Morgunblaðið - 29.09.2021, Side 10

10 FRÉTTIR
Innlent
MORGUNBLAÐIÐ MIÐVIKUDAGUR 29. SEPTEMBER 2021
Suðurlandsbraut 20, Reykjavík, sími 588 0200, eirvik.is
samlegt ka
nýmalað,
engin h lki.
á
y
–
Höskuldur Daði Magnússon
hdm@mbl.is
„Við erum mjög kátir, það var
geggjað að ná þessum árangri. Við
vorum alveg skelfilega nálægt því
að komast á pall sem var mark-
miðið en engu að síður var allt í
kringum þetta mjög gaman,“ segir
Sigurður Laufdal sem var fulltrúi
Íslands í Bocuse d’Or, virtustu
matreiðslukeppni heims, sem hald-
in var í Lyon í byrjun vikunnar.
Sigurður hafnaði í fjórða sæti í
keppninni og er það þriðji besti ár-
angur Íslands frá upphafi. Ísland
tók í fyrsta sinn þátt í Bocuse d’Or
árið 1999 og hefur alltaf hafnað í
einu af níu efstu sætum keppn-
innar. Hákon Már Örvarsson hafn-
aði í þriðja sæti árið 2001 og Vikt-
or Örn Andrésson endurtók þann
leik árið 2017.
Frakkar báru sigur úr býtum að
þessu sinni en Danir enduðu í öðru
sæti. Norðmenn stálu svo þriðja
sætinu af Sigurði og félögum með
litlum mun. Íslenska liðið var hins
vegar verðlaunað fyrir besta kjöt-
réttinn.
Sigurður hefur varið síðustu
tveimur árum í undirbúning fyrir
keppnina. Hann hafnaði í fjórða
sæti í Evrópukeppninni á síðasta
ári sem tryggði sæti í lokakeppn-
inni. „Ef þú ætlar að eiga mögu-
leika þarftu að helga þig þessu al-
veg. Þetta er auðvitað algert rugl
en maður þarf að gera þetta af
ástríðu og taka þessu alvarlega,“
segir Sigurður. Hann segir að 24
dómarar fylgist með hverju skrefi,
fylgja þurfi miklum reglum og
vinna undir ströngum tímareglum.
„Þú mátt til dæmis ekki skila sek-
úndu of seint, þá er möguleikinn á
að komast á verðlaunapall farinn.“
Tveggja vikna frí fram undan
Sigurður segir aðspurður að nú
taki við tveggja vikna hvíld og svo
fari hann að kanna hvað framtíðin
ber í skauti sér. Hann hefur áður
starfað á Michelin-staðnum Olo í
Finnlandi, þriggja stjörnu staðnum
Geranium í Danmörku og verið yf-
irkokkur á Grillinu á Hótel Sögu
svo fátt eitt sé nefnt. Það má því
búast við að spennandi verkefni
bjóðist eftir Bocuse d’Or-ævintýr-
ið. „Nú slakar maður á og svo
sjáum við hvað gerist,“ segir Sig-
urður.
AFP
Á sviðinu Sigurður Laufdal undirbjó sig í tvö ár fyrir lokakeppni Bocuse d’Or og stóð sig á endanum frábærlega.
Hársbreidd frá bronsinu
- Sigurður Laufdal náði frábærum árangri í Bocuse d’Or
Ljósmynd/Bocuse d’Or
Vandað Einn af diskunum sem Sig-
urður reiddi fram í Bocuse d’Or.
Guðni Einarsson
gudni@mbl.is
„Eftir stækkun Sundhallarinnar og
byggingu nýrra búnings- og sturtu-
klefa fyrir konur, „fjósið“ svo-
nefnda, hefur ríkt ófremdarástand
meðal kvenkyns sundgesta þar sem
þeim er gert að fara út og ganga ca.
25 metra til þess að komast inn í
gömlu Sundhöllina, þar sem eru
notalegir og skjólgóðir heitir pottar
og innilaugin,“ segir í erindi dr. Vil-
borgar Auðar Ísleifsdóttur sagn-
fræðings sem hún sendi Reykjavík-
urborg. Málið var á dagskrá
Menningar-, íþrótta og tóm-
stundaráðs borgarinnar í fyrradag.
Vilborg segir í bréfi sínu að gang-
an frá búningsklefum kvenna sé
mikil raun að vetrarlagi og heilsu-
spillandi. „Margar eldri konur eru
hættar að fara í sund af þessum
ástæðum, enda hefur konum verið
sýnd mikil lítilsvirðing í þessu máli.“
Þá segir hún að málið sé graf-
alvarlegt frá lýðheilsusjónarmiði en
stefnt sé að því að hver einstaklingur
haldi sem lengst líkamsfærni sinni.
Morgunblaðið fékk í hendur afrit
af bréfi Vilborgar til Ölmu Möller
landlæknis frá 18. ágúst sl. Þar
kveðst hún tvisvar hafa skrifað
sundhallarstjóra bréf um þetta efni
og einnig borgarstjórn en þeim bréf-
um hafi ekki verið svarað. Þá biður
hún landlæknisembættið um liðsinni
í málinu vegna þess að „núverandi
ástand er heilsuspillandi og hindrar
það að eldri konur og skólatelpur
geti sótt innilaug Sundhallarinnar
að vetrarlagi. Frá lýðheilsusjón-
armiði er þetta fyrirkomulag ekki
verjandi. Það er í hæsta máta óeðli-
legt að íþrótta- og tómstundaráð
hafi úrslitavald í máli sem varðar
heilsubætandi og sundiðkun kvenna
og skólastúlkna, sem sé lýðheilsu-
mál.
„Það hefur ekki verið mikið
kvartað yfir staðsetningu kvenna-
klefans og margar konur eru hrifn-
ar af honum,“ sagði Drífa Magn-
úsdóttir, forstöðumaður
Sundhallarinnar. Hún sagði að-
allega tvo einstaklinga hafa látið í
ljós óánægju sína. Drífa sagði að
starfsfólk sjái vel að leiðin úr
kvennaklefanum að barnalauginni
inni sé nokkuð löng fyrir litlar skóla-
stúlkur á köldum vetrardögum.
Hún sagði að konum hafi verið
leyft að fara innandyra í köldum
vetrarveðrum úr kvennaklefanum
yfir í innilaugina. Þá þarf m.a. að
fara leið sem liggur nánast um and-
dyrið sem sé ekki skemmtilegt.
Búið er að laga sturtur við gamla
kvennaklefann í kjallara gamla
hússins. Drífa sagði að sú aðstaða
verði notuð í einhverri mynd. Hugs-
anlega geti það kallað á fleira starfs-
fólk. Hún taldi líklegt að litlu skóla-
stúlkurnar fái að nota gamla
kvennaklefann á köldum dögum.
Skiptar skoðanir
um kvennaklefa
í Sundhöllinni
- Langt úr kvennaklefa í innilaug
- Gamli kvennaklefinn verður nýttur
Morgunblaðið/Eggert
Sundhöllin Ekki eru allar ánægðar
með staðsetningu kvennaklefans.
Glóð sást í hrauninu frá gígnum í
Geldingadölum í fyrrinótt og stöðug
afgösun á sér stað í eldstöðinni. Það
bendir til þess að það sé virkni þarna
undir og kvika að koma inn, að mati
Þorvaldar Þórðarsonar, prófessors í
eldfjallafræði við Háskóla Íslands.
„Við vitum ekki hvað kviku-
streymið er mikið nú í augnablikinu,
en mig grunar að kvika sé að fara
þarna inn í hraunið þótt við sjáum
það ekki,“ sagði Þorvaldur. Hann
sagði í gær að ástandið minnti á
hvernig það var áður en síðasta gos-
hrina hófst.
Tíminn á milli goshrina hefur ver-
ið að lengjast. Mögulega getur það
bent til þess að það sé að draga úr
gosinu. „Framleiðnin er það lítil að
hún má ekki detta mikið niður til
þess að gosið hætti,“ sagði Þorvald-
ur. Meðalframleiðnin í gosinu hefur
verið á bilinu 6-8 rúmmetrar á sek-
úndu. Hann sagði að miðað hafi ver-
ið við að fari framleiðnin niður fyrir
þrjá rúmmetra á sekúndu nái kvikan
ekki að halda gosrásinni opinni.
Hætti að gjósa þarna má búast við
gosi annars staðar því svæðið er
komið af stað. gudni@mbl.is
Morgunblaðið/Eggert
Nátthagi Þar myndaðist þessi fallegi hraunhellir. Merki eru um að kvika sé
enn að koma upp á yfirborðið. Henni fylgir m.a. afgösun.
Glóð sást í fyrrinótt
- Mikil afgösun gefur vísbendingar
um að stutt sé í kviku í Geldingadölum