Morgunblaðið - 18.10.2021, Síða 16

16 UMRÆÐAN
MORGUNBLAÐIÐ MÁNUDAGUR 18. OKTÓBER 2021
Missið ekki af áhugaverðum þætti um starfsemi Prentmets Odda
og viðtali við eigendur fyrirtækisins ásamt nokkrum
lykilstarfsmönnum fyrirtækisins.
Hringbraut næst á rásum
7 (Síminn) og 25 (Vodafone)
ATVINNULÍFIÐ Á dagskrá
Hringbrautar
í kvöld kl. 20.00
Stærsta prentsmiðja á Íslandi
Heimsókn til Prentmets Odda ehf.
í þættinum Atvinnulífið sem er á dagskrá
Hringbrautar kl. 20.00 í kvöld
• 30 ára saga lítillar prentsmiðju sem nú er sú stærsta á Íslandi
• Samheldni eigenda ogmetnaðarfull markmiðasetning
• Fjölbreytni í þjónustu og gæðamál á háu stigi
• Helstu nýjungar í prenttækni, hönnun og vöruþróun
Í frétt á mbl.is þann 25.5.2021
var sagt frá undirritun samnings
á byggingu nýs hjúkrunarheim-
ilis við Mosaveg í Grafarvogi. Í
raun ætti þetta að vera fagnaðar-
efni þar sem allir sem fylgst hafa
með fréttum eru mjög meðvitaðir
um að skortur á hjúkrunarrým-
um er tilfinnanlegur og einn aðal-
orsakaþáttur teppu í fráflæði
Landsspítalans o.þ.a.l. kostnaði
hans.Í umræddri frétt var kynnt-
ur samningur á milli ríkis og borgar um bygg-
ingu hjúkrunarheimilisins á lóð Borgarholts-
skóla við Mosaveg, sem hýsa á allt að 144 íbúa.
Eins gleðilegt og það er, þá er það eitt sem
stingur í augun, það er staðarvalið!
Stefnt gegn þróun
í skólastarfi ungmenna?
Með því að nota lóð Borgarholtsskóla fyrir
hjúkrunarheimili þá eru stækkunarmöguleikar
skólans útilokaðir. Við viljum líta svo á að þessi
hugmynd sé ekki nægilega ígrunduð, því það er
óviðunandi að stefna hjúkrunarrýmum gegn
auknum tækifærum og eflingu skólastarfs ung-
menna.
Sendar hafa verið inn athugasemdir til að
benda á hve illa ígrunduð þessi ákvörðun er. En
svo virðist vera að borgaryfirvöld ætli ekki að
taka það til greina.
Í haust þurfti skólinn að hafna mörg hundruð
umsóknum nýnema vegna plássleysis. Því er
löngu orðið aðkallandi að stækka skólann til að
mæta þörf í austurborginni.
Við í Íbúasamtökunum höfum
fylgst með byggingu og þróun
skólans frá upphafi. Þegar hann
var í forystu og tilraunaskóli sem
bauð upp á ýmsar nýjungar sem
hafa fest sig í sessi og hlotið við-
urkenningu. Eins eru hugmyndir í
dag um að þróa enn frekar fjöl-
breytni námsframboðs, til að
mæta þörf á nýbreytni, en það
kallar á stækkun skólans.
Vanda þarf staðarval
Að gefnu tilefni vil ég benda
þeim á sem ekki þekkja til starf-
semi hjúkrunarheimila að íbúar hjúkr-
unarheimila eru lifandi manneskjur með sínar
vonir og þrár, þó færni þeirra sé skert. Því þarf
að mæta sérhæfðum þörfum þeirra til að við-
halda lífsgæðunum. Þau elska að njóta fé-
lagsskapar, faglegrar hjúkrunar og ólíkrar
virkniþjálfunar, sálgæslu og kærleiksríkrar
samveru en ekki síður, njóta þau fegurðar í um-
hverfinu og aðstöðu sem auka á takmörkuð lífs-
gæði. Því þarf að vanda til skipulags heim-
ilanna, staðsetningar, starfsemi og umhverfis.
Meðal annars með því að hanna fallega garða í
kringum hjúkrunarheimilin sem hafa með-
ferðalegt gildi. Hjúkrunarheimili eiga vera
heimili, ekki sjúkrahús í þeim skilningi.
Við í Íbúasamtökum Grafarvogs erum alfarið
á móti staðsetningu nýs hjúkrunarheimilis á lóð
Borgarholtsskóla en viljum frekar sjá það reist
á kyrrlátum grónum stað eins það mætti nefna
nokkra t.d. í Keldnalandi, suðurhlíðum Húsa-
hverfis, viðbyggingu við Eir eða í Sóltúni þar
þar sem allt er tilbúið til byggingar en í bið eftir
að yfirvöld samþykki að hefja framkvæmd. Þar
væri hægt væri að hefja byggingu strax.
Óheppilegt staðarval
hjúkrunarheimilis
Eftir Elísabetu Gísladóttur
Elísabet Gísladóttir
» Íbúasamtök Grafavogs leggj-
ast eindregið gegn staðsetn-
ingu nýs hjúkrunarheimilis á lóð
Borgarholtsskóla.
Höfundur er formaður Íbúasamtaka Grafarvogs,
situr í skólanefnd Borgarholtsskóla og starfar
sem djákni á hjúkrunarheimili.
elisabetgisla@simnet.is
Það er sérkenni krísa að þær
knýja fram breytingar og oft á
ótrúlegustu stöðum. Í málefnum
heimilislausra í Reykjavík varð
það raunin þegar félagsmálaráðu-
neytið gerði samning við Reykja-
víkurborg um tímabundið neyð-
arhúsnæði fyrir viðkvæma hópa
vegna Covid-19 í fyrra vor. Af-
raksturinn var nýtt neyðarskýli
fyrir konur úr gistiheimili í Skip-
holti sem hafði þá sérstöðu að
bjóða upp á herbergjagistingu
fyrir konurnar með sér baðherbergi. Þær gátu
því læst að sér, verið öruggar um eigurnar sín-
ar og baðað sig í einrúmi. Einnig var opið allan
sólarhringinn svo konurnar höfðu meiri stjórn
á því hvernig þær höguðu deginum sínum.
Fyrir vikið líktist úrræðið frekar stúd-
entagarði en hefðbundnu gistiskýli. Aðsóknin
var mikil og það var upplifun starfsfólks að
þetta fyrirkomulag reyndist þjónustuþegum
betur en hið hefðbundna gistiskýli, þá sér í lagi
til að aðlaga sig aftur sjálfstæðri búsetu. Einn-
ig væru þjónustuþegarnir ánægðari með þetta
fyrirkomulag og þætti það valdeflandi. Núna
er skýlinu lokað en það var upplifun starfs-
fólks að dýrmæt þekking hefði þar skapast.
Þarna er samhljómur með erlendum rann-
sóknum því jákvæð upplifun viðkomandi af
valdeflingu og gæði húsnæðis er áhrifaþáttur í
bættri andlegri heilsu meðal heimilislausra.
Það hallar á heimilislausar konur
Reykjavíkurborg rekur tvö gistiskýli fyrir
karlmenn með samtals 40 plássum og Rótin
rekur Konukot á grundvelli þjónustusamnings
við velferðarsvið Reykjavíkurborgar með 12
plássum. Það hallar því á konur þegar kemur
að fjölda plássa í neyðarathvörfum. Í skýrslu
um málaflokkinn frá árinu 2017 kom fram að
349 einstaklingar væru heimilislausir, þar af
108 konur, og tekið fram að þessi fjöldi væri
sennilega vanmat. Á milli 2005 og 2019 hafði
fjöldi kvenna sem leitaði til
Konukots nánast þrefaldast og
fjöldi gistinátta þeirra nánast
fjórfaldast. Því má sannarlega
áætla að það sé meira heim-
ilisleysi meðal kvenna en mæl-
ingar nema og að þjónustuþörfin
sé mikil, vægast sagt.
Heilsa heimilislausra mælist
heilt yfir mun verri en í almennu
þýði. Þar af er heilsa kvenna
verri en karla en konur eru einn-
ig líklegri til að verða fyrir kyn-
ferðisofbeldi ofan á annað lík-
amlegt ofbeldi. Samkvæmt
Húsnæði fyrst-aðferðafræðinni er öruggt hús-
næði bæði grundvallarmannréttindi og grunn-
þörf sem þarf að mæta svo einstaklingurinn
geti ráðið við aðrar áskoranir. Heimili er því
forsenda fyrir árangri vímuefnameðferðar eða
meðferðar við geðrænum vanda og sýnt hefur
verið fram á tengsl milli þess að fara í öruggt
húsnæði með stuðningi og bættrar líkamlegrar
og andlegrar heilsu í kjölfarið í rannsóknum
meðal heimilislausra.
Á næsta borgarstjórnarfundi þriðjudaginn
19. október ætlum við sjálfstæðismenn að
leggja til að Reykjavíkurborg komi aftur á fót
nýju neyðarathvarfi fyrir konur líkt og það
sem var í Skipholti. Það er bara hreinlega al-
gjör synd að loka jafn farsælu úrræði og þessu
fyrir heimilislausar konur þegar það munar
einfaldlega öllu að koma fólki í öruggt skjól og
af götunni. Hvað þá núna þegar veturinn bank-
ar upp á.
Ekki loka því sem virkar
Eftir Ragnhildi Öldu Maríu
Vilhjálmsdóttur
Ragnhildur Alda María
Vilhjálmsdóttir
» Sjálfstæðismenn leggja til
opnun nýs neyðarathvarfs
fyrir heimilislausar konur í
stað þess sem var lokað.
Höfundur er fyrsti varaborgarfulltrúi
Sjálfstæðisflokksins í Reykjavík.
Ragnhildur.Alda.Vilhjalmsdottir@reykjavik.is