Morgunblaðið - 21.12.2021, Page 30

30 ÍÞRÓTTIR
MORGUNBLAÐIÐ ÞRIÐJUDAGUR 21. DESEMBER 2021
NBA-deildin
Detroit – Miami .................................. 100:90
Memphis – Portland......................... 100:105
Sacramento – San Antonio .............. 121:114
Chicago – LA Lakers ....................... 115:110
Minnesota – Dallas........................... 111:105
Phoenix – Charlotte ......................... 137:106
Staðan í Austurdeild:
Brooklyn 21/9, Chicago 18/10, Cleveland
19/12, Milwaukee 19/13, Miami 18/13,
Washington 16/15, Charlotte 16/16, Boston
15/15, Philadelphia 15/15, Toronto 14/15,
Atlanta 14/15, New York 13/17, Indiana 13/
18, Orlando 6/25, Detroit 5/24.
Staðan í Vesturdeild:
Phoenix 24/5, Golden State 24/6, Utah 20/9,
Memphis 19/12, LA Clippers 16/14, Denver
15/14, LA Lakers 16/15, Minnesota 15/15,
Dallas 14/15, Sacramento 13/18, Portland
13/18, San Antonio 11/18, Houston 10/20,
New Orleans 10/21, Oklahoma City 9/19.
57+36!)49,
_ Í samtali við singapúrska miðilinn
Lianhe Zaobao hafnar kínverska tenn-
iskonan Peng Shuai því að hafa sakað
nokkurn um nauðgun en í byrjun nóv-
ember birti hún færslu á kínverska
samfélagsmiðlinum Weibo, þar sem
hún skrifaði að Zhang Gaoli, fyrrver-
andi varaforseti Kína, hafi þvingað
hana til samræðis. „Ég hef aldrei sagt
eða skrifað að nokkur maður hafi beitt
mig kynferðislegu ofbeldi. Sá punktur
þarf að vera fyllilega á hreinu,“ sagði
hún við miðilinn, sem er þekktur fyrir
að vera hliðhollur kínverska ríkinu.
Í yfirlýsingu frá Sambandi tenn-
iskvenna, WTA, kvaðst sambandið
ánægt með að Peng hafi sést á op-
inberum vettvangi, en viðtalið var tek-
ið á íþróttaviðburði í Sjanghæ. Þó
slægi það ekki á áhyggjur sem WTA
hafi um velferð hennar og möguleika á
að tjá sig án ritskoðunar eða þving-
unar.
_ Þýsku meistararnir Bayern Münc-
hen, sem Glódís Perla Viggósdóttir og
Karólína Lea Vilhjálmsdóttir leika
með, drógust í gær gegn París SG í
átta liða úrslitum Meistaradeildar
kvenna í fótbolta. Wolfsburg, lið
Sveindísar Jane Jónsdóttur, mætir
Arsenal og Lyon, lið Söru Bjarkar
Gunnarsdóttur, dróst gegn Juventus.
Fjórða einvígið verður á milli spænsku
liðanna Real Madríd og Barcelona.
_ Tottenham er úr leik í Sam-
bandsdeild UEFA í knattspyrnu eftir að
Rennes frá Frakklandi var úrskurðaður
3:0-sigur í viðureign liðanna í loka-
umferð G-riðils keppninnar en leik-
urinn átti upphaflega að fara fram 9.
desember í Lundúnum. Honum var
frestað vegna fjölda kórónuveirusmita
í herbúðum enska liðsins og ákvað
UEFA í gær að úrskurða Rennes í hag.
Sigur Rennes þýðir að Tottenham end-
ar í þriðja sæti riðilsins með 7 stig.
_ Tennisleikarinn Rafael Nadal
greindist með kórónuveiruna við
heimkomu til Spánar eftir að hafa
keppt á móti í Abú
Dabí um síðustu
helgi. Það þýðir
að hann gæti
misst af einu
stærsta tenn-
ismóti næsta árs,
Opna ástralska í
Melbourne, sem
hefst 17. janúar
næst-
kom-
andi.
Eitt
ogannað
Bara töluð þýska
Í byrjun mánaðarins var Sveindís
formlega kynnt sem leikmaður
Wolfsburg og skömmu eftir það hóf
hún æfingar með liðinu. „Ég er búin
að æfa með þeim í tæpar tvær vikur
núna. Það hefur bara gengið ágæt-
lega hingað til. Ég byrjaði á því að
fara í nokkur próf; hlaupapróf og
læknisskoðanir og svona. Svo fór ég
að æfa með þeim á fullu.“
Þrátt fyrir að vera byrjuð að æfa
með liðinu mun hún ekki byrja að
spila með því fyrr en í byrjun febr-
úar þegar keppni í þýsku 1. deildinni
hefst að nýju.
„Ég fæ leikheimild í janúar en það
eru engir leikir fyrr en í febrúar. Ég
verð komin með leikheimild þegar
deildin hefst aftur í byrjun febrúar,“
útskýrði Sveindís.
Beðin um að bera saman Kristi-
anstad og Wolfsburg hvað aðstæður
og annað varðar sagði hún: „Þetta er
kannski aðeins meira faglegt ef svo
má segja. Það eru allir leikmenn
bara að einbeita sér að fótboltanum
og það eru landsliðskonur í öllum
stöðum, sem var ekki alveg raunin í
Svíþjóð. Við æfum á morgnana og
það var ekki gert í Kristianstad alla-
vega. Það er helsti munurinn. Svo er
bara töluð þýska.“ En er Sveindís
byrjuð að læra þýskuna? „Nei ég
þarf samt að fara að drífa mig í því!“
sagði hún kímin.
Spennt fyrir Meistaradeildinni
Wolfsburg er eitt sterkasta lið
Evrópu og þar með í heiminum enda
búið að vinna þýsku 1. deildina sex
sinnum á síðustu átta árum og
Meistaradeild Evrópu í tvígang á
þeim tíma, auk þess að hafna í öðru
sæti í Meistaradeildinni þrisvar.
Liðið er komið í fjórðungsúrslit
keppninnar þetta tímabilið þar sem
það mætir Arsenal í lok mars.
Þótt Sveindís hafi ekki tekið þátt í
riðlakeppninni, sem lauk í mán-
uðinum, með Wolfsburg geta félögin
tilkynnt breytingar á Meistaradeild-
arhópum sínum fyrir útslátt-
arkeppnina eftir að riðlakeppninni
lýkur og vonast Sveindís til þess að
taka þátt í leikjunum gegn Arsenal.
„Ég er lögleg ef ég verð í Meist-
aradeildarhópnum, þá ætti ég að
geta verið með. Ég er spennt fyrir
því en það verður bara að koma í ljós
hvort ég komist í þann hóp. Það er
vonandi,“ sagði hún.
Ekkert sem hræðir mig
Verandi komin til eins sterkasta
liðs Evrópu í einni af sterkustu
deildunum er óumflýjanlega harðari
og meiri samkeppni um stöður í
byrjunarliði. Bæði Alexandra Jó-
hannsdóttir hjá Eintracht Frankfurt
og Karólína Lea Vilhjálmsdóttir hjá
Bayern München hafa fengið færri
mínútur en þær hefðu viljað á tíma-
bilinu en Sveindís sagði það vera
hluta af því að spila á þetta háu stigi.
„Það er auðvitað mjög leiðinlegt ef
maður er ekki að fá að spila en það
er náttúrlega geggjað að fá að æfa
með þessum stelpum og því er mað-
ur alltaf að bæta sig þrátt fyrir að fá
ekki að spila. Auðvitað vil ég spila en
ég myndi ekki segja að þetta hræði
mig neitt, ég held að þetta muni
frekar hvetja mig áfram til þess að
æfa betur og bæta það sem ég þarf
að bæta til þess að geta komist í lið-
ið.
Ég held að það sé það sem þær
Alex og Karó séu að gera. Þær taka
þessu bara vel og eru ekkert heima
grenjandi yfir því að fá ekki að spila!
Þetta er bara hluti af þessu þegar
maður er kominn í svona sterka
deild og sterkt lið. Maður verður
eiginlega að sætta sig við að þetta sé
erfitt en í staðinn verður maður að
æfa sig betur, það er bara þannig,“
sagði Sveindís að lokum ákveðin í
samtali við Morgunblaðið.
Ég hræðist
ekki sam-
keppnina
- Sveindís Jane ætlar að vinna sér inn
sæti í byrjunarliði stórliðs Wolfsburg
Morgunblaðið/Unnur Karen
Wolfsburg Sveindís Jane Jónsdóttir verður formlega leikmaður þýska stór-
liðsins í janúar og gæti spilað gegn Arsenal í Meistaradeildinni í mars.
ÞÝSKALAND
Gunnar Egill Daníelsson
gunnaregill@mbl.is
Knattspyrnukonan Sveindís Jane
Jónsdóttir hefur hafið æfingar með
þýska stórliðinu Wolfsburg eftir að
hafa verið á láni hjá sænska úrvals-
deildarfélaginu Kristianstad á ný-
loknu keppnistímabili. Fyrir ári síð-
an var hún keypt til Wolfsburg frá
uppeldisfélagi sínu Keflavík og strax
lánuð til Kristianstad. Undir hand-
leiðslu Elísabetar Gunnarsdóttur
aðalþjálfara gekk Sveindísi mjög vel
á sínu fyrsta tímabili sem atvinnu-
maður er hún skoraði sex mörk og
lagði upp önnur fjögur í 19 deild-
arleikjum þegar Kristianstad hafn-
aði í þriðja sæti deildarinnar og
tryggði sér þannig sæti í Meist-
aradeild Evrópu á næsta tímabili.
„Það var bara geðveikt. Hún er
frábær manneskja og þjálfari,“ sagði
Sveindís í samtali við Morgunblaðið,
spurð hvernig það hafi verið að
vinna með Elísabetu á árinu. „Ég
get alveg sagt að hún er einn af
bestu þjálfurum sem ég hef fengið
að vinna með. Ég tel að ég sé mjög
heppin að hafa fengið að vera þjálfuð
af henni, það eru ekkert allir sem fá
það og ég er ótrúlega ánægð með að
hafa fengið að vinna með henni og
kynnast henni líka sem persónu.“
Á dögunum lét Sveindís hafa það
eftir sér að hún hefði viljað skora
meira fyrir Kristianstad en hún
kvaðst þó heilt yfir ánægð með tíma-
bilið í Svíþjóð. „Ég var bara mjög
sátt með tímabilið. Þetta var bæði
krefjandi og ótrúlega skemmtilegt
líka. Auðvitað vill maður sem fram-
herji alltaf skora meira en ég held að
þetta hafi verið ágætt fyrsta tímabil
úti í atvinnumennsku. Ég er bara
ánægð með það og þetta fer allt sam-
an í reynslubankann,“ sagði Sveind-
ís.
Sundkonan Jóhanna Elín Guð-
mundsdóttir keppti í undanrásum í
50 metra skriðsundi á heimsmeist-
aramótinu í 25 metra laug í Abú
Dabí í gærmorgun. Jóhanna Elín
kom í mark á tímanum 25:25 sek-
úndur sem er alveg við hennar
besta tíma í greininni en hann er
25:08 sekúndur. Hún hafnaði í 34.
sæti og komst ekki áfram í úrslit en
hún hafnaði einnig í 34. sæti í 100 m
skriðsundi á föstudaginn í síðustu
viku. Jóhanna hefur því lokið
keppni á HM en hún var eini kepp-
andi Íslands á mótinu.
Sama sæti og
nærri sínu besta
Ljósmynd/Hörður J. Oddfríðarson
HM Jóhanna Elín Guðmundsdóttir
hafnaði í 34. sæti í báðum greinum.
Hákon Daði Styrmisson, hand-
knattleiksmaður hjá Gummersbach
í Þýskalandi, er með slitið eða illa
rifið krossband í hné og er á leið í
aðgerð í dag. Þetta gerðist á æf-
ingu í síðustu viku en bróðir hans,
Andri Heimir Friðriksson, skýrði
frá því í hlaðvarpsþættinum Leik-
hléinu í gær. Hann verður væntan-
lega frá keppni fram á haustið 2022
af þessum sökum. Hákon var í 35
manna hópi landsliðsins fyrir EM
og á miklu flugi með liði Gummers-
bach sem er efst í þýsku B-
deildinni.
Hákon er úr leik
á tímabilinu
Morgunblaðið/Unnur Karen
Meiðsli Hákon Daði Styrmisson á
æfingu landsliðsins í nóvember.
Ekki verður gert hlé á keppni í ensku úrvalsdeild-
inni í knattspyrnu um jól og áramót eins og horfur
virtust á. Fulltrúar félaganna komu saman á fundi
í gær og niðurstaða hans var sú að halda áfram að
spila þrátt fyrir að nokkur félaganna hefðu óskað
eindregið eftir því að keppni yrði frestað vegna
mikillar útbreiðslu kórónuveirunnar.
Sex af tíu leikjum síðustu helgar var frestað
vegna smita hjá mörgum félögum ásamt þremur
leikjum í vikunni á undan, sem og mörgum leikjum
í neðri deildunum.
The Athletic segir að flest úrvalsdeildarfélag-
anna hefðu viljað halda sínu striki. Mikið er í húfi
fjárhagslega fyrir félögin að leikirnir geti farið
fram og það réði mestu um þessa ákvörðun.
Því mun enska úrvalsdeildin halda sig við það að
leggja mat á það hvaða leikir muni geta farið fram
en fresta þeim sem þörf er á að fresta líkt og hefur
verið gert að undanförnu. Áfram er viðmiðið að ef
lið í deildinni er með 13 leikfæra aðalliðsspilara
auk eins leikfærs markmanns á leikdegi skuli það
halda sig við að spila leikinn sem er á dagskrá.
Á fundinum var einnig rætt hvernig væri best
að breyta ferlinu í kringum frestanir til þess að
forðast mjög skamma fyrirvara líkt og þegar leik
Aston Villa og Burnley var frestað með rétt rúm-
lega tveggja klukkustunda fyrirvara á laugardag.
Keppt í ensku úrvalsdeildinni um jól og áramót