Fréttablaðið - 15.06.2022, Side 12

n Halldór
n Frá degi til dags
ÚTGÁFUFÉLAG: Torg ehf. STJÓRNARFORMAÐUR: Helgi Magnússon FORSTJÓRI OG ÚTGEFANDI: Jón Þórisson RITSTJÓRI: Sigmundur Ernir Rúnarsson ser@frettabladid.is, FRÉTTASTJÓRAR: Aðalheiður Ámundadóttir adalheidur@
frettabladid.is , Garðar Örn Úlfarsson gar@frettabladid.is . Fréttablaðið kemur út í 80.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að fá blaðið í völdum verslun um á landsbyggðinni.
Fréttablaðið áskilur sér rétt til að birta allt efni blaðsins í stafrænu formi og í gagnabönkum án endurgjalds. ISSN 1670-3871 FRÉTTABLAÐIÐ Kalkofnsvegur 2, 101 Reykjavík Sími: 550 5000, ritstjorn@frettabladid.is
VEFSTJÓRI: Einar Þór Sigurðsson einarthor@frettabladid.is, MARKAÐURINN: Guðmundur Gunnarsson ggunnars@frettabladid.is, HELGARBLAÐ: Björk Eiðsdóttir bjork@frettabladid.is MENNING: Kolbrún Bergþórsdóttir
kolbrunb@frettabladid.is ÍÞRÓTTIR: Hörður Snævar Jónsson hoddi@frettabladid.is LJÓSMYNDIR: Anton Brink anton@frettabladid.is FRAMLEIÐSLUSTJÓRI: Sæmundur Freyr Árnason sfa@frettabladid.is
Þótt ríkis-
stjórnin
beri sig
vel út á
við, liggur
óyndið í
loftinu.
Ríkisstjórn
Katrínar
Jakobs-
dóttur
hefur hins
vegar tekið
ákvörðun
sem gengur
þvert gegn
hugsjón-
um Vinstri
grænna og
gegn ráð-
leggingum
fagfólks.
Aðalheiður
Ámundadóttir
adalheidur
@frettabladid.is
Hvers virði er það að sitja í öndvegi við ríkisstjórn-
arborðið ef völdin sem því fylgja eru ekki nýtt? Það
þarf að gera málamiðlun í stjórnarsamstarfi en
þegar fórnirnar eru hjartans málin og þjónkunin
er algjör má spyrja sig hvort þessir þrír f lokkar sem
nú skipa ríkisstjórn séu svo ólíkir þegar á reynir. Sú
ákvörðun ríkisstjórnarflokkanna að færa Héraðs-
vötn og Kjalölduveitu úr verndarflokki í biðflokk
eru stórtíðindi og alls ekki eins léttvæg aðgerð og
forsætisráðherra hefur viljað vera láta. Sú sátt sem
rammaáætlun var ætlað að skapa byggir á þeirri
grundvallarforsendu að náttúruverðmætum sé
raðað í f lokka út frá faglegum forsendum. Ríkis-
stjórn Katrínar Jakobsdóttur hefur hins vegar
tekið ákvörðun sem gengur þvert gegn hugsjónum
Vinstri grænna og gegn ráðleggingum fagfólks. Það
má spyrja sig hvort um pólitísk hrossakaup sé að
ræða en þá þarf að svara því hvað Vinstri græn fá
fyrir kaupin?
Í fjármálaáætlun ríkisstjórnarinnar, sem sam-
þykkt var á Alþingi í gær, sést að forgangsröðunin
er hvorki vinstri né græn. Áætlunin mætir ekki
því neyðarástandi sem ríkir í heilbrigðiskerfinu,
fjármagnar ekki boðaða húsnæðisuppbyggingu,
skapar ekki svigrúm fyrir breytingu á kjörum
viðkvæmustu hópa samfélagsins né tryggir vel-
ferðarþjónustuna. Nú hefur líka komið á daginn að
félagsmálaráðherra Vinstri grænna nýtir ekki einu
sinni það svigrúm sem veitt var í fjárlögum ársins
2022 til hækkunar atvinnuleysisbóta, heldur er
hækkunin lægri en samþykkt var.
Hvers virði er það að sitja við borðsendann
þegar grundvallarmál, sem áður voru í stefnu
f lokksins, eins og réttindi fólks á f lótta, eru seld
fyrir ráðherrastóla? Þegar ráðherrar í ríkisstjórn
gera ekkert til að hafna breytingum á lögum sem
skerða grundvallarrétt f lóttafólks verulega og lofa
liðsinni sínu við afgreiðslu máls út úr þingi? Er það
og annað það sem hér hefur verið nefnt mála-
miðlun eða er þetta stefna f lokksins sem leiðir
ríkisstjórnina? n
Máli skiptir hver stjórnar
Helga Vala
Helgadóttir
þingflokksfor-
maður Samfylk-
ingarinnar
N Ý F O R M
h ú s g a g n a v e r s l u n
h ú s g a g n av e r s l u n
Strandgötu 24 | 220 Hafnarfjörður | Sími 565 4100 | nyform.is
AYJA - K129
3ja sæta, 2ja sæta og stóll.
Margir litir af áklæði eða leðri.
Komið og skoðið úrvalið
kristinnhaukur@frettabladid.is
Gefur og tekur
Fáar þjóðir eru jafn mikið komn-
ar upp á náð og miskunn náttúr-
unnar og Íslendingar. Eftir hrun
og faraldur var það náttúran sem
bjargaði. Torfur af makríl og glás
náttúruperla sem ferðamenn
vildu sjá. En móðir náttúra vill
jafnvægi og stýringartól hennar
heitir lúsmý. Veðrið leikur nú
við landann á suðvesturhorninu
en þá er lúsmýið fyrr á ferðinni.
Hryllingsmyndir eru byrjaðar að
birtast af sundurbitnu sumar-
bústaðafólki. Rósrauðu, stokk-
bólgnu og emjandi af kláða. Já,
móðir náttúra kann listina að
gefa og taka til jafns.
Kettirnir þagna
Talandi um náttúruna. Vinstri
græn sköpuðu sér litlar vinsældir
náttúruverndarsinna með því að
samþykkja rammaáætlun Sjálf-
stæðisflokksins í vikunni. Lítið
hefur heyrst frá þeim fyrir utan
varaþingmann sem sagðist ekki
tilbúinn að taka undir að Vinstri
græn væru hætt að vera „einhver
náttúruverndarflokkur“. Hann
ætlaði nú samt að samþykkja
áætlunina. Það er af sem áður var
þegar í Vinstri grænum fundust
kettir sem gátu hvæst, bæði villi-
kettir og húshollir heimiliskettir.
Nú hvæsir ekki einu sinni fyrr-
verandi formaður Landverndar
og umhverfisráðherra. Kettirnir
eru þagnaðir, enda með væna
rjómaslettu í skálinni sinni. n
Fyrsta þingvetri þessa kjörtímabils
er að ljúka og þingheimur á leiðinni
í sumarfrí. Þrátt fyrir að alls kyns
krísur herji á landið og heiminn,
hefur deyfð einkennt störf þingsins.
Fá áhugaverð mál hafa verið afgreidd og engir
stórir áfangar náðst. Þetta vita bæði stjórn og
stjórnarandstaða.
Stjórnarandstaðan gefur þá fyrirsjáanlegu
skýringu að mál stjórnarinnar hafi komið of
seint til þingsins til að tryggja þeim vandaða
meðferð í þinginu. Þingmenn í stjórnarand-
stöðu hafa einnig minnt á að skorað hafði
verið á forsætisráðherra að halda þingkosn-
ingar síðasta vor frekar en að draga þær inn á
haustið. Það fór svo að ekki var kosið fyrr en
25. september og í kjölfarið tók við tveggja
mánaða óvissa um kosningaúrslitin. Ný ríkis-
stjórn var ekki mynduð fyrr en 28. nóvember
og þetta fyrsta löggjafarþing því nokkrum
vikum styttra en venjulega.
Ríkisstjórnin hefur aðrar skýringar á þessu
tíðindaleysi í þinginu og segir stjórnarand-
stöðuna hafa komið í veg fyrir framgang mála
með töfum og málþófi, og gengur jafnvel svo
langt að kenna henni um að tefja mál sem
hafa alls ekki verið lögð fram í þinginu og eru
enn í vinnslu í ráðuneytum.
Hvað sem þessum skýringum þingheims á
deyfðinni líður, fer ekki fram hjá landsmönn-
um hve mikið stjórnarflokkunum virðist
leiðast í samstarfinu. Þótt ríkisstjórnin beri
sig vel út á við, liggur óyndið í loftinu.
Á síðasta kjörtímabili fékk ríkisstjórnin
verkefnin í fangið. Afgreiða þurfti hvern
björgunarpakkann á fætur öðrum, ýmist
vegna veðurofsa, jarðskjálfta eða heims-
faraldurs. Taka þurfti erfiðar ákvarðanir um
frelsissviptingar borgara og endurheimt þess
frelsis á víxl. Í nógu var að snúast.
En svo var faraldurinn dæmdur úr leik.
Flestar ríkisstjórnir hefðu fagnað því að vera
komnar fyrir vind og geta farið að láta til sín
taka. Af þeim þingvetri sem er að líða verður
ekki séð að sitjandi ríkisstjórn hafi sýnt
mikið frumkvæði. Hún hefur vissulega fengið
nokkur verkefni til viðbótar í fangið eftir að
faraldrinum lauk. Auk stríðs í Úkraínu hafa
heimatilbúin vandamál, eins og bankasala og
fjöldabrottvísanir, haldið henni upptekinni
að einhverju marki. En að þessum vanda-
málum upptöldum er enn nokkur ráðgáta
hvað ríkisstjórnin er að sýsla svona frá degi
til dags.
Þing kemur aftur saman í október og að
óbreyttu fær ríkisstjórn Katrínar Jakobsdótt-
ur þá sinn fyrsta heila þingvetur frá heims-
faraldri til að sýna hvað í henni býr. n
Dauft þing
SKOÐUN FRÉTTABLAÐIÐ 15. júní 2022 MIÐVIKUDAGUR