Morgunblaðið - Sunnudagur - 29.08.2021, Blaðsíða 4

FRÉTTIR VIKUNNAR
4 MORGUNBLAÐIÐ SUNNUDAGUR 29.8. 2021
fyrir heimilið
Sendum
um
land
allt
Tjarnargötu 2 | 230 Reykjanesbæ | Sími 421 3377 | bustod@bustod.is | www.bustod.is
Fallegar vörur
Stóll á snúningsfæti í ítölsku nautsleðri
75 cm á breidd
Verð frá 139.000 kr.
Loksins fáanlegir aftur,
í mörgum litum
Íslendingar nutu síðsumarsblíðu
framan af viku með hitabylgju,
sem að vísu var misvel útilátin
eftir landshlutum. Norðlendingar
höfðu ekki undan neinu að kvarta,
hitinn fór í um 30°C eystra, en veðrið
var líka ákaflega milt sunnanlands.
Vandræði barna í Fossvogsskóla
vegna áhugaleysis Dags B. Eggerts-
sonar borgarstjóra af heilsu þeirra
héldu áfram að vinda upp á sig, því
nokkrum dögum fyrir skólasetningu
kom í ljós að ekkert ómyglað og boð-
legt skólahúsnæði stóð til reiðu.
Borgarstjóri kom kaleiknum yfir á
foreldra þeirra með fyrirvaralausri
netkönnun um þrjá húsakosti, sem
fæstir vissu nokkuð um. Könnunin
reyndist svo auðvitað gölluð og lög-
mætið dregið í efa.
Flóttamannanefnd seinkaði tillögum
um móttöku flóttamanna frá Afgan-
istan, líkt og þeir hefðu nægan tíma
til þess að bíða á Kabúl-flugvelli, þar
sem bandarískt herlið og talíbanar
stóðu yfir þeim með byssukjaftana.
Íslensk fjölskylda komst frá Afgan-
istan til Danmerkur með aðstoð
danskra stjórnvalda. Þá voru eftir
tvær íslenskar fjölskyldur aðrar í
Afganistan og einn íslenskur starfs-
maður Atlantshafsbandalagsins.
Meira en 900 hundar voru skráðir til
keppni á tveimur hundasýningum
Hundaræktarfélagsins um helgina.
Stjarna helgarinnar var að sjálfsögðu
afganski hundurinn Dali (tveggja
ára), sem er bæði góður, glaðlyndur
og fallegur.
Elín Eddudóttir fékk síðbúið leyfi
mannanafnanefndar til þess að
taka upp hið frumlega millinafn
Kona. „Við veljum okkar eigin bar-
áttu og ég ákvað að velja þessa,“
sagði Elín. „Öll veröldin er leiksvið,
og aðeins leikarar, hver karl og
kona,“ eins og þeir Shakespeare og
Helgi Hálfdánarson orðuðu það.
Skipulagðar bólusetningar barna,
12 ára og eldri, hófust á mánudag.
. . .
Reykjavíkurborg þurfti að þiggja
hernaðaraðstoð Hjálpræðishersins,
sem lagði henni til húsnæði undir
kennslu barna úr Fossvogsskóla.
Ástandið þar hefur m.a. gert það að
verkum að fjórir kennarar hafa þar
sagt upp störfum síðan í vor.
Flugliðum og flugmönnum Play var
boðið að taka á sig lækkun starfs-
hlutfalls gegn því að fá fastráðningu
í vetur. Ásókn í far með félaginu hef-
ur ekki verið jafnmikil og vonast var
til, en það eru einkum Íslendingar,
sem eru hikandi við siglingar utan,
erlendir farþegar hafa ekki látið á
sér standa.
Reglugerð um Covid-sjálfspróf var
breytt eftir langa yfirlegu í heil-
brigðisráðuneytinu. Fram að því
hafði bann legið við sölu slíkra prófa,
sem sætti verulegri gagnrýni úr at-
vinnulífinu, sem telur að víðtæk
sjálfsprófun geti létt lífið á vinnu-
stöðum og samkomum.
Bylgja kórónuveirusmita hélt
áfram að dala og fjöldi virkra smita
kominn niður fyrir 1.000.
Talsvert hefur verið um innbrot í
hinu nýja hverfi í Urriðaholti að
undanförnu, ekki síst þannig að brot-
ist sé inn á geymsluganga fjölbýlis-
húsa og hreinsað út. Til stendur að
fjölga þar eftirlitsmyndavélum og ná-
grannavörslu.
Flýta á framkvæmdum við nýja
hengibrú yfir Ölfusá í framhaldi af
nýjum Suðurlandsvegi í Ölfusinu og á
að bjóða þær út um áramótin.
. . .
Samkvæmt svörum Landspítalans
við fyrirspurn á Alþingi hefur skrif-
stofan á spítalanum blásið út, en þar
hefur starfsfólki á kontórnum fjölgað
um 115% á síðastliðnum áratug. Á
sama tíma jukust fjárframlög til hans
um 27% en öllum starfsmönnum
fjölgaði um 24% á sama tíma.
Páll Matthíasson forstjóri Landspít-
alans sagði þessa frásögn fjölmiðla
villandi en láðist að skýra hvers
vegna spítalinn hefði gefið Alþingi
þau villandi svör, sem felast í að 170
sérnámslæknar hafi verið skráðir á
skrifstofuna þótt þeir ynnu þar alls
ekki.
Ólympíumót fatlaðra var sett í Tók-
ýó, en sex íslenskir keppendur tóku
þátt í því.
Um 200 manna lið flughers Banda-
ríkjanna kom hingað til lands ásamt
þremur B-2-huliðssprengjuflug-
vélum. Þeir komu hingað til æfinga
og ekki frá Afganistan.
Ríkisstjórnin ákvað að taka á móti um
120 Afgönum, sem starfað hafa fyrir
vestræn ríki í heimalandi sínu og eiga
hefnd talíbana yfir höfði sér. Gert er
ráð fyrir að tekið verði á móti fleirum
síðar.
13 athugasemdir bárust um starfs-
leyfisumsókn Vöku við Héðinsgötu,
flestar jákvæðar, sem kom sumum á
óvart. Þær reyndust flestar vera frá
gallhörðum Þrótturum, sem eiga
mikið undir stuðningi fyrirtækisins.
Reykjavíkurskákmót Kviku var sett,
en þar voru skráðir 185 skákmenn,
þar af 125 erlendir. 25 þeirra voru
óbólusettir og því sendir í sóttkví,
enda félagslyndir með afbrigðum.
. . .
Ný skoðanakönnun MMR sýndi loks
örlitla hreyfingu á fylgi framboða, en
þar bættu sósíalistar talsvert við sig
og komust upp í tæp 9%. Þeir klipu
það af öðrum vinstriflokkum, sem þá
voru orðnir hnífjafnir í kringum 10%.
Útlit er fyrir að öll níu framboð á
landsvísu nái inn mönnum á þing.
Þrátt fyrir tal um aukið fjármagn til
einkarekinna heilsugæslustöðva hef-
ur verið skorið niður til þeirra, en nú
eru um 60.000 manns á höfuðborg-
arsvæðinu viðskiptavinir þeirra.
Samkvæmt skýrslu Samtaka atvinnu-
lífsins og Samtaka verslunar og þjón-
ustu er þörf á að dreifa verkefnum frá
Landspítalanum til einkareksturs í
heilbrigðiskerfinu til þess að draga
úr aðsóknar- og fráflæðisvanda hans.
Sumarið hefur lukkast betur en nokk-
ur þorði að vona hvað varðar komu
skemmtiferðaskipa nyrðra, en um 80
skip hafa komið til hafnar hjá Hafn-
arsamlagi Norðurlands í sumar. Þá er
orðið mun algengara að einkasnekkj-
um sé siglt til landsins.
Miðflokkurinn boðaði kosninga-
áherslur sínar, sem felast í tíu nýjum
réttindum borgaranna. Meðal annars
segir Sigmundur Davíð Gunn-
laugsson, formaður hans, að flokk-
urinn vilji skila tekjuafgangi rík-
issjóðs til almennings árlega og
sömuleiðis skuli hver ríkisborgari fá
sinn skerf af auðlindagjaldi frá sjáv-
arútvegi. Þá er lagt til að allir 40 ára
og eldri fái rétt á heilbrigðisskim-
unum.
Samfylkingin kynnti einnig kosn-
ingastefnu sína, en þar var m.a. lögð
áhersla á inngöngu í Evrópusam-
bandið, stórhækkun veiðigjalda og
nýja stjórnarskrá á grundvelli til-
lagna stjórnlagaráðs. Logi Ein-
arsson formaður sagði að sam-
hljómur væri í ýmsum stefnumálum
með vinstrigrænum, en að flokk-
urinn hafnaði enn sem fyrr sam-
starfi við Sjálfstæðisflokk.
Seðlabankinn hækkaði vexti um
0,25% og eru þeir nú 1,25%.
. . .
Tveir erlendir ferðamenn létust hér
á landi af völdum Covid-19 í vik-
unni,
Rafskútuleigunni Hopp telst til að
viðskiptavinir hennar hafi hjólað við
fót um 2,7 milljóna km leið á höf-
uðborgarsvæðinu frá því fyrirtækið
hóf störf fyrir tæpum tveimur ár-
um.
Ekki eru allir á eitt sáttir um nýj-
ustu tilskipanir sóttvarnalæknis
um takmarkanir á fundafrelsi
landsmanna. Tónlistarmönnum
þykja þær t.d. tvíbentar, þótt gott
sé að nándarreglan hafi verið felld
niður.
Hæstiréttur tók upp á þeirri ný-
breytni að fylgja lögum og auglýsa
störf aðstoðarmanna dómara.
Undanfarin 15 ár hafa 23 lögfræð-
ingar verið ráðnir sem aðstoðar-
menn dómara án auglýsinga.
Í öðrum fréttum af starfatorgi hins
opinbera bar hæst að Stefán Hrafn
Hagalín, deildarstjóri sam-
skiptadeildar Landsspítalans, fór í
leyfi og Andri Ólafsson ráðinn
tímabundið í hans stað.
Maður á Egilsstöðum hótaði á
fimmtudagskvöld að beita skot-
vopnum, sem hann handlék og
hleypti af í og við heimili sitt. Lög-
regla kom á vettvang, hóf umsátur
og reyndi að fá manninn til þess að
leggja niður vopn, en hann þver-
skallaðist við því og skaut lögregla
hann þá og var hann fluttur þungt
haldinn á sjúkrahús.
Kosningalykt
í loftinu
Kátínan leyndi sér ekki þegar stjórnmálaflokkar tóku að kynna kosningastefnu sína, sem almennt fólst í því að lofa kjós-
endum ógrynni af eigin fé í alls kyns pakkningum. Hér er Logi Einarsson formaður Samfylkingarinnar í banastuði.
Morgunblaðið/Eggert
22.8.-27.8.
Andrés Magnússon
andres@mbl.is