Morgunblaðið - 03.03.2022, Blaðsíða 4

Sýningin um Sviðaslysið hefur vakið athygli og Egill Þórðarson, sem er
lengst til vinstri á þessari mynd, hefur tekið á móti mörgum gestum, sem
margir hafa bætt við ýmsum fróðleik enda þekkja þeir málavöxtu.
U
m þessar mundir er uppi í
safnaðarheimili Hafnarfjarð-
arkirkju sýning um togarann
Sviða GK sem fórst með allri
áhöfn út af Öndverðarnesi á Snæ-
fellsnesi fyrir 80 árum. Sýningin var
opnuð 2. desember síðastliðinn en
þann dag 1941 fórst togarinn. Finna
má á sýningunni ýmsan fróðleik um
skipið og skipverjana, sem margir
voru fjölskyldumenn og bjuggu í
Hafnarfirði. Alls 46 börn urðu föð-
urlaus eftir slysið.
Sagan merk og sárin djúp
„Sagan á bak við þennan skip-
skaða er merk og sárin djúp,“ segir
Egill Þórðarson lofskeytamaður.
Hann hefur safnað margvíslegum
upplýsingum um þetta sjóslys, hugs-
anlegar orsakir þess og um skipið
sjálft, Sviða GK, sem var í eigu sam-
nefndrar útgerðar í Hafnarfirði. Sr.
Þorvaldur Karl Helgason safnaði
saman upplýsingum um sjómennina
sem fórust með Sviða, fann af þeim
myndir og útbjó æviágrip og ættar-
tré. Fróðleikinn sem þeir félagar
tóku saman er að finna á stórum
spjöldum, sem eru uppi í safnaðar-
heimilinu.
Undanfarið hefur Egill Þórðarson
veitt fólki leiðsögn um sýninguna og
er á staðnum á hverjum þriðjudegi
og fimmtudegi milli kl. 13 og 15.
Lærdómsríkt að skoða
„Aðsóknin er góð og áhugi fólks er
mikill. Mörg þau sem mætt hafa
tengjast á einhvern hátt sjómönn-
unum sem fórust og hafa kynnt sér
málið. Fyrir sjálfan mig, sem hef
tengst sjómennsku og skipum alla
tíð, hefur verið mjög lærdómsríkt að
setja mig inn í þetta mál,“ segir Egill
sem væntir að sýningin fái að standa
uppi fram yfir sjómannadag, sem er
snemma í júní.
Minningarguðsþjónusta um
áhöfnina á Sviða verður í Hafn-
arfjarðarkirkju sunnudaginn 6.
mars kl. 11. Þar munu erindi flytja
sr. Þorvaldur Karl Helgason og
Lúðvík Geirsson hafnarstjóri, en afi
hans, Gunnar I. Hjörleifsson, var
einn þeirra manna sem með skipinu
fórust. Einnig mun Egill segja frá
síðustu siglingu Sviða og byggir þá
tölu sína á margvíslegum heim-
ildum, sem hann hefur fundið og
dregið rökstuddar skýringar af.
sbs@mbl.is
Sýning um Sviða
Sagan í safnaðarheimili. Togarinn Sviði GK fórst
1941 með 25 mönnum. Minningarguðsþjónusta nk.
sunnudag. Sár aðstandenda eru ennþá djúp.
Morgunblaðið/Sigurður Bogi
4 MORGUNBLAÐIÐ FIMMTUDAGUR 3. MARS 2022
Sigurður Bogi Sævarsson
sbs@mbl.is
O
rð eru til alls fyrst, en stóra
spurningin er sú hver skuli
borga reikninginn. Svona
stór mál kalla alltaf á ít-
arlega skoðun og þarfnast mikils
undirbúnings,“ segir Viðar Hall-
dórsson formaður FH. Á fundi bæj-
arráðs Hafnarfjarðar á dögunum
lagði fulltrúi Viðreisnar fram þá til-
lögu að Hafnfirðingar byðu Kapla-
krikavöll til afnota sem tímabund-
inn þjóðarleikvang Íslands í
knattspyrnu, þegar komi að end-
urbyggingu Laugardalsvallar.
Tækifæri sem þarf að ræða
Völlurinn í Kaplakrika hafi áður
nýst fyrir mikilvæga leiki yngri
landsliða og myndi í nýju hlutverki
þjóna tímabundið öllum landsliðum
Íslands í knattspyrnu. Til þess að
svo megi verða þyrftu að fara fram
framkvæmdir á vellinum til þess að
hann standist þær kröfur sem gerð-
ar eru til knattspyrnuleikja á hæsta
stigi.
Þegar nýr þjóðarleikvangur sé
tilbúinn gæti Kaplakrikavöllur nýst
vel til þess að spila landsleiki yngri
landsliða Íslands, Evrópuleiki og al-
þjóðlega mikilvæga leiki.
„Hér er um stórt tækifæri að
ræða sem þyrfti að vinnast í góðu
samstarfi við ríkið og á í raun
heima innan áætlanagerðar nýs
þjóðarleikvangs,“ sagði í tillögunni
sem Árni Stefán Guðjónsson lagði
fram í bæjarráð.
Bókað var í fundargerð að Hafn-
firðingar séu tilbúnir í samtal við
stjórnvöld um málið. Var bæjar-
stjóra falið að koma þeim skila-
boðum þar um til fjármálaráðherra
og ráðherra íþróttamála – þá í sam-
ráði við við forsvarsmenn FH.
Viðar Halldórsson segir að
nokkrum sinnum hafi landslið karla
í knattspyrnu 21 árs og yngri leikið
í Kaplakrika. Minnist í því sam-
bandi leiks Íslands og Dana fyrir
um áratug þar sem okkar menn
báru sigur úr býtum. Áhorfendur á
þeim leik voru nær 3.000.
„Í dag taka stúkurnar hér í
Kaplakrika um 3.000 manns, en til
að spila A-landsleiki karla þarf að-
stöðu fyrir 6.000-8.000 manns. Að
koma slíku upp væri heilmikið
fyrirtæki. Svo er spurning, ef af
þessu yrði, hvernig aðstaðan henti
FH þegar landsleikirnir færast aft-
ur á nýjan þjóðarleikvang. Senni-
lega yrði þar óþægilega fátt á
stundum. Til þessa þáttar og auð-
vitað margs annars, þarf að horfa,
en tek ég fram að hugmyndin hefur
ekkert verið rædd við okkur í FH,“
segir Viðar Halldórsson.
Hjá FH liggja fyrir skissur að
stækkun fótboltavallar og áhorf-
endaaðstöðu í Kaplakirka. Ekkert
hefur verið ákveðið um hvort þær
verði teknar lengra og byggt sam-
kvæmt þeim. Slíkt er seinni tíma
mál og stórt verkefni. Viðar segir
þó mikilvægt að hér sé allt skoðað í
samhengi, það er bygging þjóð-
arleikvangs fyrir knattspyrnu,
íþróttahöll fyrir handbolta- og
körflubolta og í þriðja lagi leikvang
fyrir frjálsar íþróttir. Rætt hafi
verið um að öll þessi mannvirki
verði reist í Laugardalnum í
Reykjavík sem kallar á erfiðar og
vandasamar útfærslur í skipulags-
málum.
Lausnin ekki í Laugardal
„Í mínum huga verður lausnin
ekki í Laugardal. Aðrar staðsetn-
ingar henta betur. Knattspyrnu-
samband Íslands og ríkið þurfa að
hafa forystu um málið og fá í lið
með sér öflug einkafyrirtæki. Að-
koma einstakra sveitarfélaga að
svona málum er úrelt,“ segir Viðar.
Framtíðarmynd af leikvangi FH í Kaplakrika með íbúðablokkir í grennd.
Engar ákvarðanir hafa verið teknar um uppbyggingu, en stórt er hugsað.
Þjóðarleikvangur tímabundið?
Kaplakriki standist
kröfur um landsleiki.
Leysi af Laugardalsvöll.
Bærinn vill ræða málið.
Kallar á ítarlega skoðun,
segir formaður FH.
Morgunblaðið/Sigurður Bogi
Ekki lausnin að reisa nýjan þjóðarleikvang í Laugardalnum. Aðrar
staðsetningar henta betur, segir Viðar Halldórsson, formaður FH.
Brynjar Gauti Guðjónsson úr Stjörnunni og Björn Daníel Sverrisson, FH, berjast um boltann úti á keppnisvellinum.
Morgunblaðið/Eggert
www.hedinshurdir.is
HÉÐINS HURÐIR
Iðnaðar- og bílskúrshurðir í miklu úrvali