Fjarðarfréttir - 22.12.2016, Síða 13

www.fjardarfrettir.is 13FJARÐARFRÉTTIR | FIMMTUDAGUR 22. DESEMBER 2016
Fyrir einu ári síðan opnuðu hjónin
Einar Hjaltason og Kristjana Þura
Bergþórsdóttir veitingastaðinn Von
mathús í gamla Drafnarhúsinu við
slippinn í Hafnarfirði. Það var ekki síst
fyrir brennandi áhuga og ástríðu þeirra
á matargerð og rekstri veitingahúsa sem
þau lögðu út í það stórvirki að opna
veitingastað sem biði upp á árstíða­
bundna matargerð.
Í samtali við Fjarðarfréttir segja þau
Einar og Kristjana Þura að þó vænt­
ingarnar hafi verið miklar þá hafi þau
ekki alveg búist við þessum frábæru
móttökum sem þau fengu. Þau lögðu
sál sína í staðinn og unnu gríðarlega
mikið sjálf við gerð hans, ásamt
fjölskyldunni, smíðuðu jafnvel borð
sjálf. Svo vel tókst til að þau hafa fengið
ósk um að smíða fleiri slík borð en hafa
enn sem komið haft nóg að gera við að
taka við matar pöntunum hvað sem
síðar verður.
EINFALDUR MATSEÐILL
OG FERSKT HRÁEFNI
Einar segir að þau hafi lagt áherslu á
einfaldan matseðil sem tekur mið af
ferskasta hráefni hverju sinni og þannig
getað boðið upp á hágæða mat. Segir
hann að þau vinni sjálf gríðarlega mikið
á staðnum enda vilji þau vera í góðu
sambandi við viðskiptavinina, vita
hvaðan þeir koma og hvernig þeim
hefur líkað. Segir hann það hafi komið
þeim helst á óvart hversu hádegin séu
vinsæl en aðsóknin sé mun meiri en
þau hafi reiknað með.
Kristjana segir viðskiptavini komi
víða að og greinilegt er að orðspor
staðarins hefur farið víða á ekki lengri
tíma. Segir Kristjana hópinn vera
fjölbreyttan. Þau fái marga hópa, vina­
hópa, ferðamenn en einnig komi við­
skipta menn, einstaklingar, pör og fjöl­
margir komi aftur og aftur og jafnvel
nokkrum sinnum í viku. Gott aðgengi
er að staðnum og verðlag mjög gott
sem spillir ekki fyrir.
Opið er kl. 11.30­14 og kl. 17.30­22
alla daga nema mánudaga en þau
segjast vera mjög sveigjanleg og oft
hafi þau tekið við gestum alveg við
lokum. Þau ætla þó að taka sér tíma í
skipulagningu í byrjun árs og opnað
verði 6. janúar á nýju ári.
Í dag starfa 14 manns hjá fyrirtækinu
en voru 7 þegar þau lögðu af stað fyrir
ári. Segjast Einar og Kristjana þakklát
viðskiptavinum sínum fyrir góðar
viðtökur á þessu fyrsta starfsári.
Von mathús hefur slegið í gegn
Eitt ár frá stofnun og aðsóknin hefur verið langt umfram væntingar
Kristjana Þura Bergþórsdóttir og Einar Hjaltason ánægð á eins árs afmæli veitingastaðarins.
Lj
ós
m
.:
G
uð
ni
G
ís
la
so
n
Lj
ós
m
.:
G
uð
ni
G
ís
la
so
n
Lj
ós
m
.:
G
uð
ni
G
ís
la
so
n
Opið er inn í eldhús og tengsl við viðskiptavinina verða mikil. Öllu er haganlega fyrir komið – frumleiki og einfaldleikinn áberandi.
Leiktu þér að gátum
Lausnir má finna á bls. 30
1. Hvað var gert við gömlu Þjórsárbrúna?
2. Koma páskar fyrir eða eftir jól?
3. Hvort er fljótlegra að rífa hús eða byggja það?
4. Úr hvaða deigi geta bakarar alls ekki bakað?
5. Hvað er líkt með hesti og jakka?
6. Hvaða banki er í sjónum við Íslandsstrendur?
7. Hvað er líkt með barnapela og fíl?
8. Hvaða farartæki hefur bæði hjól og fætur?
9. Hvað hefur eyru án þess að heyra?
Hver er ég?
Á ári hverju einu sinni,
alla menn ég sæki heim,
þá sem ei mig eiga í minni,
ég óvörum finn, og hverf frá þeim.
Aldrei er ég einburi,
oftast er ég tvíburi,
þó er ég stundum þríburi,
en þá er ég oftar fjórburi.
Hvað heiti ég?
Af höfuðfati hlýt ég nafn
og hættulegri veiki.
Þegar ég hitti sveina safn,
sumir fara af kreiki.
Hver er ég?
Kerling ein á kletti sat,
kletta býr á stræti,
veginn öllum vísað gat,
var þó kyrr í sæti.