Feykir - 22.01.2020, Blaðsíða 8

Landsbyggðarleikarnir
ÁSKORANDAPENNINN
Lífið er ríkt af alls konar
tilviljunum og hendingum. Ég
er ánægð með þá niðurstöðu
að hafa fæðst á Íslandi. Og
tilheyra þessari sérkennilegu,
stoltu, duglegu og úrræðagóðu
þjóð, sem er þó líklega
óvenju þrætugjörn, ef horft
er til hlutfallslegs fjölda mála
sem enda fyrir dómstólum
hér á landi í samanburði við
nágrannalönd okkar.

Eftir því sem árunum hefur fjölgað
hef ég verið æ ánægðari og
þakklátari fyrir að hafa alist upp
á landsbyggðinni. Ef Íslendingar
eru skrítnir þá vitum við að
landsbyggðarfólk er enn skrítnara.
Íslensk kvikmyndagerð, þáttagerð
og fjölmiðlar hafa í gegnum
tíðina verið óþreytandi við að
rissa upp þumbaralegri ímynd
af landsbyggðarfólki. Yfirleitt eru
þetta hálfgerðir lúðar, almennt
hirðulausir um útlit sitt, vel í
holdum og greind undir meðallagi.
Gott ef Crocs skór og flíspeysa
koma ekki líka við sögu. Svolítið
eins og skrítni frændinn eða
frænkan sem flestum er þokkalega
við en skammast sín í aðra
Valgerður Ágústsdóttir. MYND: AÐSEND
Valgerður Ágústsdóttir frá Geitaskarði
og ályktunarhæfni þó munnvíkin
vísi niður. Lúkkar betur á skjánum,
en líklega ekki eins skemmtilegur í
partýi. Kalt mat.
En sé staðalímyndin af
landsbyggðarlýðnum hálf broguð
þá er það lítið á við þá mynd
sem landinn hefur af bændum.
Skrítnara fólk er hreinlega ekki
að finna. Og engin furða sé haft
í huga að íslensk dagskrárgerð í
sjónvarpi undanfarna áratugi hefur
helst kynnt til sögunnar sérlundaða
einbúa á afskekktum stöðum. Helst
svo forna í háttum að þeir gætu
gengið inn í Íslendingasögurnar
án þess að vekja sérstaka
athygli leikenda þar. Vissulega
áhugaverðar persónur en tæplega
raunsönn lýsing á íslenskum
bændum nútímans. Sem geta þó
vissulega verið skrítnir.
En samt, þrátt fyrir að vera
skrítinn Íslendingur sem er ekki
bara uppalin á landsbyggðinni
heldur líka í sveit, á Geitaskarði
í Langadal, þá er ég þakklát.
Ekki bara vegna þess að skrítið
fólk er almennt áhugaverðara.
Einnig vegna þess að það hefur
gefið mér meiri innsýn í hvað
það þýðir að búa á Íslandi. Ekki
bara á suðvesturhorninu þar sem
allt aðgengi að allri verslun og
þjónustu er auðvelt og veður verða
oftast ekki eins válynd. Líklega
áttar höfuðborgarbúinn sem hefur
lítil tengsl við landsbyggðina sig
ekki á forréttindum sínum þegar
kemur að þessum þáttum. Jafnvel
mætti tala um ákveðna firringu
og skilningsleysi. Hamfaraveðrið
norðan heiða í desember,
afleiðingar þess og umræða sýndi
okkur það.
Mögulega mætti auka skilning
sumra höfuðborgarbúa á
aðstæðum landsbyggðarinnar
með því að bjóða upp á
raunveruleikaþátt í anda Survivor.
Hver heldur lengst út að búa við
þær aðstæður þar sem krydd
frá Fjarskanistan fæst ekki,
rafmagnsleysi og ófærð tíðir
fylgifiskar vetrarveðra og aðgengi
að 3. stigs og jafnvel 2. stigs
heilbrigðisþjónustu felst í að fljúga
eða keyra um langan veg, oft við
erfið skilyrði. Heiti þáttanna gæti
verið Landsbyggðarleikarnir.
En hvað um það, á þessum árstíma
er einboðið að enda skrifin á að
óska öllum til sjávar og sveita,
höfuðborgar og landsbyggðar
gleðilegs þorra. Megi árið verða
okkur öllum gifturíkt.
- - - - - -
Ég bið Sigurbjörgu Hvönn
Kristjánsdóttur, gamla vinkonu og
bekkjarsystir úr Húnavallaskóla að
taka næst við kefli áskorandans.
röndina dálítið fyrir. Ekki það að
ímyndin af höfuðborgarbúanum
er ekki alltaf beysin heldur.
Útúrstressaður, fastur í umferð
og almennt uppfullur af alls
konar óhamingju, en hugsar
þó um heilsuna, klæðir sig
smekklega og býr yfir betri greind
Söngvarakeppni í Húnaþingi vestra
Ásdís Aþena sigraði með lagið When I was your man
Söngvarakeppni Grunnskóla Húnaþings vestra var
haldin fimmtudaginn 16. janúar. Boðið var upp á
tólf atriði í yngri deild (4. – 7.bekkur) og fjögur
atriði í elstu deild (8. – 10. bekkur).
Úrslit í yngri deild urðu þau að í 3. sæti urðu Arna
Ísabella og Steinunn Daníella með lagið Líf, í 2. sæti
Valdís Freyja með lagið Lifandi vatnið eftir Ásgeir
Trausta og fengu þær verðlaunapeninga fyrir. Sigur-
vegari varð Ísey Lilja með lagið Six feet under með Billie
Eilish sem skilaði henni farandbikar og fékk hún annan
til eignar.
Frumlegasta flutninginn átti Ástvaldur Máni með
lagið Gangsta's Paradise með Coolio
Í eldri deildinni sigraði Ásdís Aþena með lagið
When I was your man með Bruno Mars, frumlegasta
lagið áttu Guðmundur Grétar og Ásdís Aþena með
frumsamið lag eftir Guðmund Grétar.
Ásdís Aþena mun taka þátt í NorðurOrg með
sigurlaginu, söngvarakeppni félagsmiðstöðva á
Norðurlandi.
Hljómsveitina skipuðu þeir Guðmundur Hólmar
Jónsson, gítar og hljómsveitarstjóri, Sigurvald Ívar
Helgason, trommur, Aðalsteinn Grétar Guðmundsson,
hljómborð ,Valdimar Gunnlaugsson, bassi og Guð-
mundur Grétar Magnússon á gítar.
Ekki skemmdi fyrir stemningunni að Landinn á
RÚV mætti á svæðið og var á síðustu æfingunni og um
kvöldið og tók viðtöl við keppendur og vakti það mikla
lukku. /PF
Ásdís syngur af innlifun sem skilaði henni 1. sæti.
MYNDIR: GRUNNSKOLI.HUNATHING.IS
Ísey Lilja sigurvegari 4.-7. bekkjar.
Allir þátttakendur 4.-7.bekkjar.
8 03/2020