Morgunblaðið - 29.11.2021, Page 1

M Á N U D A G U R 2 9. N Ó V E M B E R 2 0 2 1
.Stofnað 1913 . 280. tölublað . 109. árgangur .
MANNVÆNT OG
FJÖLBREYTT
UMHVERFI
JAFNT Í
STÓRLEIK Í
LUNDÚNUM
ELÍSABET II
EKKI LENGUR
ÞJÓÐHÖFÐINGINN
ENSKI BOLTINN 27 BARBADOS LÝÐVELDI 13ÁSDÍS HLÖKK 11
Annað ráðuneyti Katrínar Jakobsdóttur tók
við völdum í gær, á fyrsta degi aðventu, en það
er skipað sömu flokkum og mynduðu síðustu
ríkisstjórn, Sjálfstæðisflokki, Framsóknar-
flokki og Vinstri hreyfingunni – grænu fram-
boði. Tólf ráðherrar skipa hina nýju ríkisstjórn,
og sátu tíu af þeim einnig í fyrri ríkisstjórn
Katrínar. Tveir nýir ráðherrar bætast hins
vegar í hópinn, þeir Jón Gunnarsson frá Sjálf-
stæðisflokki, sem tekur við dómsmálaráðu-
neytinu og Willum Þór Þórsson, Framsóknar-
flokki, sem tekur við heilbrigðisráðuneytinu.
Vinstri græn halda forsætisráðuneytinu, og
skipar Katrín Jakobsdóttir það sem fyrr. Svan-
dís Svavarsdóttir og Guðmundur Ingi Guð-
brandsson, hinir ráðherrar flokksins, halda
áfram sem ráðherrar, en Svandís fer úr heil-
brigðisráðuneytinu og tekur við sjávarútvegs-
og landbúnaðarmálum, á meðan Guðmundur
Ingi hverfur úr umhverfisráðuneytinu, en verð-
ur þess í stað félags- og vinnumarkaðsráð-
herra.
Framsóknarflokkurinn bætir við sig ráðu-
neyti frá fyrri ríkisstjórn flokkanna. Sigurður
Ingi Jóhannson, formaður Framsóknarflokks-
ins, verður innviðaráðherra, en það ráðuneyti
tekur við hlutverki samgöngu- og sveitar-
stjórnarráðuneytisins, þar sem Sigurður Ingi
fór með lyklavöldin áður. Lilja Dögg Alfreðs-
dóttir og Ásmundur Einar Daðason halda
áfram ráðherraembættum, en Lilja verður
Ferðamála, viðskipta- og menningarmálaráð-
herra á meðan Ásmundur tekur við hlutverki
mennta- og barnamálaráðherra. Auk þeirra
bætist Willum Þór í ráðherralið flokksins, líkt
og að ofan var getið.
Sjálfstæðisflokkurinn heldur fimm ráðu-
neytum, líkt og í fyrri ríkisstjórn, en flokkurinn
fær nú í sitt skaut embætti forseta Alþingis frá
Vinstri grænum. Bjarni Benediktsson, formað-
ur flokksins, gerði tillögu um það á þingflokks-
fundi sjálfstæðismanna í gær að Birgir Ár-
mannsson, sem var þingflokksformaður á
síðasta kjörtímabili, tæki við því embætti og
var það samþykkt.
Líkt og í tilfelli hinna flokkanna eru miklar
tilfæringar í hlutverkum ráðherra Sjálfstæð-
isflokks, og er Bjarni Benediktsson fjármála-
og efnahagsráðherra og formaður flokksins sá
eini sem heldur sama titli og í fyrri ríkisstjórn.
Í samtali við mbl.is í gærkvöldi útilokaði Bjarni
þó ekki, að hann myndi færa sig um set og yfir í
annað ráðuneyti á kjörtímabilinu.
Sjálfstæðismenn í suðurkjördæmi lýstu yfir
óánægju með að Guðrún Hafsteinsdóttir, odd-
viti flokksins í kjördæminu fengi ekki ráð-
herraembætti, en Bjarni Benediktsson sagði í
gær að Guðrún ætti að taka við af Jóni Gunn-
arssyni sem dómsmálaráðherra í síðasta lagi
eftir 18 mánuði. „Ég veit að það er ákall eftir
því að Suðurkjördæmi fái ráðherrastól og því
verður svarað á þessu kjörtímabili,“ sagði
Bjarni.
Almennt orðaður stjórnarsáttmáli
Formenn stjórnarflokkanna komu saman á
Kjarvalsstöðum í gær til þess að undirita
óvenjulangan stjórnarsáttmála, þar sem vikið
er að helstu stefnumiðum í stóru og smáu.
Þrátt fyrir það þykir sáttmálinn nokkuð al-
mennt orðaður um margt, eins og e.t.v. má bú-
ast við í ríkisstjórn flokka með svo ólíka sýn á
hlutina, en fyrir vikið mun víða mikið velta á
túlkuninni þegar þar að kemur.
Mikil áhersla er lögð á að bæta ríkisfjármálin
á ný eftir kórónukreppuna, en lykillinn að því
er sagður vera vöxtur og verðmætasköpun til
velsældar. Sömuleiðis hyggst ríkisstjórnin
beita sér til þess að gera vinnumarkaðsmál sem
áfallaminnst með varanleg lífskjör að leiðar-
ljósi. Átak í loftslagsmálum og græna hagkerf-
ið eru einnig fyrirferðarmikil, en stefnt er að
kolefnishlutleysi árið 2040 og að Ísland verði
fyrst ríkja heims til þess að hætta að nota jarð-
efnaeldsneyti svo nokkru nemi. Til þess að til
slíkra orkuskipta geti komið þarf að virkja
meira, en af mikilli varúð. Þá skal bæta hressi-
lega í innviðauppbyggingu, en hana á að kosta
með frekari sölu á eignarhlutum ríkisins í
bönkum.
Morgunblaðið/Árni Sæberg
Að loknum ríkisráðsfundi Annað ráðuneyti Katrínar Jakobsdóttur tekur sér stöðu við Bessastaði eftir fyrsta ríkisráðsfund sinn með forseta Íslands. Tólf ráðherrar skipa ríkisstjórnina.
NÝ RÍKISSTJÓRN Á AÐVENTU
- Framsóknarflokkur bætir við sig
ráðherra - Willum Þór Þórsson
verður heilbrigðisráðherra
- Forseti Alþingis úr Sjálfstæð-
isflokki - Bjarni Benediktsson
gerir tillögu um Birgi Ármannsson
- Stjórnarsáttmálinn þykir almennt
orðaður - Áhersla lögð á vöxt og
verðmætasköpun til velsældar
MNý ríkisstjórn tekur við »4, 6, 10 og 14