Fréttablaðið - 30.04.2022, Side 5

1. MAÍ 2022
Vinnandi fólk skapar verðmæti samfélagsins og heldur hjólum atvinnulífsins gangandi. Aldrei hefur það sést
betur en í COVID-19 heimsfaraldrinum þar sem launafólk stóð vaktina og hélt öllu samfélaginu gangandi.
Enda fór það svo að mörg fyrirtæki gátu vel við unað í því ófremdarástandi sem faraldurinn hafði í för með
sér. Fordæmalausar arðgreiðslur runnu óskiptar í vasa eigenda og kauphallir blómstruðu. Þetta góðæri
fjármagnseigenda var borið uppi af vinnandi fólki.

Reyndin er samt sú að enn búa hópar launafólks við kröpp kjör og ófullnægjandi laun þrátt fyrir að vinna
fullan vinnudag. Þessir hópar eiga erfiðast uppdráttar á stökkbreyttum fasteignamarkaði. Fólkið í þessum
hópum fær minnstan stuðning stjórnvalda. En þau eru líka við. Og við stöndum saman og við vinnum.

Með samstöðu getum við náð fram brýnum kjarabótum fyrir þau okkar sem helst þurfa á þeim að halda.
Við höfum unnið marga sigra í gegnum tíðina og munum vinna marga fleiri. Í haust losna kjarasamningar á
almennum markaði og þá stöndum við saman til að vinna okkar málefnum brautargengi.

Við erum fólkið sem skapar verðmætin með vinnu okkar. Við erum fólkið sem heldur samfélaginu gangandi,
sama hvað á bjátar. Við erum launafólk í einu ríkasta landi heims. Við erum sterk hreyfing sem vinnur sigra.
ASÍ óskar launafólki til hamingju með baráttudaginn 1. maí.
Fögnum unnum sigrum og sækjum fram.
Við vinnum!
Við vinnum