Fylkir - 01.12.2021, Síða 25

25FYLKIR - jólin 2021
°
°
ætt, til Vestmannaeyja. Ári síðar
kom kona hans, Ásdís Jónsdóttir,
til Eyja. Frá þeim eru margir af-
komendur og má rekja á ýmsa
vegu. Hér verður fylgt línu Soffíu
Andersdóttur í Hlíðarhúsi: And-
ers Asmundsen (f. 1808), hákarla-
skipstjóri > Soffía Andersdóttir (f.
1847), húsfreyja í Hlíðarhúsi > Jes
A. Gíslason á Hól (f. 1872), prestur
og kennari > Friðrik Jesson (f.
1906), íþróttakennari og safnstjóri
> Ása Friðriksdóttir húsfreyja (f.
1930) > Friðrik Magnús Gíslason (f.
1949) > Bjarki Friðriksson (f. 1976)
> Friðrik Hrafn (f. 2015).
Hér má rekja 8 ættliði.
[1841] - Fólkið frá Geithálsi.
Geitháls-ætt má rekja í Vest-
mannaeyjum til Helga Jónssonar
sem var bóndi í Stóra-Gerði. Hann
var fæddur 1807 en fluttist til Vest-
mannaeyja 1841. Frá honum er
mikil ætt í Eyjum: Helgi Jónsson
í Stóra-Gerði (f. 1807), fluttist til
Vestmannaeyja 1841 > Guðríður
Helgadóttir, húsfreyja í Þorlaugar-
gerði (f. 1854) > Hjörtur Einarsson
á Geithálsi (f. 1887), vélstjóri og
formaður > Alfreð Hjartarson frá
Geithálsi (f. 1918), útgerðarmaður
> Bernódus Alfreðsson sjómaður
(f. 1957) > Guðný Bernódusdótt-
ir, starfsmaður Sjúkrahússins (f.
1993) > Klara Freysdóttir (f. 2014).
Þetta eru 7 ættliðir.
Skylt er að taka fram að nokkrir
Vestmanneyingar, sem nú lifa og
búa í Eyjum, geta rakið ætt sína
langt aftur, en afkomendur þeirra
eru burtfluttir og ættliðir því ekki
mjög margir. Það á t.d. við um um
Helenu Weihe frá Framnesi; henn-
ar forfeður komu til Eyja 1835 og
hún er 6. ættliður sem býr í Vest-
mannaeyjum.
Niðurstaða
– Samkvæmisleikur
Bráðabirgðaniðurstaða er því
sú að afkomendur Leifs í Gerði,
langafabörnin Salka og Emil,
verði að teljast „mestir Vest-
manneyingar“(!), 10. ættliður bú-
settra í Eyjum. Þeim titli verður þó
að úthluta með fyrirvara því að
hann hvílir ekki á traustum grunni,
þ.e. frekari ættfræðirannsókn á
heimildum þyrfti til að krýna þann
hinn sanna þeirri kórónu.
Í ættrakningum hér að framan eru
vísast mörg göt og margt missagt,
og í raun bíræfið að setja þær á
prent. Eflaust geta lesendur rakið
aðra liði frá elstu mönnum í Eyjum
eða hagað ættrakningu öðru vísi.
Eins mætti hugsa sér að breyta
leikreglum þannig að telja þá
ættliði Vestmanneyinga saman,
bæði í móður- og föðurætt, sem
að hverjum og einum standa, þ.e.
ekki eingöngu miða við það sem
nær lengst aftur. Það er nokkuð
áberandi í Æviskrám Eyjafólks að
ættir tvinnast saman.
Þá eru glöggir lesendur beðnir
velvirðingar á þeirri karlrembu
sem víða gægist fram, þ.e. að
frekar er rakið frá karli en konu.
Stundum verður svo að vera, en
stundum hefði mátt snúa því við.
En gaman væri að Vestmann-
eyingar sjálfir könnuðu ættir sínar
að þessu leyti, hver fyrir sig. Þar er
við ýmislegt að styðjast, ekki síst
margnefndar Æviskrár Eyjafólk
sem eru öllum aðgengilegar á
netinu, heimaslod.is.
Væri þetta ekki tilvalinn sam-
kvæmisleikur? Alls ekki mannjöfn-
uður, heldur leikur!
Friðrik M. Gíslason. Ætt hans
hefur verið búsett í Eyjum síðan
1833, 8 ættliðir
Kæru ættingjar og vinir
Bestu jóla- og nýárskveðjur
með ósk um gott og gæfuríkt nýtt ár
Kolbrún Karlsdóttir
Birgir Jóhannsson
Salka og Emil Björnsbörn: 10. ættliður í Eyjum.