Morgunblaðið - 10.12.2021, Blaðsíða 15

15
MORGUNBLAÐIÐ FÖSTUDAGUR 10. DESEMBER 2021
Jólasnjór Ferðamenn fjölmenna til landsins þrátt fyrir heimsfaraldur og hafa síðustu daga fengið að upplifa alvörusnjó hér á landi, stundum með stórum og fallegum flygsum.
Eggert
Sérstök ástæða er til þess að
lýsa ánægju með endurreisn
ráðuneytis landbúnaðar, sjávar-
útvegs og matvæla.
Slíkt ráðuneyti var á teikni-
borðinu hjá mér sem landbún-
aðar- og sjávarútvegsráðherra
2009 til 2011. Ég vildi styrkja
stjórnsýslulega stöðu þessara
mála. „Kratarnir“ í ríkisstjórn
Samfylkingar og Vinstri-
grænna 2009-2013 börðu í gegn-
um þingið að landbúnaðar- og
sjávarútvegsráðuneytið yrði lagt niður og var
það gert í ársbyrjun 2012. Þau höfðu ávallt
horn í síðu landbúnaðarins og þess sem inn-
lent var.
Baráttan fyrir íslenskan landbúnað
Gömlu „krötunum“ og ESB-sinnunum var
mjög í mun á þeim tíma að leggja allt niður
sem laut að sjálfstæðum einingum innan
landbúnaðar og sjávarútvegs. Heitið land-
búnaður mátti helst hvergi koma fyrir í
stjórnsýslunni. Umsóknin um
aðild að ESB var jú aðalmál for-
mannanna í ríkisstjórn Jóhönnu
Sigurðardóttur 2009-2013 –
þvert á gefin loforð og stefnu
Vinstri-grænna. Andstaðan við
inngöngu í ESB var mest innan
greina landbúnaðar, sjávar-
útvegs og matvælavinnslu –
þeirra málaflokka sem ég stýrði
sem ráðherra. Einmitt þess
vegna lögðu „ESB-sinnarnir“
áherslu á að veikja allar stjórn-
sýslueiningar landbúnaðarins í
aðlögunarferlinu að ESB. Þarna
var tekist hart á og lauk með því að „krat-
arnir“ og ESB-sinnarnir náðu fram kröfu
sinni. Landbúnaðar- og sjávarútvegsráðu-
neytið var lagt niður í stjórnsýslunni í árslok
2011 og mér vikið úr ríkisstjórn.
Ánægjuefni
Ég hafði hins vegar gert það sem í mínu
valdi stóð sem ráðherra til að standa vörð um
þessa grunnatvinnuvegi þjóðarinnar og
stöðva ESB-umsóknina. Sú stöðvun stendur
enn. Það er því sérstakt ánægjuefni fyrir mig
sem fyrrverandi ráðherra þessa málaflokks
að sjá endurreisn ráðuneytis á svipuðum
grunni og ég barðist fyrir.
ESB út af borðinu – landbúnaðar- og
sjávarútvegsráðuneyti endurreist
Nú eru báðir foringjarnir horfnir af vett-
vangi stjórnmála sem börðust fyrir að leggja
landbúnaðar- og sjávarútvegsráðuneytið nið-
ur 2011 og ganga í ESB. Þá er vel við hæfi að
ráðuneytið sé endurreist enda verkefnin mik-
il og fjölþætt. Aðild að ESB er vonandi líka
út af borðinu. Reyndar ætti ekkert lengur að
vera því til fyrirstöðu að afturkalla umsókn-
ina að ESB.
Fiskveiðistjórnun
Óskandi er að haldið verði einnig áfram
þar sem frá var horfið í minni tíð með breyt-
ingar á fiskveiðistjórnunarkerfinu, verndun
grunnslóða, eflingu strandveiðiflotans, auk-
inn rétt sjávarbyggðanna og strandveiðar.
Heildstætt frumvarp mitt þess efnis, sem
lagt var fram í ríkisstjórn í nóvember 2011,
finnst örugglega í ráðuneytinu.
Kannski verða líka teknar upp tillögur
okkar Atla Gíslasonar um að hefta og setja
skorður við samþjöppun aflaheimilda og
skera á hin margföldu krosseignatengsl í
sjávarútvegi og fiskvinnslu. Þeim tillögum
okkar var rækilega vikið til hliðar af ráðherr-
um sem síðar komu í ráðuneytið. Tillögurnar
voru lagðar fram í ríkisstjórn haustið 2011.
Þær eru vafalaust enn til í ráðuneytinu og
hægt að þróa áfram í endurreistu ráðuneyti.
Árnaðaróskir
Sérstakar árnaðaróskir færi ég nýjum ráð-
herra landbúnaðar, sjávarútvegs og matvæla
og nýrri ríkisstjórn Katrínar Jakobsdóttur
óska ég velfarnaðar.
Eftir Jón Bjarnason » Ástæða er til þess að lýsa
ánægju með endurreisn
ráðuneytis landbúnaðar,
sjávarútvegs og matvæla.
Jón Bjarnason
Höfundur er fyrrverandi landbúnaðar-
og sjávarútvegsráðherra.
Endurreist landbúnaðar- og sjávarútvegsráðuneyti
Það þarf vart að
nefna hversu mik-
ilvægt það er að fram-
bjóðendur í prófkjöri
Sjálfstæðisflokksins
vegna komandi borg-
arstjórnarkosninga á
næsta vori séu sam-
mála um stefnu í helstu
viðfangsefnum borg-
arinnar á næsta kjör-
tímabili. Í því sam-
bandi má einna helst
nefna afstöðu þeirra til samgöngu-
mála, ekki síst borgarlínu, þ.e.
þeirrar tillögu sem nú liggur fyrir;
rándýr fjárfesting í innviðum sem
mun ekki skila þeim árangri sem
vænst er, hvorki í umferðarmálum
né loftslagsmálum. Einnig afstöð-
una til framtíðar Reykjavík-
urflugvallar, því ljóst er að hann fer
aldrei í Hvassahraun, og síðast en
ekki síst afstöðu til ofur-
þéttingar byggðar í
nokkrum hverfum borg-
arinnar, aðallega há-
hýsabyggðar, og mið-
borgarmála almennt.
Skýr afstaða
frambjóðenda
Í grein sem ég skrif-
aði í Morgunblaðið 4.
ágúst sl. nefndi ég að
nauðsynlegt væri að
frambjóðendur í próf-
kjöri Sjálfstæðisflokks-
ins í Reykjavík í aðdrag-
anda næstu borgarstjórnarkosninga
kynntu vel skýra afstöðu sína til
einstakra borgarmála. Í undanfara
prófkjörs, sem stjórn fulltrúaráðs
sjálfstæðisfélaganna í Reykjavík
hefur nýlega samþykkt að verði
haldið við val á frambjóðendum, er
áríðandi að stjórn fulltrúaráðsins
beiti sér fyrir því að frambjóðendur
upplýsi þá sem kosningarétt hafa í
prófkjörinu um afstððu sína til
helstu viðfangsefna borgarinnar.
Svör frambjóðenda við fram-
lögðum spurningum verði send
þeim sem rétt hafa til þátttöku í
prófkjörinu með góðum fyrirvara
fyrir kosningadag prófkjörsins. Það
auðveldar mörgum sem kjósa í
prófkjörinu að taka afstöðu til ein-
stakra frambjóðenda, en tryggir þó
ekki samstöðu þeirra sem kosnir
verða borgarfulltrúar um ýmis þýð-
ingarmikil málefni á vettvangi
borgarstjórnar. Það auðveldar þó
væntanlega mörgum að taka af-
stöðu til einstakra frambjóðenda.
Að sjálfsögðu skiptir það veru-
legu máli að frambjóðendur
Sjálfstæðisflokksins við næstu
borgarstjórnarkosningar komi fram
sameinaðir í stórum hagsmuna-
málum borgarinnar en ekki sundr-
aðir.
Mikilvæg viðfangsefni
fram undan
Ef Sjálfstæðisflokkurinn velur að
bjóða kjósendum í Reykjavík upp á
framboðslista þar sem frambjóð-
endur eru ósammála í nokkrum
mikilvægum viðfangsefnum borg-
arinnar á næsta kjörtímabili borg-
arstjórnar næst ekki mikill árangur
í starfi þeirra. Það er að sjálfsögðu
afar nauðsynlegt að framboðslistinn
sé skipaður einstaklingum sem eru
í meginatriðum samstiga í þeim við-
fangsefnum sem bíða þeirra, ekki
síst í mikilvægum skipulags- og
samgöngumálum.
Árangur í komandi kosningum
og síðan öflugt starf
borgarstjórnarflokksins næst að
sjálfsögðu ekki ef fyrir liggur í
upphafi næsta kjörtímabils að óein-
ing ríki í hópi nýrra borgarfulltrúa
flokksins um stefnu í mikilvægum
borgarmálefnum. Það er staða sem
hinn almenni flokksmaður á ekki
að þurfa að búa við áfram.
Krafa almennra flokksmanna
Sjálfstæðisflokksins í Reykjavík
hlýtur að vera sú að samstaða ríki í
borgarstjórnarflokknum við um-
fjöllun og afgreiðslu mikilvægra
málefna. Vissulega geta komið upp
einstök ágreiningsmál innan hóps
borgarfulltrúa Sjálfstæðisflokksins
en ekki að ágreiningur í mik-
ilvægum málum standi yfir sam-
fellt í heilt kjörtímabil. Það er á
hinn bóginn staða sem andstæð-
ingar Sjálfstæðisflokksins kjósa
sér.
Eftir Vilhjálm Þ.
Vilhjálmsson » Vissulega geta komið
upp einstök ágrein-
ingsmál innan hóps
borgarfulltrúa Sjálf-
stæðisflokksins en ekki
að það sé viðvarandi
allt kjörtímabilið.
Vilhjálmur Þ.
Vilhjálmsson
Höfundur er fv. borgarstjóri.
Samstaða til sigurs