Morgunblaðið - Sunnudagur - 10.10.2021, Síða 17

endurtalið þá væru kærendur á leiðinni að verða
þingmenn, án þess að eiga það skilið samkvæmt
þeim reglum sem um kosninguna gilda. Eru þeir
virkilega að krefjast þess? Ef svo er, þá færi miklu
betur á því að þeir byðu sig aldrei aftur fram til
þings.
Aldrei hefur vaknað raunverulegur grunur um
„svindl“ í sambandi við þessa endurtalningu. Hinu
má ekki gleyma, því að mannleg mistök geta átt sér
stað. En það er einmitt með því að telja aftur, vakni
efi, sem mjög dregur úr líkum á mistökum. Þeir eru
ekki hæfir til þingmennsku sem andmæla því.
Gala hér, en treysta
galskapnum vestra
En hætturnar eru margfalt meiri þar sem treyst er á
vélarnar og í þeim tilvikum er iðulega flókið, eða
jafnvel ómögulegt að staðreyna rétta talningu eins
og fræg dæmi eru um, gömul sem ný, frá Bandaríkj-
unum. Þar í landi má kannski segja það virðing-
arvert, hve reyndir kjósendur, sem lengi hafa legið
dánir í gröf sinni, láta það ekki trufla staðfastan vilja
sinn til að kjósa.
Þar er alþekkt að námsmenn kjósa í ríkinu þar sem
þeir stunda nám og hraða sér svo heim til að kjósa
þar líka. Í kosningunum 2020 var kórónuveiran notuð
sem skjól fyrir vafasömustu aðferðum í kosningum
sem sést hafa í því landi, sem kallar ekki allt ömmu
sína í slíkum efnum. Gert var löglegt að atkvæðaseðl-
ar væru „pantaðir heim“ í stórum stíl og atkvæði svo
greidd þar án nokkurs opinbers eftirlits og síðan
gert útboð hjá sendibílum um að safna þeim atkvæð-
um saman og koma þeim á kjörstað og sturta inn í
talningarvélar. Svo voru atkvæði talin dögum eða
vikum saman til að loka niðurstöðum í einstökum
kjördæmum!
Í stóru ríki eins og Bretlandi og rétt eins í smáríki
eins og hér er talningu lokið í einni lotu algjörlega
vandræðalaust. En svo skrítilega vill til að það er oft
sama fólkið hér á landi sem telur það vera pólitískt
guðlast að hafa efasemdir um bandarísku aðferðina,
þar sem barist er gegn því að fólk þurfi að sýna per-
sónuskilríki á kjörstað. Demókratar lýsa því yfir op-
inberlega að slík krafa sé „rasísk“ krafa!
Það er eins gott að okkar góðu bandamenn fái ekki
að frétta það hversu rosalegir rasistar Íslendingar
eru í þeim efnum.
Of seint í r.....n gripið
Nú hafa Trump og stuðningsmenn hans fullyrt að
kosningunum hafi verið stolið fyrir framan nefið á
honum.
En það eru eingöngu þeir sem ekkert vita sem gefa
sér að framkvæmd kosninganna vestra hafi verið í
lagi í þetta sinn, sé horft til þeirra mælikvarða sem
gert er hér og í austurhluta okkar heimsbyggðar. En
eins og áður hefur verið bent á, þá mátti forsetinn
sem tapaði og flokkur hans sjá, eða að minnsta kosti
gruna, til hvers refirnir væru skornir með óvæntum
breytingum á kosningareglum. Kæra eftir á er í
þeim efnum of seint fram komin og sá sem gat kært
og gerði það ekki í trausti þess að hann myndi vinna
þrátt fyrir allt, verður að bera skaða af því. Breyt-
ingarnar sem gerðar voru „til bráðabirgða vegna Co-
vid“ veittu færi á stórkostlegu eftirlitslitlu svindli.
Kosningar fóru vandræðalaust fram austan Atlants-
hafsins, án þess að fullyrt væri að það væri ekki
hægt nema með stórkarlalegum undantekningum frá
venjulegu kosningahaldi, eins og gert var í Banda-
ríkjunum og þá einkum í þeim ríkjum þar sem mjótt
var á munum milli fylkinga!
Skondið hér
En það sem hvað skemmtilegast var með könnun
Maskínu fyrir „RÚV“ (en fréttastofa þess hefur ýtt
undir tortryggni og efa vegna kosninganna hér), var
hvar í landinu reyndust hafa verið minnstar ástæður
taldar til að efast um öryggi kosninganna að mati
landsmanna. Jú, það var auðvitað í Norðvest-
urkjördæminu. Enda er búið að telja þar tvisvar og
ekkert hefur komið fram um að hróflað hafi verið við
nokkru atkvæði! Þetta var því hárrétt mat kjósenda
þar.
Og til viðbótar kemur fram að í endurtalningunni
haggaðist ekki jafnvægið á milli einstakra flokka,
heldur fór hringekjan fræga á stað innan flokkanna,
eins og lögin gera ráð fyrir.
Bréfritari kunni einu sinni þær reglur utan bókar.
En þær voru eitt það fyrsta sem hann lagði töluvert
á sig til að gleyma, og hvernig allt það „artaði“ sig,
þegar hann var kominn úr pólitíkinni í annað og svo í
enn annað.
En fullyrt er að þetta kunni tölvurnar og megi
treysta þeim fyrir því, sé mannskapnum, sem matar
þær, treystandi.
Verðum við ekki að trúa því?
Morgunblaðið/Árni Sæberg
10.10. 2021 MORGUNBLAÐIÐ SUNNUDAGUR 17