Víkurfréttir - 24.11.2021, Qupperneq 18

SKÓLASLIT – stórkostlegt ævintýri
Í upphafi árs 2021 hófu kennsluráðgjafar á fræðsluskrifstofu Reykjanesbæjar samtal og
vegferð sem heldur betur vatt upp á sig og hafði áhrif á marga í skólasamfélaginu. Sam-
talinu var haldið áfram við Ævar Þór Benediktsson rithöfund og var verkefni mótað sem
við höfðum öll tröllatrú á. Við vorum svo lánsöm að með Ævari Þór fylgdi Ari Yates teiknari
og myndskreytir sem setti mark sitt á myndsköpun sögunnar og þá upplifun sem hún
veitti. Hópurinn stækkaði og margir voru tilbúnir að taka þátt. Allir grunnskólar Reykja-
nesbæjar voru með frá fyrstu stundu með Akurskóla í broddi fylkingar. Síðan bættust við
grunnskólar Suðurnesjabæjar og Voga ásamt kennsluráðgjafa þeirra, starfsfólk Bókasafns
Reykjanesbæjar vildi leggja sitt af mörkum og fulltrúar Fjörheima félagsmiðstöðvar gátu
ekki beðið eftir því að láta hlutina gerast. Það vildu allir vera með og voru jákvæðir í garð
þessa verkefnis. Sótt var um styrk til Sprotasjóðs sem var veittur og vegna þess gátum við
farið af stað í þetta stóra og áhugaverða verkefni. Verkefni sem var ólíkt öllu öðru sem við
höfum gert undanfarin ár eða hvað?
Nýstárleg lestrarupplifun
Markmið verkefnisins var að búa til
nýstárlega lestrarupplifun, læra af
drengjum, hlusta á þá og fá innsýn
í þeirra hugarheim og hugmyndir
varðandi nálgun á lestri og öflun og
úrvinnslu upplýsinga. Einnig var
markmiðið að auka áhuga þeirra
á lestri með fjölbreyttri nálgun
og áhugahvetjandi og merkingar-
bærum verkefnum. Auk þess vildum
við vinna með viðhorf kennara til
drengja og lesturs og opna huga
þeirra gagnvart ólíkum leiðum til
öflunar upplýsinga og þekkingar-
sköpunar. Enn fremur vildum við
gefa feðrum tækifæri til aukinnar
þátttöku í lestrarnámi drengja og
kanna viðhorf þeirra til lesturs.
Ása eða Marteinn?
Við viljum breyta orðræðu um
drengi og lestur því þeir geta vel
lesið. Við þurfum að hlusta betur
á þá og reyna að skilja hvað þarf til
þess að fá þá til þátttöku. Þó svo að
fókusinn hafi verið á drengi í upp-
hafi þá var verkefnið ætlað öllum
nemendum á mið- og unglinga-
stigi grunnskóla sem höfðu áhuga
á þessari lestrarupplifun og vildu
vera með. Allur októbermánuður
var undirlagður af sögunni SKÓLA-
SLIT í grunnskólunum okkar og
það var sama hvert litið var þá var
greinilegt að efni hennar hafði áhrif
og var sjáanlegt í verkum nemenda.
Heimilin tóku þátt, nemendur og
foreldrar hlustuðu eða lásu saman
í upphafi dags eða áttu notalega
kvöldstund. Það vildu allir fylgjast
með því hvernig sögupersónur
Skólaslita tókust á við áskoranir sem
þær stóðu fram fyrir enda magnaðist
spennan eftir því sem leið á október.
Nemendur ræddu söguna sín á
milli og spáðu fyrir um framhaldið,
myndbönd voru gerð, teikningar
litu dagsins ljós en sköpun var alls-
ráðandi í kringum þessa lestrarupp-
lifun. Í skólunum var verið að vinna
verkefni í anda sögunnar og söguper-
sónur lifnuðu við þegar nemendur
og kennarar klæddu sig upp í anda
Hrekkjavöku. Hver vill ekki klæða
sig upp og vera Ása eða Meistarinn
á Hrekkjavöku?
Draugahúsið vinsælt
Í lok mánaðarins sá félagsmið-
stöðin Fjörheimar um að undirbúa
draugahús á Hrekkjavöku og var
öllu til tjaldað. Ungmenni á vegum
Fjörheima höfðu veg og vanda að
uppsetningu þess og var magnað að
sjá allar þær hugmyndir sem fram
komu og voru útfærðar til að skapa
stemningu í anda Hrekkjavöku.
Draugahúsið var opið í þrjá daga í
kringum Hrekkjavöku. Húsnæðið,
sem er rúmlega fjögur hundruð fer-
metrar að stærð, var skipt upp í níu
svæði og undirlagt af draugagangi.
Tvær útfærslur voru á drauga-
húsinu, annars vegar hefðbundið
þar sem var myrkur og hugmynda-
flugið réði för og hins vegar þar sem
ljósin voru kveikt þannig að þeir sem
vildu taka þátt gátu komið án þess
að dvelja í myrkrinu. Í heildina fóru
um tvö þúsund manns á öllum aldri
í gegnum draugahúsið þá daga sem
það var opið og meirihluti nemenda
miðstigs grunnskóla á svæðinu voru
þar á meðal.
Verkfæri til kennara
Áætlaður afrakstur verkefnisins
var að færa kennurum verkfæri
sem myndu hafa áhrif á lestrarnám
drengja og upplifun þeirra. Einnig
að skapa lifandi vefsíðu sem segði
sögu SKÓLASLITA þar sem áhersla
væri lögð á myndræna og lifandi
framsetningu þar sem kennarar og
nemendur hefðu tækifæri til að deila
og miðla hugmyndum sínum og fjöl-
breyttum afurðum tengdum sög-
unni. Að lokum að gefin yrði út bók
af höfundi sem unnin væri út frá efni
lestrarverkefnisins. Eftir samtöl við
kennara þá er ekki annað að heyra
en að þeir hafi almennt verið mjög
ánægðir með hvernig til tókst. Nú
þegar höfum við náð flestum þeim
markmiðum sem við settum okkur
í byrjun. Unnið er að því að eiga
samtöl við nemendur um upplifun
þeirra. Við viljum hlusta og læra, æfa
okkur og gera þær breytingar sem
gera þarf til að auka lestraráhuga og
lestrarfærni. Send verður út könnun
til fulltrúa kennara og foreldra til
að fá þeirra upplifun af verkefninu
því rödd þeirra er mikilvæg. Þegar
þessar upplýsingar liggja fyrir getum
við gert upp verkefnið fyrir alvöru
og fetað leiðina áfram.
Takk allir sem hjálpuðu
Við erum fyrst og fremst stolt af
þessu verkefni og þakklát öllum
þeim sem voru með okkur í októ-
bermánuði að fylgjast með Hall-
dóri, Ásu, Arndísi, Pavel, Joönnu,
Pétri, Grímu og Meistaranum ásamt
Unnari skólastjóra og öllum hinum
sögupersónunum í SKÓLASLITUM.
Við erum þakklát öllum þeim
hundrað grunnskólum sem þátt tóku
um allt land og þeim áhugasömu
kennurum sem leiddu verkefnið
áfram. Takk nemendur, foreldrar
og kennarar í Reykjanesbær, Suður-
nesjabær og Vogum, TAKK Ævar
Þór og TeiknAri, takk Fjörheimar,
takk Stefanía og starfsfólk Bóka-
safns Reykjanesbæjar. Takk Páll og
Víkurfréttir fyrir að vera með okkur
í verkefninu og gefa okkur færi á að
nýta fjölmiðilinn til að kynna verk-
efnið. Takk Arnar og RÚV fyrir að
veita verkefninu athygli og fjalla um
það í Landanum. Takk Þormóður
og Sigurbjörg í Akurskóla og allir
skólastjórnendur fyrir ykkar þátt
því hann var ómetanlegur. Takk
Sprotasjóður fyrir að hafa gert okkur
þetta mögulegt því þetta verkefni
er einstakt. Kærar þakkir til ykkar
allra með von um að SKÓLASLIT
hafi verið ykkur ánægjuleg lestrar-
upplifun. Þarna fengum við tækifæri
til að fylgjast með sögu í rauntíma
því að Ævar Þór og Ari voru að
allan mánuðinn og gáfu okkur nýja
upplifun á hverjum degi. Auk þess
bætti Ævar Þór við upplestri sem
varð til þess að allir gátu tekið þátt
óháð lestrarfærni, því að stundum er
gott að fá að hlusta og njóta. Þetta
verkefni var sannkallað ævintýri og
samstarfið í kringum SKÓLASLIT
var ómetanlegt því allir lögðu sitt af
mörkum til að þessi lestrarupplifun
yrði að veruleika. Í dag erum við
reynslunni ríkari þar sem verkefnið
hefur fært okkur ótal áskoranir og
tækifæri. Og að lokum spyrja nem-
endur; verða SKÓLASLIT 2 á næsta
ári?
Fyrir hönd stýrihóps SKÓLASLITA:
Kolfinna Njálsdóttir,
verkefnastjóri SKÓLASLITA
og deildarstjóri skólaþjónustu
Reykjanesbæjar
Heiða Ingólfsdóttir,
kennsluráðgjafi fræðsluþjónustu
Suðurnesjabæjar
Anna Hulda Einarsdóttir,
kennsluráðgjafi á fræðsluskrif-
stofu Reykjanesbæjar
„Heimilin tóku
þátt, nemendur og
foreldrar hlustuðu
eða lásu saman
í upphafi dags
eða áttu notalega
kvöldstund. Það vildu
allir fylgjast með því
hvernig sögupersónur
Skólaslita tókust á við
áskoranir sem þær
stóðu fram fyrir“
18 // vÍkurFrÉttir á SuðurneSJuM Í 40 ár