Morgunblaðið - 29.11.2021, Page 13

FRÉTTIR 13Erlent
MORGUNBLAÐIÐ MÁNUDAGUR 29. NÓVEMBER 2021
Óseyrarbraut 12, 220 Hafnarfirði | Klettagörðum 5, 104 Reykjavík | stolpigamar@stolpigamar.is
Gámaleiga
Er gámur lausnin fyrir þig?
Við getum líka geymt gáminn fyrir þig
568 0100
stolpigamar.is
HAFÐU
SAMBAND
Búslóðageymsla ❚ Árstíðabundinn lager ❚ Lager ❚ Sumar-/vetrarvörur
Frystigeymsla ❚ Kæligeymsla ❚ Leiga til skemmri eða lengri tíma
Urður Egilsdóttir
urdur@mbl.is
Nýtt afbrigði kórónuveirunnar,
Ómíkron, hefur farið sem storm-
sveipur um alþjóðasamfélagið. Fjöl-
mörg ríki hafa hert reglur á landa-
mærum sínum og sett takmarkanir
á ferðir til sunnanverðrar Afríku en
afbrigðið greindist fyrst í Suður-
Afríku í nóvember.
Til að mynda hafa ísraelsk stjórn-
völd lokað landamærum sínum fyrir
öllum ferðamönnum en aðeins fjórar
vikur eru síðan landamærin voru
opnuð þar í landi. Eitt tilfelli Ómí-
kron-afbrigðisins hefur greinst í Ísr-
aelsríki.
„Við erum að draga upp rautt
flagg,“ sagði Naftali Bennett, for-
sætisráðherra Ísrael, en ísraelsk
stjórnvöld hafa nú þegar keypt tíu
milljónir Covid-prófa til þess að
stemma stigu við þessu „mjög svo
hættulega“ afbrigði.
Katar, Bandaríkin, Sádi-Arabía,
Kúveit, Holland og Bretland hafa
sett strangar reglur á komur ferða-
manna frá sunnanverðri Afríku. Þá
hafa Bretar einnig almennt hert
reglur við komuna til landsins og
sett á grímuskyldu innanlands en
þrjú tilfelli af afbrigðinu greindust
um helgina. Um helgina greindist 61
farþegi úr tveimur flugvélum sem
komu til Hollands frá Suður-Afríku
með kórónuveiruna, að minnsta
kosti 13 tilfelli eru af nýja afbrigð-
inu. Ómíkron hefur meðal annars
einnig greinst í Hong Kong, Ástr-
alíu, Danmörku, Tékklandi og
Þýskalandi.
„Refsað“ fyrir afbrigðið
Vísindamenn eru nú í kappi við
tímann í að greina eðli afbrigðisins,
sérstaklega vörn bóluefna gegn því.
Vísindamenn í Suður-Afríku hafa nú
þegar greint að minnsta kosti tíu
stökkbreytingar af Ómíkron, sam-
anborið við Delta-afbrigðið sem hef-
ur einungis tvær stökkbreytingar.
Antony Blinken, utanríkisráð-
herra Bandaríkjanna, hefur hælt
vísindamönnum í Suður-Afríku fyrir
að greina Ómíkron svo snemma og
gegnsæi suðurafrískra stjórnvalda
fyrir að deila upplýsingum um af-
brigðið með alþjóðasamfélaginu.
Stjórnvöld í Suður-Afríku hafa
hins vegar gagnrýnt viðbrögð ann-
arra ríkja og segja þeim vera „refs-
að“ fyrir að uppgvöta afbrigðið með
ferðatakmörkunum til landsins.
Keppast við að setja á ferðahömlur
- Takmarka ferðalög til sunnanverðrar Afríku - Ísraelar loka landamærum - Bretar herða sótt-
varnareglur innanlands - Vísindamenn hafa greint að minnsta kosti tíu stökkbreytingar af Ómíkron
AFP
Ferðabann Ísrael hefur lokað landamærum sínum vegna Ómíkron en einungis mánuður er síðan þau opnuðu.
Þrír létust í Bretlandi á föstudag af völdum óveð-
ursins Arwen sem herjaði á landið um helgina.
Þeir sem létust urðu fyrir trjám sem féllu á þá í
Skotlandi, Norður-Írlandi og Norðvestur-
Englandi. Þá þurftu þúsundir í Skotlandi að búa
við rafmagnsleysi í nokkra daga. Í borginni Aber-
deen voru dísilvélar notaðar til þess að miðla raf-
magni til sjúkrahúsa og hjúkrunarheimila. Þá
lágu lestarsamgöngur niðri víða.
AFP
Þrír létust af völdum óveðursins Arwen í Bretlandi
Frá og með deginum í dag mun eyrík-
ið Barbados yfirgefa Bresku krúnuna
og þar með verða lýðveldi. Því verður
Elísabet Bretlandsdrottning ekki
lengur þjóðhöfðingi ríkisins en
Barbados var nýlenda Bretlands áður
en það hlaut sjálfstæði árið 1966.
„Það er kominn tími til þess að skilja
við fortíð okkar sem nýlendu fyrir
fullt og allt, “ sagði Sandra Mason,
ríkisstjóri Barbados.
Mason er 73 ára og mun hún sverja
embættiseið í dag. Því verður hún
fyrsti forseti eyríkisins þar sem búa
um 300 þúsund manns. Þingið kaus
Mason til forsetaembættisins í októ-
ber. Karl Bretaprins verður við-
staddur athöfnina sem heiðursgestur.
Síðasta ríki til þess að aðskilja sig
frá bresku krúnunni var eyríkið Má-
ritanía árið 1992. Bæði Barbados og
Máritanía eru þó enn hluti af breska
samveldinu.
Yfirgefa
krúnuna
- Eyríkið Barbados
verður lýðveldi
Barbados Elísabet drottning og
Sandra Mason, nýr forseti.
AFP