Feykir - 01.07.2020, Síða 2

Nú er sumar og sól, tími
náttúruskoðunar og ferðalaga
en líka tími aukinnar hættu í
umferðinni á vegum landsins.
Þessi atriði eru mér óneitanlega
ofarlega í huga þessa dagana.
Á sunnudaginn var komum
við fjölskyldan að sunnan. Við
höfðum ákveðið að gefa okkur
tíma til að aka Hvalfjörðinn í
leiðinni norður og stóðum við
það, þrátt fyrir að rigningar-
skúrir dembdust úr loftinu, einmitt á þeim tíma sem við
vorum á ferð um Kollafjörð og Kjalarnes en fljótlega stytti
þó upp og Hvalfjörðurinn skartaði sínu fegursta.
Það er eiginlega skömm frá því að segja að frá því
Hvalfjarðargöngin opnuðu árið 1998 held ég að ég hafi
aðeins tvisvar eða þrisvar ekið um þennan fallega fjörð og
trúlega bara einu sinni af frjálsum vilja, þ.e. án þess að
göngin væru lokuð. Hér áður fyrr varð umræðan um hvað
fjörðurinn væri langur og leiðinlegur til þess að augu mín,
og sjálfsagt fleiri, voru kirfilega lokuð fyrir því hve
náttúrufegurðin er mikil á þessu svæði. Við renndum upp
að Meðalfellsvatni sem skartaði sínu fegursta og við lá að
umræða síðustu ára um lúsmý við vatnið gleymdist alfarið,
svo fallegt er þar.
Eitt af því sem ég hafði margoft hugsað um þau skipti
sem ég ók Hvalfjörðinn á árum áður, var að ég þyrfti
endilega að fara upp að fossinum í Brynjudalsá við tækifæri.
Tækifærið kom loksins núna, rúmum tuttugu árum síðar.
Það er nú ekki eins og það taki óratíma frekar en maður vill
en ég mæli eindregið með því að rölta upp að þessum fallega
fossi, það er á flestra færi.
Það er undarlegt að aka um hlað í Olíustöðinni núna,
engar rútur við sjoppuna en þó gaman að sjá hvað öllu er
þar vel við haldið, ólíkt gamla Botnskálanum sem má svo
sannarlega muna sinn fífil fegri. Í Ferstikluskála er líka lok,
lok og læs en við kíktum við á Hlöðum þar sem starfrækt er
Hernámssetur og þar er einnig mjög fín sundlaug. Þar hefði
örugglega verið hægt að staldra við í góðan tíma en það
verður gert síðar.
Þennan dag varð hörmulegt umferðarslys á Kjalarnesi og
hefði það ekki átt að fara fram hjá neinum þar sem það fékk
mikla umfjöllun fjölmiðla. Engu að síður er það ergileg
staðreynd að á ferð okkar hingað norður í Skagafjörð kom
það fyrir oftar en einu sinni og oftar en tvisvar að
meðreiðarsveinum okkar í umferðinni lægi svo lífið á að
komast fram úr að óbrotnar línur eða lítil fjarlægð í næsta
bíl dugði ekki til að hægt væri að slaka á og bíða örfá
augnablik eftir hentugra færi til að taka fram úr. Svona
umferðarsóðar geta sett ljótan blett á góða ferð og ekki þeim
að þakka meðan ekki fer illa.
Munum svo bara að njóta en ekki þjóta.
Fríða Eyjólfsdóttir, blaðamaður
LEIÐARI
Sumar, sól og ferðalög
Félagsmiðstöð 60+ verður starfrækt á
Hvammstanga í sumar. Opið verður í dreif-
námsmiðstöðinni á neðri hæð Félags-
heimilisins á Hvammstanga á miðvikudögum í
júlí og ágúst frá klukkan 14-16.
Síðastliðinn fimmtudag var opið hús í
Félagsmiðstöðinni þar sem boðið var upp á
vöfflukaffi og drög að dagskrá kynnt. Á vef
Húnaþings vestra kemur fram að mikill áhugi
sé á verkefninu og góðar hugmyndir að
námskeiðum eða félagsstarfi hafi komið fram.
Svo var hlustað á harmonikkuleik og sungið
saman. „Þar verður hægt að fá sér kaffi, spjalla
saman eða spila, fara í gönguferð eða taka þátt
í námskeiðum. Einnig verður Henrike
Wappler, félagsráðgjafi, á staðnum ef óskað er
eftir ráðgjöf,“ segir í frétt Húnaþings.
Einnig verður boðið upp á dagskrá á öðrum
dögum yfir þetta tímabil eins og í íþróttahúsinu,
á púttvelli eða í Nestúni og verður það þá
auglýst sérstaklega. Alltaf verður þó heitt á
könnunni á miðvikudögum. /SHV
Mikill áhugi fyrir félagsmiðstöð
fyrir 60 ára og eldri
Húnaþing vestra
Á Sauðárkróki lönduðu 13 skip og bátar rúmum 623 tonnum í vikunni sem leið og átti
Drangey SK 2 drjúgan hlut af þeim afla eða tæp 423 tonn. Á Skagaströnd var landað rúmum
156 tonnum og á Hofsósi tæpum tveimur tonnum. Samanlagður afli á Norðurlandi vestra
var 781.186 kíló. /FE
Aflatölur 21. – 27. júní 2020
Drangey með 423 tonn í
tveimur löndunum
SKIP/BÁTUR VEIÐARFÆRI KG SKIP/BÁTUR VEIÐARFÆRI KG
Gísli Súrsson GK 8 Lína 29.272
Greifinn SK 19 Handfæri 2.155
Guðrún Ragna HU 162 Handfæri 2.272
Hafdís HU 85 Lína 797
Hafdís HU 85 Línutrekt 603
Hafey SK 10 Handfæri 1.448
Hrund HU 15 Handfæri 2.337
Húni HU 62 Handfæri 2.436
Ísak Örn HU 151 Handfæri 598
Jenný HU 40 Handfæri 968
Kambur HU 24 Handfæri 1.980
Loftur HU 717 Handfæri 1.874
Lukka EA 777 Handfæri 1.409
Már HU 545 Handfæri 266
Ólafur Magnússon HU 54 Handfæri 1.195
Óli G GK 50 Lína 11.747
Stakkhamar SH 220 Lína 22.995
Svalur HU 124 Handfæri 1.635
Sæunn HU 30 Handfæri 2.283
Sævík GK 757 Lína 25.350
Viktor Sig HU 66 Handfæri 1.956
Víðir EA 423 Handfæri 2.350
Víðir ÞH 210 Handfæri 1.045
Alls á Skagaströnd 156.306
HOFSÓS
Skáley SK 32 Handfæri 1.529
Skotta SK 138 Handfæri 300
Alls á Hofsósi 1.829
SAUÐÁRKRÓKUR
Drangey SK 2 Botnvarpa 422.861
Gammur II SK 120 Handfæri 865
Gjávík SK 20 Handfæri 2.233
Hafey SK 10 Handfæri 295
Hafsól SK 96 Handfæri 751
Kristín SK 77 Handfæri 2.184
Málmey SK 1 Botnvarpa 169.691
Már SK 90 Handfæri 2.479
Onni HU 36 Dragnót 15.572
Skvetta SK 7 Handfæri 2.501
Steini G SK 14 Handfæri 1.241
Vinur SK 22 Handfæri 2.229
Ösp SK 135 Handfæri 149
Alls á Sauðárkróki 623.051
SKAGASTRÖND
Alda HU 112 Handfæri 2.357
Bergur sterki HU 17 Lína 14.652
Bjartur í Vík HU 11 Handfæri 2.336
Blíðfari HU 52 Handfæri 2.285
Bogga í Vík HU 6 Handfæri 2.066
Bragi Magg HU 70 Handfæri 1.742
Daðey GK 777 Lína 1.985
Dagrún HU 121 Handfæri 1.645
Elfa HU 191 Handfæri 2.756
Elín ÞH 85 Handfæri 2.284
Fengsæll HU 56 Handfæri 854
Geiri HU 69 Handfæri 2.373
Þann 11. júlí 2020 verður
opnuð sýningin Stúlkan og
Hrafninn í vinnustofunni í
Vatnsdalshólum. Sýningin er
byggð á þjóðsögunni sem varð
til þegar Skíðastaðaskriða féll
árið 1545.
Listamennirnir túlka sína
sýn á þjóðsögunni. Þetta er
samsýning ellefu listamanna
úr Skagafirði Húna-
vatnssýslum og Reykjavík.
Sýningin verður opnuð
klukkan 11 og er opin til 23.
Sýningin verður opin í mánuð
á opnunartíma Listakots
Dóru sem er frá klukkan 12-
17 frá laugardegi til mánudags
og eftir samkomulagi.
Vinnustofan er rekin af
listamanninum Hólmfríði
Dóru Sigurðardóttur sem
vinnur að list sinni og
handverki á staðnum.
Verkefnið er styrkt af SSNV
og Húnaprenti.
/Fréttatilkynning
Stúlkan og hrafninn í vinnustofunni
Listakot Dóru
Útgefandi: Nýprent ehf., Borgarflöt 1, Sauðárkróki
Póstfang Feykis: Borgarflöt 1, 550 Sauðárkrókur
Ritstjóri & ábyrgðarmaður:
Páll Friðriksson, palli@feykir.is & 861 9842
Blaðamenn:
Fríða Eyjólfsdóttir, frida@feykir.is & 867 9744,
Óli Arnar Brynjarsson, oli@feykir.is Soffía Helga Valsdóttir, bladamadur@feykir.is
Auglýsingastjóri:
Sigríður Garðarsdóttir, siggag@nyprent.is
Áskriftarverð: 585 kr. hvert tölublað með vsk. Lausasöluverð: 720 kr. m.vsk.
Áskrift og dreifing: Nýprent ehf. Sími 455 7171.
Umbrot og prentun: Nýprent ehf.
Óháð fréttablað á Norðurlandi vestra - alltaf á miðvikudögum
2 26/2020