Morgunblaðið - Sunnudagur - 10.10.2021, Síða 2

Hvað eru aldamótatónleikar?
Hugmyndin að aldamótatónleikum kom upphaflega frá Atla
Rúnari hjá ARG-viðburðum. Hann langaði að halda stóra tón-
leika og átti erfitt með að velja á milli banda. Hann ákvað því
að taka stærstu böndin sem voru vinsæl í kringum aldamótin á
Íslandi og halda risatónleika. Okkur fannst þetta frábær hug-
mynd og ekki skemmdi það að fá að hittast öll aftur og
spila saman. Við skelltum svo í tónleika og þakið ætl-
aði að rifna af húsinu þannig að við endurtókum leik-
inn og höfum haldið fullt af tónleikum síðan víða. Það
selst alltaf upp. Það er alveg magnað hvað þetta er vinsælt.
Atli segir þetta vera eins og sveitaball á sterum!
Hver spilar undir?
Hann Vignir Snær í Írafári sér um hljómsveitina og þeir
spila undir hjá okkur öllum.
Hvaða lög eruð þið að taka?
Það eru svo mörg góð lög sem við tökum. Ég tek til dæmis Ég
sjálf, Fingur og Allt sem ég sé. Svo heyrast lög eins og
Spenntur, Vöðvastæltur, Farinn og Nakinn. Þetta eru lög sem
allir þekkja, lög sem voru á toppnum um aldamótin á Íslandi.
Eru gestirnir allir yfir fertugu?
Nei, það er það sem er svo skemmtilegt. Ég myndi segja að
þeir væru frá um tvítugt og upp í fimmtugt. Það eru líka
nokkrir fastagestir og mikil nostalgía í gangi. Margir
átta sig á því þegar þeir koma að þeir kunna öll lögin
og stundum heyrist hærra í salnum en í manni sjálf-
um.
Hvað ertu annað að sýsla þessa dagana?
Ég er með þrjár bækur sem eru að koma út og svo
jólaleikrit í Þjóðleikhúsinu. Það er nóg að gera!
BIRGITTA HAUKDAL
SITUR FYRIR SVÖRUM
Sveitaball á sterum
Í FÓKUS
2 MORGUNBLAÐIÐ SUNNUDAGUR 10.10. 2021
Skoðið fleiri innréttingar á
innlifun.is
Suðurlandsbraut 26 Sími 587 2700
Opið 11-18 virka daga, 11-16 laugardaga. innlifun.is
S
tiklan sem gerð var fyrir fréttaskýringaþáttinn Kveik í Ríkissjónvarp-
inu á dögunum hlýtur að vera rosalegasta efni sem framleitt hefur
verið í 55 ára sjónvarpssögu þessa lands. Hafiði séð þetta meistara-
verk? Ég fékk gæsahúð um allan líkamann, líka milli tánna, meðan stiklan
rúllaði í fyrsta skipti yfir skjáinn hjá mér. Lenti hálfpartinn í andnauð. Svo
spenntur varð ég og fullur eftirvæntingar að ég svaf ekki svo dögum skipti.
Var orðinn allverulega víraður þegar fyrsti þáttur vetrarins fór loksins í
loftið í vikunni enda engin leið að misskilja það af stiklunni að nú yrði í eitt
skipti fyrir öll gengið milli bols og
höfuðs á bófum þessa lands. Bæði
Horatio Caine og John Luther
fundu til smæðar sinnar úti í lönd-
um. Ég sá fyrir mér fíkniefni flæða,
blóð renna og byssur hátt á lofti. En
hvað var a’tarna? Annars vegar
fréttaskýring um offituvanda barna
á landsbyggðinni og hins vegar um
tortryggni í garð bóluefna! Vodd???
Sannarlega þörf mál og alvarleg en
hvar voru byssurnar? Hvar var
blóðið? Það hlýtur að renna næst.
Meira er um undirheima og drullusokka í nýju þáttunum um Stellu Blóm-
kvist í Sjónvarpi Símans Premium. Þar sætir þó mestum tíðindum blæti
miðaldra rannsóknarlögreglumanns, vinar aðalsöguhetjunnar, fyrir ak-
ureyrsku gleðipoppsveitinni Stuðkompaníinu, þeim góðu drengjum. Sú
ágæta sveit reis hæst á ofanverðum níunda áratugnum en er nú ábyggilega
flestum gleymd. Kannski getur þessi djöflasýra af sér kombakk? Hver veit?
Ekki svo að skilja að erkitöffarinn Stella Blómkvist hafi verið að fíla Magna
gítarleikara og þá Örvars- og Ingólfssyni en þegar blætið náði hámarki og
rannsóknarlögreglumaðurinn og ráðherra í ríkisstjórn Íslands sungu há-
stöfum með smellinum 1700 vindstig í miðju „ródtrippi“ til Kínu reif hún
snælduna með offorsi úr tækinu og henti henni út úr bílnum. Hvaða rugl,
Stella?
Talandi um kombakk þá birtist beinasti fréttamaður Íslandssögunnar,
Jóhann K. Jóhannsson, óvænt í þráðbeinni í sjónvarpinu á dögunum – nú
hinum megin við míkrófóninn – en kappinn er orðinn slökkviliðsstjóri Fjalla-
byggðar. Ástæðan var óheyrileg úrkoma nyrðra. Jóhann var sem fyrr fum-
leysið uppmálað í beinni á RÚV og vonandi rignir sem allra oftast og mest
þar um slóðir í vetur svo við fáum þennan aufúsugest reglulega heim í stofu
til okkar. Ætli Haraldur Ólafsson veðurfræðingur sé líka fluttur norður?
Kveikt í bófum
þessa lands
Pistill
Orri Páll
Ormarsson
orri@mbl.is
’
Ég sá fyrir mér fíkni-
efni flæða, blóð renna
og byssur hátt á lofti. En
hvað var a’tarna?
Signý Björk Kristjánsdóttir
Ég þekki ekki James Bond-myndir;
hef aldrei horft á neina.
SPURNING
DAGSINS
Hver er
uppáhalds
James
Bondinn
þinn?
Agnar Óli Grétarsson
Örugglega þessi nýi, Daniel Craig.
Anna Sigurgeirsdóttir
Þessi nýjasti, Daniel Craig.
Þórður Kristján Pálsson
Sá fyrsti, Sean Connery. Svo var
Roger Moore líka góður og mikill
húmoristi.
Ritstjóri
Davíð Oddsson
Ritstjóri og
framkvæmdastjóri
Haraldur Johannessen
Aðstoðarritstjóri
og umsjón
Karl Blöndal kbl@mbl.is
Prentun
Landsprent ehf.
Hádegismóum 2,
110 Reykjavík.
Sími 5691100
Útgáfufélag
Árvakur hf.,
Reykjavík.
Forsíðumyndina tók
Kristinn Magnússon
Tvennir aldamótatónleikar verða í Háskólabíói föstudaginn
15. október, klukkan 20.00 og 23.00. Þar spila helstu stjörnur
Íslands sem vinsælar voru um aldamótin. Miðar fást á tix.is.