Morgunblaðið - 03.03.2022, Blaðsíða 2

2 MORGUNBLAÐIÐ FIMMTUDAGUR 3. MARS 2022
Útgefandi Árvakur Umsjón Sigurður Bogi Sævarsson Auglýsingar Bylgja Björk Sigþórsdóttir Prentun Landsprent ehf. Forsíðumyndina tók Árni Sæberg
Sigurður Bogi Sævarsson
sbs@mbl.is
V
eður og færð eru aldrei fyrir-
staða, heldur fyrst og síðast
skemmtileg áskorun á ferða-
lagi dagsins. Mér finnst frá-
bært að byrja daginn á því að hjóla
til vinnu; hreyfa mig og nota tímann
til þess að skipuleggja verkefnin
framundan,“ segir Steinn Jóhanns-
son í Hafnarfirði, rektor Mennta-
skólans við Hamrahlíð. Hann býr
með fjölskyldu sinni í Setbergs-
hverfi í Hafnarfirði, fer þaðan laust
fyrir klukkan sjö á morgnana og
hjólaferð í vinnuna inn í Reykjavík
tekur um 40 mínútur.
Fleiri velja vistvænt
Leiðin úr Hafnarfirði er greið; þar
sem Steinn hjólar um stíga samsíða
Reykjanesbraut, Fjarðarhrauni og
Hafnarfjarðarvegi, í gegnum Garða-
bæ og Kópavog inn í Reykjavík. Síð-
degis á heimleið fer Steinn oft um
Vífilstaðaveg og Kauptún í Garða-
bæ.
„Sveitarfélögin, þar með talinn
Hafnarfjarðarbær, standa sig vel í
að halda opnu nú í vetrarríkinu.
Stundum eru snjódriftir og íshrafl á
hjólastígunum enda ekki alltaf búið
að ryðja þá eldsnemma á morgnana.
Þegar ég fer svo aftur heim síðdegis
bregst hins vegar ekki að allt hafi
verið mokað. Svo þarf líka að vera,
því fólki sem hjólar eða tileinkar sér
aðrar vistvænar samgöngur fjölgar
stöðugt,“ segir Steinn ferðast um á
sterkbyggðu götuhjóli. Margir eru á
slíkum farartækjum og eins á létt-
stígum rafmagnshjólum.
Vill reiðhjólastíg í Njarðvík
Fyrr á árum var Steinn mikið í
frjálsum íþróttum; æfði og keppti í
hlaupum og þríþraut. Íþróttir og
hreyfing voru rauður þráður í tilver-
unni og eru enn.
„Mér finnst frábært að byrja dag-
inn á því að því að hjóla til vinnu,“
segir Steinn. „Rafmagnshjólin eiga
efalítið mikinn þátt í því að æ fleiri
ferðast nú um á reiðhjóli. Einnig sú
stefna Vegagerðar og sveitarfélaga
að skapa aðstöðu fyrir ólíka sam-
göngumáta. Hafnarfjörður er góður
staður til hjólreiða, stígar liggja víða
og aldrei klikkar að taka Álftaness-
hringinn eða að fara suður á Krýsu-
víkurveg og jafnvel niður á Suður-
strandaveg. Í náinni framtíð vænti
ég svo að lagður verði hjólreiða-
stígur samsíða Reykjanesbrautinni
suður í Njarðvík og Keflavík; enda
ekki langt að fara og landið renni-
slétt.“
Morgunblaðið/Sigurður Bogi
Hjólagarpurinn Steinn Jóhannsson kominn í gallann og á leiðinni heim.
Hjólatúr er frábær
byrjun á deginum
Úr Hafarfirði í Hamrahlíð og aftur heim. Steinn
Jóhannsson slær ekki af, enda íþróttagarpur frá
gamalli tíð. Reiðhjólið reynist vel og 40 mínútna
ferða í morgunsárið er algjör gæðastund.
Fólkið í Firðinum. Eðlilega hafa íbúar í Hafnarfirði meiningar um hvernig bær-
inn eigi að vera; skipulag hans sem aftur mótar mannlífið. Líflegur og aðlað-
andi miðbær skiptir máli og eins að hverfi með náttúrugæðum séu barnvæn.
S
tyrkja þarf miðbæinn í
Hafnarfirði svo þar verði
iðandi mannlíf með sterku
aðdráttarafli, þar sem eitt
eflir annað svo úr verði öflug
heild. „Fólk á ekki lengur með
sama hætti og var erindi niður í
Strandgötu og fyrirtækin sem þar
eru nú virðast sum hver bók-
staflega hanga á bláþræði og
vana. Úr þessu mættu bæjar-
yfirvöld bæta, setja á skipulag og
styðja við starfsemi sem skapar
mannlíf milli húsa,“ segir Ívar Atli
Sigurjónsson byggingariðnfræð-
ingur, nemi í byggingafræði – og
innfæddur Hafnfirðingur.
„Vel hefur tekist til með starf-
semina í Bæjarbíói, þar sem oft
eru haldnir góðir tónleikar. Slíkt
segir okkur að menningin og
mannlífið geti blómstrað í Hafn-
arfirði, séu rétt skilyrði sköpuð.“
Perlur í nágrenninu
Ívar Atli ólst upp við Álfaskeið
en býr núna á Hvaleyrarholti.
Hafnarfjörð æsku sinnar segir
hann hafa mjög frjálst og opið
umhverfi. Opin svæði eins og
Hamarinn, Hellisgerði og höfnin
voru leiksvæði strákanna.
„Mér finnst ég hafa átt vini úr
öllum hverfum. Á ferðum vítt og
breitt um bæinn þá og síðar komst
maður ekki hjá því að velta fyrir
sér umhverfi og húsum; byggð
sem hefur yfir sér um margt mjög
skemmtilegan svip,“ segir Ívar
sem er húsasmiður og starfaði
sem slíkur um langt árabil. Tók
þátt í því að reisa fjölda húsa í
bænum, svo sem fjölbýlishús á
Völlum, en vinnur í dag sem
mannvirkjahönnuður á Teiknistofu
arkitekta.
Einn af helstu plúsum Hafnar-
fjarðar, segir Ívar Atli, er nálægð-
in við náttúruna. Stutt er í
skemmtileg útivistarsvæði og
möguleikarnir sem þeim fylgja eru
margir.
„Við Hildur Björg Vilhjálms-
dóttir konan mín eigum tvær dæt-
ur sem eru sautján og fjögurra
ára. Ég fer oft í gönguferðir með
þeirri yngri að Hvaleyrarvatni,
einstökum stað í útjaðri bæjarins.
Reyndar eru slíkar perlur hér í
Hafnarfirði fleiri – og fólk ætti að
nýta sér þær betur,“ segir Ívar.
Miðbærinn sé aðdráttarafl
Húsin í bænum hafa
skemmtilegan svip. Ívar
Atli er uppalinn í Hafnar-
firði og átti í æsku vini í
öllum hverfum bæjarins.
Morgunblaðið/Sigurður Bogi
Menning og mannlíf geta blómstrað
í Hafnarfirði, séu rétt skilyrði sköp-
uð, segir Ívar Atli Sigurjónsson.
N
orðurbærinn er að end-
urnýjast, að nýju orðinn
barnahverfi. Oft má hér
fyrir utan heyra krakka að
leika sér sem gerir braginn hér
skemmtilegan,“ segir Anna Hlín
Gunnarsdóttir tannlæknir. Þau
Anna og Fróði Steingrímsson eig-
inmaður hennar búa með börnum
sínum við Heiðvang, í grónu og fal-
legu hverfi einbýlishúsa, og una sér
þar vel. Börnin eru fjögur; Finnur
er ellefu ára, Stella Margrét er sex
ára, Stormur Freyr er fjögurra ára
og Baldur er tveggja ára.
„Við fluttum hingað fyrir um
fjórum árum úr miðborginni í
Reykjavík. Ég þekki hverfið vel
þar sem ég ólst upp hérna. Mjög
rólegt hverfi og börnin hafa mikið
svigrúm til að leika sér á eigin
spýtur, svipað og maður gat sjálfur
gert þegar maður var lítill. Okkur
fannst börnin ekki hafa sömu
möguleika á því þegar maður bjó
miðsvæðis, meðal annars sökum
mikillar bílaumferðar. Hér eru
stórir og grónir garðar með mikið
af trjágróðri og miklu fuglalífi. Auk
þess er mikil ró, fuglasöngur, engin
bílamengun og enginn umferð-
arniður. Það er alls ekki auðvelt að
finna hverfi sem bjóða upp á alla
þessa kosti. Mér finnst stundum á
kvöldin eins og við séum hér í sum-
arbústað úti í sveit. Við Fróði
vinnum bæði miðsvæðis í Reykja-
vík, en getum samt sem áður verið
komin í vinnuna á um 10 mínútum
á góðum dögum, þrátt fyrir að vera
í töluverðri fjarlægð,“ segir Anna
Hlín.
Lokuð leið og lengra að fara
Nýlega lokaði Garðabær umferð
um gamla Álftanesveginn úr Norð-
urbænum í Hafnarfirði. Sé þaðan
komið í dag þarf þá að beygja til
vinstri og aka dágóðan spotta út á
nesið til þess að geta snúið við.
„Þó lokun hafi verið ákvörðun
Garðabæjar, finnst okkur að Hafn-
arfjarðarbær hefði getað tekið á
málinu af meiri festu og reynt að
finna lausnir á málinu. Leiðin inn í
hverfið lengdist fyrir vikið og leiðin
sem boðið er upp á í staðinn er illa
útfærð,“ segir Anna Hlín.
Morgunblaðið/Sigurður Bogi
Anna Hlín og þrjú barnanna: Stella
Margrét, Stormur Freyr og Baldur
er á handlegg móður sinnar.
Skemmtilegur bragur í barnahverfi
Anna Hlín og fjölskylda
búa á hennar æskuslóð-
um í Norðurbænum.
Rólegt hverfi þar sem
er gott að vera íbúi.
Alls 88% íbúa eru ánægð með Hafn-
arfjörð sem stað til að búa á og bær-
inn er yfir meðaltali sveitarfélaga í
þessu efni, skv. nýrri könnun Gallup.
Alls 83% íbúa eru ánægð með að-
stöðu til íþróttaiðkunar og 75% með
gæði umhverfis. Hafnarfjörður er á
pari við önnur sveitarfélög í fjórum
þáttum og yfir meðaltali í t.d. menn-
ingarmálum, þjónustu við eldri
borgara og skipulagsmálum. Hafn-
arfjörður er hins vegar undir með-
altali varðandi leikskóla, sorphirðu
og þjónustu við fatlað fólk.
Ánægja með þjónustu við eldri
borgara og hversu vel starfsfólk
leysir úr erindum bæjarbúa eykst
milli ára. Sífellt fleiri virðast nýta
sér nýjar og snjallar lausnir á hafn-
arfjordur.is til sjálfsafgreiðslu og
öflunar upplýsinga á vef og á öðrum
miðlum bæjarins. Er þetta í takti við
opinberar vefmælingar, segir í frétt
frá Hafnarfjarðarbæ.
Ánægja í Firð-
inum segir Gallup