Morgunblaðið - 29.11.2021, Side 32

„Hljómsveitin Mosi frændi brýtur odd af oflæti sínu og
sendir frá sér jólalag þar sem stuðst er við kunnuglega
aðferð því látið er nægja að semja nýjan íslenskan jóla-
texta við þekktan erlendan slagara,“ segir í tilkynningu
frá sveitinni sem segist vera Baggalútur fátæka
mannsins. Íslenskur titill lagsins er „Hvað segir Feiti-
björn?“ en upphaflega heitir lagið „Born to Run“ og er
úr smiðju Bruce Springsteen. Mosi frændi var stofnuð
sem hljómsveit af af sex nemendum í MH 1985 og kom
fyrst fram á tónleikum í Norðurkjallara MH vorið 1986.
Sveitin Mosi frændi segist vera
Baggalútur fátæka mannsins
Steinþór Guðbjartsson
steinthor@mbl.is
Listamaðurinn Úlfur Karlsson er
meðal kollega á samsýningu sem
opnuð var í Davíðsgalleríi í Kaup-
mannahöfn um helgina og verður
opin fram yfir miðjan desember.
„Fyrir þremur árum tók ég þátt í
samsýningu íslenskra listamanna á
vegum íslenska sendiráðsins í Kaup-
mannahöfn og upp úr því spratt
samstarf við sýningarhaldara sem
stóðu að einkasýningu minni í sept-
ember og buðu mér líka að vera með
á þessari sýningu,“ segir hann um
viðburðinn.
Ferill Úlfs hófst með gerð stutt-
og heimildarmynda en eftir að hafa
útskrifast úr Kvikmyndaskóla Ís-
lands 2008 sneri hann sér að mynd-
listinni. Hann lauk fornámi í Mynd-
listarskólanum á Akureyri 2009 og
hélt síðan til Svíþjóðar, þar sem
hann brautskráðist með BA-gráðu
frá Valand School of Fine Arts í
Gautaborg. „Fyrsta veturinn bjó ég í
vinnustofunni. Í portinu söfnuðust
upp málverk sem aðrir höfðu fleygt
og ég tók þau upp, spreyjaði yfir
verkin og gerði mín eigin verk. Á
samsýningu nemenda seldi ég öll
verk mín og þannig byrjaði listin að
rúlla.“
Efniviður úr fréttum
Úlfur býr í Kaupmannahöfn.
Hann hefur haldið margar sýningar
heima og erlendis, en segir að kór-
ónuveirufaraldurinn hafi slegið á
ferðalögin og þar með sýningar-
haldið. „Þetta hefur verið dálítið erf-
itt, því ferðalögin hafa gert mér
mögulegt að kynnast sýningarhöld-
urum sem hafa síðan boðið mér að
sýna, meðal annars í Austurríki og
Lettlandi.“ Hann leggur áherslu á
að ekkert komi í staðinn fyrir það að
kynnast rétta fólkinu. „Það skiptir
svo miklu máli að geta kynnt sig og
verkin til að fá að halda sýningu og
fá inn tekjur af listinni.“ Hann segir
ekkert ákveðið um frekari sýningar í
nánustu framtíð en viðræður standi
yfir um næstu skref. „Það er erfitt
að ganga frá samningum þegar mað-
ur kemst ekki á staðinn.“
Úlfur segir að liðnir atburðir og
ekki síst viðburðir á líðandi stundu
hafi oft áhrif á sköpunina hjá sér.
„Erró hefur verið fyrirmynd mín að
mörgu leyti enda hef ég alltaf litið
upp til hans,“ segir hann um klippi-
myndir sínar en hann málar einkum
akrýlmyndir á striga. „Hugmynd-
irnar verða einkum til úr fréttum af
íþróttum og pólitík og svo geri ég
mér líka mat úr súrrealískum teikni-
myndablöðum.“
Þegar málverk Úlfs eru skoðuð
segist hann vonast til þess að áhorf-
endur sjái tengingu á milli sögunnar
og verksins. „Við fyrstu sýn virðist
hvert málverk sýna sérstakan heim,
landslag, svæði eða borg, en þegar
betur er að gáð og rýnt í smáatriðin
eru tengingarnar augljósar.“
Verkin á núverandi sýningu eru
mun minni en þau sem Úlfur sýndi á
samsýningunni í haust. „Þau eru
ekki eins pólitísk heldur byggð á æv-
intýraheimi eins og Lord of the
Rings, sem ég hafði gaman af sem
krakki. Þetta er svona víkinga-
þema.“
Víkingar höfða til
myndlistarmanns
- Úlfur Karlsson með verk á samsýningu í Kaupmannahöfn
Morgunblaðið/Kristinn Magnússon
Í Mutt-galleríi Úlfur Karlsson á sýningu sinni fyrr á árinu.
Í Kaupmannahöfn Málverk eftir Úlf á sýningunni í Davíðsgalleríi.
MÁNUDAGUR 29. NÓVEMBER 333. DAGUR ÁRSINS 2021
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 739 kr.
Áskrift 7.982 kr. Helgaráskrift 4.982 kr.
PDF á mbl.is 7.077 kr. iPad-áskrift 7.077 kr.
FH minnkaði forskot Hauka í eitt stig á toppi úrvals-
deildar karla í handknattleik, Olísdeildarinnar, þegar
liðið vann öruggan 31:26-sigur gegn Aftureldingu að
Varmá í Mosfellsbæ í tíundu umferð deildarinnar í gær.
Haukar eru með 16 stig í efsta sæti deildarinnar en FH
fylgir fast á hæla nágranna sína með 15 stig. Valsmenn
koma þar á eftir með 14 stig en Valur á leik til góða á
Hafnarfjarðaliðin. » 26
Hafnarfjarðaliðin tvö á toppnum
ÍÞRÓTTIR MENNING