desember .............. kl. 10 ­ 20
Gamlársdag ..................................... kl. 09 ­ 16
Flugeldasala
björgunarsveitarinnar
er lífæð starfsins
– Bæjarbúar! Leggjum okkar
skerf af mörkum.