Fréttablaðið - 18.03.2022, Page 18

Það er heil
vika af
viðburð-
um fram
undan
fyrir bæði
börn og
fullorðna.
Adeline
D’Hondt
Sandra Guðrún
Guðmundsdóttir
sandragudrun
@frettabladid.is
Þessa dagana stendur yfir
Hátíð franskrar tungu. Á
hátíðinni eru í boði fjöl-
margir viðburðir fyrir
börn og fullorðna, eins og
sýning um Litla prinsinn,
spjall, kvikmyndasýning og
vinnustofur. Á sunnudaginn
verður svo sérstakur dagur
tileinkaður Senegal.
Alliance Française í Reykjavík
býður upp á Hátíð franskrar tungu
í samstarfi við sendiráð Frakk-
lands á Íslandi. Alþjóðlegur dagur
franskrar tungu er 20. mars og
Alliance Française um allan heim
heldur daginn hátíðlegan.
„Sums staðar er bara fagnað á
deginum sjálfum, sums staðar eru
hátíðarhöld í viku, en við ákváðum
að halda upp á franska tungu
allan marsmánuð,“ segir Adeline
D'Hondt, framkvæmdastjóri
Alliance Française á Íslandi.
„Við byrjuðum 7. mars með
opnun á sýningu um Litla prins-
inn. Þetta er sýning á verkum
úr bókinni, bæði á íslensku og
frönsku. Við ákváðum að taka vin-
áttuna fyrir en bókin fjallar mikið
um vináttu. Við tökum fyrir síður
úr bókinni þar sem fjallað er um
vináttu Litla prinsins, til dæmis
við blómið og við flugmanninn.
En þau sem þekkja söguna vita að
hún snýst mikið um samtöl litla
prinsins við persónur sem hann
hittir,“ útskýrir hún.
„Í lok sýningarinnar bjóðum
við gestum að skrifa á post-it-miða
hvað vináttan þýðir fyrir þá.“
Sýningin um Litla prinsinn
stendur yfir til 26. mars og er hald-
in í húsnæði Alliance Française á
Tryggvagötu 8. En þar fara flestir
viðburðir hátíðarinnar fram.
Dagur tileinkaður Senegal
„Á sunnudaginn verður Senegal-
dagurinn en þá verður heilmikið
um að vera. Við verðum með mat-
reiðslunámskeið fyrir börn þar
sem þau læra að elda fatayas-klein-
ur. Svo verður hægt að smakka
Yassa sem er sérstakur réttur frá
Senegal,“ segir Adeline.
„Það verður líka hægt að prófa
djembe-trommur og margt fleira.
Svo kemur sölumaður frá Senegal
sem er alltaf með bás í Kolaportinu
til okkar og verður með lítinn
bás hér í Alliance Française. Um
kvöldið verður svo ókeypis sýning
á franskri heimildarmynd í boði
sendiráðs Kanada.“
Myndin sem um ræðir er Je
m’appelle humain eftir Kim
O’Bomsawin, en hún hefur unnið
til verðlauna á kanadískum kvik-
Fjölbreytt frönsk skemmtun
Adeline
D’Hondt,
framkvæmda-
stóri Alliance
Française,
fagnar franskri
tungu um
helgina.
FRÉTTABLAÐIÐ/
ANTON BRINK
Frá Senegal-deginum í fyrra. MYND/AÐSEND
Kátir krakkar á franskri hátíð í fyrra.
MYND/ANTOINE MÉRA
myndahátíðum. Hún verður sýnd
með enskum texta.
„Það er ókeypis inn en það þarf
að skrá sig á af.is. Myndin byrjar
18.30 og það verður boðið upp á
léttar veitingar og léttvínsglas.“
Vika af viðburðum fram undan
Það verður líka nóg um að vera
í næstu viku en Adeline nefnir
meðal annars pub-quiz sem verður
haldið á Kex.
„Það verður haldið á fimmtu-
daginn. Það verða spurningar um
menningu frönskumælandi þjóða.
Svo erum við líka með eins konar
heimspekilegt „happy hour“. Rit-
höfundur Litla prinsins, Antoine de
Saint Exupéry, hefur skrifað fjölda
annarra bóka og 26. mars, verða
umræður yfir vínglasi um bókina
Terre des Hommes,“ segir hún.
„Þetta verður ekkert formlegt,
bara létt spjall um heimspekilegar
hugmyndir í bókinni. Við bjóðum
fólki að koma og fá sér drykk og
lesa kannski eina eða tvær síður úr
bókinni og ræða efnið. Það er heil
vika fram undan af viðburðum
fyrir bæði börn og fullorðna.“
Flestir viðburðirnir á Hátíð
franskrar tungu eru ókeypis en
Adeline segir að fyrir nokkra þurfi
að borga lágt verð.
„Það eru allir velkomnir að mæta
og það er ekki nauðsynlegt að skilja
frönsku á öllum viðburðum. Sumir
þeirra eru á íslensku og aðrir, eins
og bíómyndin, eru með enskum
texta. En það er hægt að lesa nánar
um alla viðburðina á vefsíðunni
okkar, af.is,“ upplýsir hún. ■
SJÁLFBÆR REKSTUR
Föstudaginn 25. mars gefur Fréttablaðið,
í samstarfi við Festu – miðstöð um samfélagsábyrgð,
út sérblaðið Sjálfbær rekstur.
Tryggðu þér gott auglýsingapláss
í langmest lesna dagblaði landsins.
Nánari upplýsingar um auglýsingar og umfjallanir fyrir blaðið veitir;
Arnar Magnússon, sölu- og markaðsfulltrúi Fréttablaðsins.
Sími: 550-5652 / arnarm@frettabladid.is
FERMINGARGJAFIR
Fimmtudaginn 15. mars gefur Fréttablaðið út
bráðsniðugt aukablað sem innheldur ótal
hugmyndir að fjölbreyttum fermingargjöfum.
Allir sem hafa fermst vita að dagurinn og ekki síst
gjarnar lifa í minningunni um aldur og ævi.
Tryggðu þér gott auglýsingapláss
í langmest lesna dagblaði landsins.
Upplýsingar hjá auglýsingadeild Fréttablaðsins í síma 512 5402
eða sendu okkur póst á netfangið serblod@frettabladid.is
6 kynningarblað A L LT 18. mars 2022 FÖSTUDAGUR