Víkurfréttir - 24.11.2021, Síða 14

Soroptimistar um allan heim munu í ár. eins og mörg undan-
farin ár, slást í för með um 6.000 samtökum í 187 löndum
sem leidd eru af Sameinuðu þjóðunum til að vekja athygli á
kynbundnu ofbeldi gegn stúlkum og konum með þátttöku í
sextán daga átakinu #roðagyllumheiminn, #orangetheworld.
Roðagyllti liturinn sem er litur
átaksins táknar bjartari framtíð án
ofbeldis gegn konum og stúlkum.
Átakið sem nú fer fram í þrítugasta
sinn hefst þann 25. nóvember á al-
þjóðlegum baráttudegi gegn ofbeldi
gagnvart konum og stúlkum og því
lýkur þann 10. desember á hinum
alþjóðlega mannréttindadegi Sam-
einuðu þjóðanna sem jafnframt
er dagur Soroptimista. Markmið
sextán daga átaksins er að beina
athyglinni að alvarleika kynbundins
ofbeldis, fræða almenning og hvetja
til að ofbeldið verði stöðvað. Til þess
þarf vitundarvakningu.
Ein af hverjum þremur konum
hafa verið beittar ofbeldi á lífs-
leiðinni og er það eitt útbreiddasta
mannréttindabrot í heimi. Nærri 140
konur eru myrtar á hverjum degi af
nánum fjölskyldumeðlimi. Um 15
milljónir núlifandi unglingsstúlkna,
fimmtán til nítján ára, hafa verið
beittar kynferðislegu ofbeldi. Konur
eru 72% allra þeirra í heiminum
sem hneppt eru í mansal og kyn-
lífsþrælkun. 200 milljónir núlifandi
stúlkna og kvenna hafa verið lim-
lestar á kynfærum. Á hverri mínútu
eru 23 barnungar stúlkur þvingaðar
í hjónaband.
Sú hefð hefur skapast að ákveðið
málefni verður í brennidepli ár
hvert. Áhersla íslenskra Soroptim-
ista mun að þessu sinni beinast að
stafrænu ofbeldi. Stafrænt ofbeldi
fer fram gegnum tæki og tækni, svo
sem síma, tölvu og samfélagsmiðla.
Notkun á samfélagsmiðlum hefur
aukist mikið undanfarin ár og sífellt
fleiri konur og stúlkur eru áreittar,
beittar ofbeldi, ofsóttar, niður-
lægðar eða þeim ógnað gegnum þá.
Með auknu aðgengi að stafrænum
miðlum og útbreiðslu þeirra varð til
ný og oft dulin nálgun á ofbeldi gegn
konum og stúlkum þar sem oft er
erfitt að rekja ofbeldið, verja sig gegn
því og uppræta það. Það getur verið
texti eða mynd með skilaboðum eða
tölvupósti. Það er líka stafrænt of-
beldi ef einhver er að fylgjast með
hvað þú gerir í símanum þínum og
hvað þú gerir á netinu. Fólk sem
verður fyrir stafrænu ofbeldi upplifir
oft ótta, reiði, kvíða, þunglyndi og að
vera ekki við stjórn á eigin lífi. Fólki
finnst það ekki eiga neitt einkalíf, er
líklegt til að einangra sig og upplifir
hjálparleysi. Tíunda hver kona hafði
orðið fyrir stafrænu ofbeldi fyrir
heimsfaraldur Covid-19 en nú hefur
hlutfallið hækkað mikið.
Ýmislegt verður gert þessa sextán
daga til að beina athygli að stafrænu
ofbeldi. Íslenskir Soroptimistar,
sem nú eru um 600 talsins í nítján
klúbbum um allt land, munu vera
sýnilegir meðal annars með því
að klæðast roðagylltum lit, skrifa
greinar í blöð og selja appelsínugul
blóm eða annan varning. Byggingar í
heimabyggð klúbba verða lýstar upp
í roðagylltum lit og einnig sendiráð
Íslands víða um heim.
„Líkt og fyrri ár, verða ýmsar
byggingar hér á Suðurnesjum lýstar
upp í roðagylltum lit (e. orange) og
einnig ætlar Sigurjónsbakarí að selja
snúða og kleinuhringi með appels-
ínugulu kremi til styrktar átakinu.
Við vonum að Suðurnesjamenn
styðji við verkefnið eins og undan-
farin ár. Það væri líka gaman að sjá
heimili skreyta með appelsínugulu,“
segir Þorkatla Sigurðardóttir, verk-
efnisstjóri hjá Soroptimistaklúbbi
Keflavíkur.
Stofnfundur Félags kvenna í atvinnulífinu á Suðurnesjum, FKA Suðurnes, verður haldinn í bíó-
sal Duus húsa og á netinu föstudaginn 26. nóvember næstkomandi. Markmiðið með stofnun
sérstakrar deildar á Suðurnesjum er að sögn þeirra Guðnýjar Birnu Guðmundsdóttur og Fidu
Abu Libdeh að einblína sérstaklega á styrkleika kvenna á Suðurnesjum með aukinni samstöðu.
„FKA styður kvenleiðtoga í að sækja
fram og sameinar þær til aukins sýni-
leika og þátttöku. Félagið er öflugt
tengslanet kvenna úr öllum greinum
atvinnulífsins og er leiðandi hreyfiafl
sem eflir fjölbreytileika atvinnu-
lífsins,“ segir Fida Abu Libdeh sem
hefur ásamt Guðnýju Birnu Guð-
mundsdóttur undirbúið stofnun
nýrrar landsbyggðardeildar FKA á
Suðurnesjum.
Styrkleikar kvenna
á Suðurnesjum og
aukin samstaða
„Tilgangurinn er að hittast reglulega
og halda fræðslukvöld í bland við
skemmtikvöld þar sem eflt verður
tengslanet kvenna ásamt því að
fræðast um hin ýmsu rekstrar- upp-
byggingar og nýsköpunarmál,“ segir
Guðný Birna og bætir við að lögð
verði sérstök áhersla á fjölbreyti-
leika.
„Um er að ræða frábæra leið fyrir
konur til að efla tengslin og ræða
málin, kortleggja tækifærin og taka
höndum saman um að skapa hress-
andi framtíð sem einkennist af
jöfnum tækifærum og nýsköpun sem
er nákvæmlega það sem þarf til að
tækla áskoranir í takt við nýja tíma
eins og heimsfaraldur, fjórðu iðnbylt-
inguna og ná heimsmarkmiðum sem
búið er að skuldbinda þjóðina að ná.“
FKA í þjónustu við
atvinnulífið
FKA, Félag kvenna í atvinnulífinu
var stofnað 1999 og var þá Félag
kvenna í atvinnurekstri en með-
limir félagsins eru nú kvenleiðtogar
úr öllum stéttum atvinnulífsins.
„FKA Suðurnes verður fjórða
landsbyggðardeild félagsins. Við
munum eiga samtalið við félags-
konur um landið allt, gera okkur
gildandi hér á Suðurnesjum, vinna
að jöfnum tækifærum og leggja
áherslu á að félagskonur hafi gaman
saman,“ segir Fida.
Öflugt tengslanet
„Athafnakonur, stjórnendur og leið-
togar úr öllum greinum atvinnu-
lífsins mynda þétt og öflugt tengsl-
anet FKA um land allt og nú er
komið tækifærið fyrir konur á Suð-
urnesjum að fóstra nærumhverfið og
finna kraftinn. Konur á Suðurnesjum
eru sérstaklega hvattar til að fjár-
festa í sér og mæta á stofnfundinn.
Með því að vera FKA kona tekur þú
þátt í fjölbreyttu starfi, ert partur af
hreyfiafli og þessu öflugu tengslaneti
kvenna. Sem félagskona tilheyrir þú
heild og hægt er að benda á marg-
víslega verndandi þætti sem fylgja
félagastarfi,“ segir Guðný Birna.
„Okkar ósk er að efla þátt kvenna í
atvinnulífinu, í rekstri og í stjórnum
fyrirtækja. Einnig er mikilvægt að
stofna sameiginlegan vettvang þar
sem konur geta hist og öðlast styrk
í hugviti annarra kvenna. Það verða
léttar veitingar á stofnfundinum og
þar fræðumst við um FKA og mikil-
vægi félagsins fyrir konur,“ segir Fida
að lokum.
Nánari upplýsingar á heimasíðu
Félags kvenna í atvinnulífinu FKA.
„Viljum einblína sérstaklega á styrkleika kvenna á Suðurnesjum með aukinni samstöðu,“
segja þær Guðný Birna Guðmundsdóttir og Fida Abu Libdeh
Fida Abu Libdeh og Guðný Birna Guðmundsdóttir eru frumkvöðlar
að stofnun Félags kvenna í atvinnulífinu á Suðurnesjum.
Félag kvenna í atvinnulífinu,
FKA kallar eftir tilnefningum
frá almenningi og atvinnulífinu
sem dómnefnd mun meta og
á endanum velja konur sem
hljóta FKA þakkarviðurkenn-
ingu, FKA viðurkenningu og
FKA hvatningarviðurkenn-
ingu. FKA Viðurkenningar-
hátíðin er haldin árlega þar
sem konur úr atvinnulífinu eru
heiðraðar.
Að vanda verða veittar viður-
kenningar á hátíðinni til þriggja
kvenna sem hafa verið konum í
atvinnulífinu hvatning og fyrir-
mynd. Konurnar sem tilnefndar
eru þurfa ekki að vera félags-
konur FKA heldur hvaðan sem
er úr samfélaginu, hægt er að
tilnefna í einum flokki eða öllum
og allir geta sent inn tilnefningu.
„Það er mikilvægt að beina
kastaranum að flottum fyrir-
myndum, fjölbreytileika og
fá nöfn af fjölbreyttum hópi
kvenna á lista og nöfn kvenna
af öllu landinu, sem dómnefnd
mun vinna með og á endanum
velja þær konur sem verða
heiðraðar af FKA í janúar
2022.“
Verða úrslit kynnt á FKA
Viðurkenningarhátíðinni þann
20. janúar 2022 á Grand Hótel
Reykjavík.
Hægt er að tilnefna á heima-
síðu FKA til og með 25. nóv-
ember 2021.
Konur
heiðraðar
Félag kvenna í atvinnulífinu á Suðurnesjum stofnað
SEXTÁN DAGA ÁTAK GEGN
KYNBUNDNU OFBELDI 2021
Roðagyllum heiminn
Roðagyllt orkuver í Svartsengi.
14 // vÍkurFrÉttir á SuðurneSJuM Í 40 ár