Fréttablaðið - 25.01.2022, Blaðsíða 6

Niðurstaðan í dag var
mikill áfangasigur en
þetta er áframhaldandi
slagur – næsta stopp er
hæstiréttur Bretlands.
Kristinn Hrafnsson,
ritstjóri WikiLeaks
arib@frettabladid.is
NEYTENDUR „Þetta getur skipt heim­
ili mun meira máli en áður, nú þegar
þau eru mörg hver búin að fjárfesta í
rafmagnsbílum og orkunotkunin er
farin að aukast talsvert mikið,“ segir
Hanna Björg Konráðsdóttir, lögfræð­
ingur Orkustofnunar.
„Við hvetjum neytendur til að gera
verðsamanburð og að vera vakandi
yfir þróun rafmagnsverðs til heimila.
Það er mun meiri samkeppni nú á
smásölumarkaði með raforku og þar
með talið raforkusölu til heimila en
var fyrir nokkrum árum síðan.“
Heimili hafa getað valið sér sölu­
fyrirtæki frá árinu 2006 en það var
ekki fyrr en 2019 sem samkeppni
varð virk. „Það barst kvörtun um
að dreifiveiturnar settu neytendur
sjálfkrafa í viðskipti við fyrirtæki
þeim tengd,“ segir Hanna Björg.
Hún segir meginmarkmiðið með
því að hafa sölufyrirtæki til þrauta­
varaviðskipta vera að tryggja að
neytendur fái raforku þrátt fyrir að
hafa ekki valið sér raforkusala. Orku­
stofnun rannsakar nú verðlagningu
N1 Rafmagns, áður Íslenskrar orku­
miðlunar, á raforku til viðskiptavina
sem völdu ekki að vera í viðskiptum
við fyrirtækið. N1 Rafmagn hefur
viðurkennt að hafa verið með tvö
verð og verður mismunurinn end­
urgreiddur aftur til 1. nóvember.
Hanna Björg segir marga þætti til
skoðunar.
„Við þurfum að leggjast yfir það
hvort það séu aðrar leiðir færar til að
ná þeim markmiðum sem þessu fyr­
irkomulagi var ætlað að koma á, það
er að neytendur standi ekki skyndi­
lega uppi orkulausir og tryggt verði
með betri hætti að þeir velji sér raf­
orkusala,“ segir Hanna Björg. n
Mikilvægt að fylgjast vel með raforkuverði
Hanna Björg
Konráðsdóttir,
lögfræðingur
hjá Orkustofnun
Raforkusali Verð (kWst) Meðalkostnaður (5.000 kWst á ári)
Straumlind 6,44 kr. 2.683 kr.
N1 Rafmagn 6,44 kr. 2.683 kr.
Orka heimilanna 7,30 kr. 3.125 kr.
Orkubú Vestfjarða 7,50 kr. 3.155 kr.
Orkusalan 8,08 kr. 3.367 kr.
Fallorka 8,44 kr. 3.517 kr.
HS Orka 8,59 kr. 3.579 kr.
Orka náttúrunnar 8,82 kr. 3.675 kr.
Verðsamanburður á raforkusölu til heimila Heimild: Aurbjörg
Benedikt sagði af sér árið 2013.
Hann er nú 94 ára. FRÉTTABLAÐIÐ/GETTY
arib@frettabladid.is
VATÍKANIÐ Benedikt XVI, fyrrver­
andi páfi kaþólsku kirkjunnar, við­
urkennir að hafa verið viðstaddur
fund þar sem kynferðisafbrot prests
var til umræðu.
Benedikt hefur verið sakaður um
að hafa vitað af kynferðisbrotum
presta gegn börnum á meðan hann
var erkibiskup í München, en ekkert
aðhafst til að uppræta þau.
Fram til þessa hefur hann ætíð
neitað því að hafa vitað af slíkum
brotum. Benedikt segir í yfirlýsingu
að fyrri yfirlýsingar hafi ekki verið
gerðar af illum vilja. Hann hyggst
gefa f leiri yfirlýsingar á næstunni
eftir að hann er búinn að lesa allar
1.900 blaðsíður skýrslunnar. n
Viðurkennir að
hafa setið fund
Julian Assange hefur fengið
leyfi til að áfrýja máli sínu um
framsalskröfu Bandaríkja­
manna til breskra dómstóla.
Kristinn Hrafnsson, ritstjóri
WikiLeaks, lýsir því sem
áfangasigri og segir Assange
bera með sér ótrúlega seiglu.
tsh@frettabladid.is
DÓMSMÁL Julian Assange, stofn­
andi WikiLeaks, fékk í gær leyfi til
að áfrýja til hæstaréttar Bretlands
ákvörðun dómstóla um að heimilt
sé að framselja hann til Banda­
ríkjanna.
Undirréttur neitaði hins vegar
að veita Assange heimild til að
áfrýja beint þannig að hann þarf
nú að bíða þess að hæstiréttur veiti
honum áfrýjunarheimild.
Kristinn Hrafnsson, ritstjóri
WikiLeaks og einn nánasti sam­
starfsmaður Assange, segir að
liðið gætu nokkrir mánuðir áður
en málið kemst á borð hæstarétt­
ar. „Niðurstaðan í dag var mikill
áfangasigur en þetta er áframhald­
andi slagur – næsta stopp er hæsti­
réttur Bretlands,“ segir hann.
„Kerfið er dálítið undarlegt hérna
þannig að áfrýjunarrétturinn þurfti
að gefa heimild fyrir sitt leyti til að
það mætti fara fram á áfrýjun á
þessu eina atriði sem út af stóð og
þeir féllust á að það væri spurning
sem ætti mögulega erindi til hæsta­
réttar. Hæstiréttur þarf síðan sjálfur
að veita slíka heimild og lögmenn
Julians hafa núna fjórtán daga til
að undirbúa beiðni til hæstaréttar,
en þetta er mjög mikilvægur áfanga­
sigur, má segja, í þessum lagaslag.“
Atriðið sem um ræðir snýr að
ákveðnum tryggingum sem Banda­
ríkjamenn reiddu fram eftir að þeir
töpuðu máli um framsalskröfu í
undirrétti í janúar 2021.
„Tryggingar um það að Julian
fengi læknisaðstoð, hann yrði ekki
settur undir einangrunarskilmála
sem kallast „special administra­
tive measures“, hann myndi ekki
fara í Supermax­fangelsi í Florence,
Colorado, og fleira í þeim dúr,“ segir
Kristinn.
Hann bætir því við að umræddar
tryggingar hafi verið skoðaðar
ítarlega af samtökum á borð við
Amnesty International, sem hafi
komist að því að þær haldi ekki
vatni. Tryggingarnar voru þó sam­
þykktar af áfrýjunardómstól í
desember 2021 sem úrskurðaði að
hægt væri að framselja Assange til
Bandaríkjanna ef svo bæri undir.
Að sögn Kristins er afar óvenju­
legt að dómstólar samþykki nýjar
forsendur á borð við tryggingarnar
í máli í áfrýjunarferli, en um þetta
atriði verður tekist á í hæstarétti.
„Það er ákaflega þröngur stakkur
skorinn, yfirleitt í áfrýjunarrétti,
gagnvart nýjum upplýsingum sem
hægt er að bera á borð. Það er bara
ekki hlutverk áfrýjunarréttar að þar
fari fram málflutningur um einhver
ný atriði. En þarna fengu Ameríkan­
arnir leyfi til þess að fleygja þessu
inn og ekki nóg með það, að miklu
leyti byggði áfrýjunarrétturinn
umsnúning sinn á niðurstöðu hér­
aðsdóms á þessum nýju atriðum.
Þess vegna er ákaflega mikilvægt
að fá þetta lagatæknilega atriði inn
í hæstaréttinn, hvort þetta sé gjörn­
ingur sem standist skoðun.“
Kristinn segir merg málsins vera
þann að á meðan það dregst á lang­
inn í breska dómskerfinu þá „situr
saklaus maður í mesta öryggis­
fangelsi Bretlands innilokaður“,
en Julian Assange hefur nú setið
í Belmarsh­öryggisfangelsinu í
útjaðri Lundúna í rúma 1.000 daga.
Unnusta Julians Assange, Stella
Morris, greindi frá því desember að
hann hefði fengið heilablæðingu í
fangelsisvistinni vegna mikils álags
af málaferlunum. Spurður um hvað
líkamlegri og andlegri heilsu Ass­
ange líði segir Kristinn:
„Það er náttúrlega ótrúleg seigla
í honum og hann tórir en þetta er
náttúrlega farið að taka býsna mik­
inn toll eins og menn geta ímyndað
sér. Hann er búinn að vera núna í
gæsluvarðhaldi í yfir 1.000 daga og
það er náttúrlega sem slíkt réttar­
farsbrot og auðvitað tekur það sinn
toll að menn séu hafðir innandyra
innilokaðir í þennan tíma … Þetta er
náttúrlega alveg svakaleg pynding
sem á sér stað þarna.“ n
Mikill áfangasigur fyrir Assange
Kristinn Hrafns-
son og Stella
Morris, unnusta
Julians Assange,
ásamt stuðn-
ingsmönnum
fyrir utan
hæstarétt Bret-
lands í gær.
FRÉTTABLAÐIÐ/
GETTY
bth@frettabladid.is
VIÐSKIPTI „Þetta mál er á frumstigi
en af minni hálfu gefur það augaleið
að ef forsendur eru fyrir því að þetta
fari lengra þá hljóta að vera mikil
samlegðaráhrif, sérstaklega hvað
varðar markaðsmál, innkaup og
stjórnun,“ segir Rúnar Sigurpálsson,
forstjóri PCC kísilverksmiðjunnar á
Bakka á Húsavík.
Arion banki og PCC SE, meiri­
hluta eig andi kís il vers ins PCC
BakkiSil icon hf. á Húsa vík, hafa
und ir ritað vilja yf ir lýs ingu um kaup
á kís il verk smiðj unni í Helgu vík. Líf­
eyrissjóðir eiga í verksmiðjunni.
Andstaða er meðal íbúa á Reykja­
nesi við að verksmiðjan verði end­
urræst, en mikil loftmengun fylgdi
starfseminni áður en henni var
lokað að kröfu Umhverfisstofnunar.
Rúnar segir ótímabært að tjá sig
frekar um málið á þessu stigi. n
Mikil samlegðaráhrif ef PCC festir
kaup á kísilverksmiðjunni í Helguvík
PCC á Bakka á Húsavík.
arib@frettabladid.is
BRETLAND Boris Johnson, forsætis­
ráðherra Bretlands, varar Rússa við
því að ráðast inn í Úkraínu. Slíkt
myndi einungis hafa í för með sér
blóðsúthellingar. Utanríkisráðu­
neyti Bretlands hefur sent hluta
starfsfólks síns frá Úkraínu.
Johnson sagði að verið væri að
útbúa pakka af hörðum viðskipta­
þvingunum ef Rússar láta til skarar
skríða. Rússar hafna því að ætla að
ráðast inn í landið. n
Varar Rússa við
að gera innrás
6 Fréttir 25. janúar 2022 ÞRIÐJUDAGURFRÉTTABLAÐIÐ