Víkurfréttir - 24.11.2021, Side 19
Svar við hugmyndinni um að rífa
Myllubakkaskóla sem kom fram í
grein sem birtist á vef Víkurfrétta
laugardaginn 20. nóvember 2021.
Í ár kom í ljós að mygla hefur greinst
í Myllubakkaskóla. Strax var gripið
til aðgerða til að tryggja að kennsla
og skólastarf gæti haldið áfram.
Kennsla og skólastarf fer nú fram um
víðan völl innan Reykjanesbæjar og
er ekki beinlínis bætandi fyrir um-
hverfi nemenda né starfsumhverfi
starfsmanna. Þetta ástand er mjög
slítandi og með öllu óásættan-
legt bæði fyrir nemendur, kennara
og stjórnendur Myllubakkaskóla.
Spurningin er hvenær kennarar og
nemendur geti séð fram á það að
kennsla og starf fari aftur í eðlilegt
horf undir sama þaki.
Hugmyndir um að rífa Myllu-
bakkaskóla og færa starfsemi hans
annað, til dæmis með því að sameina
hann við Holtaskóla, láta byggja nýtt
húsnæði fyrir Fjölbrautaskóla uppi
á Ásbrú eða byggja nýjan skóla eru
alls ekki slæmar EN hvernig verður
tryggt að sveitarfélagið eða ríkið ráð-
stafi fé í slíkt?
Í haust var vígð ný og glæsileg
viðbygging við Fjölbrautaskóla
Suðurnesja. Ferlið sjálft var langt
og krafðist mikillar vinnu og undir-
búnings. Slíkt telst kannski eðlilegt
en mig langar að spyrja hvort það
teljist í lagi að kennarar, nemendur
og stjórnendur Myllubakkaskóla
þurfi að bíða eftir nýju skólahúsnæði
í nokkur ár?
Hugmyndin um að sameina Myllu-
bakkaskóla við Holtaskóla mun
hugsanlega leiða til þess að hóparnir
stækki eða gæti leitt til uppsagna
kennara ef á versta veg fer. Stærri
hópar geta verið vandamál þar sem
álag á kennara eykst og minni tími
gefst til að veita nemendum þá að-
stoð sem þeir þurfa. Námsöryggi
nemenda og vellíðan kennara í starfi
þarf að vera í brennidepli og að mínu
mati er ekki nægileg áhersla lögð á
það í hugleiðingum sem birtust í
grein um framtíð Myllubakkaskóla
á vef Víkurfrétta.
Hins vegar finnst mér mjög já-
kvætt að það sé verið að hugsa í
lausnum og auðvitað þarf að stuðla
að uppbyggingu skóla- og mennta-
kerfisins, íþróttasamfélagsins og ekki
síður að skólaumhverfið standi undir
nútímakröfum í Reykjanesbæ. En er
ekki löngu orðið tímabært að láta
slíkar umræður fara fram á vettvangi
þar sem helstu hagsmunaaðilar geta
komið skoðunum, hugmyndum og
áhyggjum sínum á framfæri?
Umræðan um hvort eigi að rífa
Myllubakkaskóla, sameina hann við
til dæmis Holtaskóla eða færa hann
í húsnæði Fjölbrautar er mjög mik-
Simon Cramer Larsen
Framhaldsskólakennari við Fjöl-
brautaskóla Suðurnesja, formaður
skólamálanefndar Félags fram-
haldsskólakennara og frambjóð-
andi til embættis varaformanns
Kennarasambands Íslands.
Ræðið við okkur
kennara líka
ilvæg. Hún á hins vegar að fara fram
þar sem kennarar, skólastjórnendur,
bæjarbúar og sveitarstjórn sitja við
sama borð.
Kennarar eiga að hafa aðkomu
að því hvernig starfsumhverfi þeir
vilja vinna í. Rödd kennara er mjög
mikilvæg og þess vegna skora ég á
sveitastjórn að íhuga mögulegar
lausnir vel og vandlega. Takið sam-
talið við kennarana og hlustið á þá.
Þvílík reynsla, kunnátta og hæfni
er hjá kennurum og það er að mínu
mati kominn tími til að hlustað verði
á okkur þegar er verið að ræða um
starf, menntun og vinnuumhverfi
okkar óháð skólastigum. Því er ég
viss um að vilji og áhugi sé til staðar
hjá kennurum um að ræða og skoða
málin í sameiningu.
Ungt fólk í
Reykjanesbæ
Anna Sigríður Jóhannesdóttir
BA sálfræði og MBA,
bæjarfulltrúi fyrir Sjálfstæðis-
flokkinn í Reykjanesbæ
Tvisvar á ári heldur Ungmennaráð
Reykjanesbæjar góða fundi með
bæjarstjórn og nú í nóvember átti
ráðið tíu ára afmæli. Vel gert ung-
mennaráð og til hamingju með stór-
afmælið. Margar mjög góðar ræður
voru fluttar um hvað mætti betur
fara í bænum. Nemendur eru að
kalla eftir aukinni sálfræðiþjónustu
í skólum eða öðrum sérfræðingum
til að styðja við andlega heilsu ung-
menna. Of margir nemendur eru
að glíma við kvíða og þunglyndi að
sögn nemenda og þurfa þau aukinn
stuðning. Nemendur vilja einnig
fleiri félagsmiðstöðvar við grunn-
skólana því erfitt getur verið að
koma sér í 88 húsið en einnig til að
þétta nemendahópinn betur saman í
hverjum skóla fyrir sig. Nemendaráð
hefur mikið að segja um hvernig um-
hverfið í bænum á að vera og hvernig
þjónustu þau vilja sjá í okkar sam-
félagi.
Í ræðum nemenda var vitnað í
Barnasáttmálann, Heimsmarkmiðin
og ýmsar rannsóknir. Vitnað var í
niðurstöður kannana sem Rann-
sóknir og greining gera reglulega um
líðan meðal ungs fólks. Áhersla er
lögð á að meta þá þætti sem skipta
máli í lífi ungmenna og meta breyt-
ingar í samfélaginu. Tíðarandinn
breytist fljótt og höfum við náð
góðum árangri varðandi reykingar og
drykkju ungmenna en núna er verið
að skoða betur koffínneyslu, rafrett-
unotkun og svefnvenjur ungmenna.
Um 9,8% nemenda í 10. bekk nota
rafrettur daglega og 8,3% hafa notað
kannabis. Um 22,6% nemenda í
8-10 bekk meta andlega heilsu sína
mjög góða og 28,2% meta líkamlega
heilsu sína góða. Um 37% meta svo
að þau fái oft eða alltaf nægan svefn
á virkum dögum. Aðeins 15,5% nem-
enda mæta í félagsmiðstöð og þar er
tækifæri til að fjölga verulega.
Mikilvægt er að hlusta á börn
og ungmenni og koma til móts við
þau svo líðan þeirra sé góð í skóla-
kerfinu og einnig í samfélaginu. Í
stefnu Reykjanesbæjar kemur fram
að börnin séu mikilvægust, styðjum
börn svo þau blómstri í fjölskyldunni,
skólum, íþróttum og tómstundum til
að auka kraft samfélagsins.
Höldum sýkla-
lyfjum virkum
Í upphafi vitundarviku um skynsam-
lega notkun sýklalyfja var haldinn
fundur með læknum Heilbrigðis-
stofnunar Suðurnesja þar sem
Kristinn Logi Hallgrímsson, læknir,
fundaði með læknum HSS um þetta
þýðingarmikla málefni, vitundar-
vakningu um sýklalyf og sýklalyfja-
ónæmi.
Tilgangur þessarar vitundar-
vakningar er að minna einstaklinga,
stjórnvöld, heilbrigðisstarfsmenn og
aðra aðila á mikilvægi þess að nota
sýklalyf skynsamlega og minna á þá
ógn sem stafar af útbreiðslu sýkla-
lyfjaónæmra baktería.
Orsakir sýklalyfjaónæmis eru
margvíslegar en ógætileg notkun
sýklalyfja hjá bæði mönnum og
dýrum er ein sú mikilvægasta. Upp-
götvun sýklalyfja er ein merkilegasta
uppgötvun læknisfræðinnar og hafa
þau komið í veg fyrir milljónir fylgi-
kvilla og dauðsfalla vegna smit-
sjúkdóma og sýkinga. Því er mikil-
vægt að koma í veg fyrir útbreiðslu
sýklalyfjaónæmis og viðhalda virkni
sýklalyfja um langa framtíð.
Skynsamleg ávísun sýklalyfja er
samvinnuverkefni heilsugæslunnar,
sóttvarnarlæknis og sýklafræði-
deildar Landspítala og hófst árið
2017. Fyrirmynd þess er sænskt
verkefni sem hóf göngu sína fyrir
aldarfjórðungi. Markmiðið er að
stuðla að skynsamlegri ávísun sýkla-
lyfja og þar með vinna gegn þróun
ónæmis og þannig stuðla að verndun
og virkni þessarra gríðarlega mikil-
vægu og góðu lyf.
Í heilsugæslunni á Íslandi, í öllum
heilbrigðisstofnunum, er hópur
lækna sem á hverju ári mun funda
með læknum allra heilsugæslu-
stöðva á sínu svæði. Þar er farið yfir
stöðuna á sýklalyfjaávísunum og
ræddar áherslur fyrir næsta ár.
Sjá nánar má lesa um verkefnið á
heimasíðu Embættis landlæknis.
https://www.landlaeknir.is/smit-og-
sottvarnir/syklalyfjaonaemi-sykla-
lyfjanotkun/
Kristinn Logi Hallgrímsson, læknir (lengst til hægri), fundaði með læknum HSS um þetta
þýðingarmikla málefni, vitundarvakningu um sýklalyf og sýklalyfjaónæmi. VF-mynd: Hilmar Bragi
Tunnufestingar og teygjur á lok
Festum tunnur vel og setjum festingar á lok
Á veturna glatast fjöldi sorpíláta
og innihald þeirra dreifist um
íbúðahverfi.
Til mikils er að vinna að halda
tunnunum föstum og vel
lokuðum.
Festingar fást hjá gámafélögum og
í byggingavöruverslunum.
vÍkurFrÉttir á SuðurneSJuM Í 40 ár // 19