Fréttablaðið - 02.08.2022, Blaðsíða 4

JEEP.IS • ISBAND.IS
KEMUR ÞÚ
AF FJÖLLUM?
PLUG-IN HYBRID
EIGUM BÍLA TIL AFHENDINGAR STRAX!
Íslensku fjöllin hafa mætt jafningja sínum.
Gerðu ferðalagið algjörlega rafmagnað með
Jeep® Wrangler Rubicon Plug-In Hybrid.
ÞVERHOLT 6 • 270 MOSFELLSBÆR • S. 590 2300
OPIÐ VIRKA DAGA 10-17 • LOKAÐ LAUGARDAGA
gar@frettabladid.is
SAMGÖNGUR Áform Sigurðar Inga
Jóhannssonar innviðaráðherra um
að greiða fyrir gerð nýrra vegganga
með gjaldheimtu í þeim göngum
sem fyrir eru mæta mikilli gagn­
rýni í byggðarlögum sem þegar
njóta slíkra mannvirkja.
„Byggðarráð leggst eindregið
gegn þeim kostnaðarauka fyrir
íbúa og atvinnulíf í Borgarbyggð
sem fælist í endurnýjun gjaldtöku
um Hvalfjarðargöng og mismunun
sem hún hefði í för með sér,“ segir
til dæmis í fundargerð byggðarráðs
Borgarbyggðar.
Hugmynd ráðherrans gerir ráð
fyrir lagafrumvarpi um heimild
til að stofna opinbert hlutafélag
um uppbyggingu og rekstur sam­
gönguinnviða. Kveðst byggðarráð
Borgarbyggðar fagna áherslu á
þjóðhagslegt mikilvægi góðra sam­
gangna.
„Hins vegar hefur byggðarráð
þungar áhyggjur af framkomn­
um hugmyndum um upptöku
veggjalda í jarðgöngum landsins.
Þau eru annað hvort einu sam­
gönguæðarnar milli þéttbýlis­
kjarna eða hafa nú þegar verið
greidd upp að fullu með gjöldum
af vegfarendum. Sérstaklega eru
Hvalfjarðargöng mikilvæg sam­
gönguæð fyrir íbúa og gesti Borgar­
byggðar. Framkvæmd þeirra hefur
nú þegar verið greidd upp,“ undir­
strikar ráðið. n
Vilja ekki borga í Hvalfjarðargöngin til að kosta önnur göng
Sigurður Ingi Jóhannsson við Hval-
fjarðargöng er gjaldtöku var hætt
árið 2018. FRÉTTABLAÐIÐ/SIGTRYGGUR ARI
Hefur byggðarráð
þungar áhyggjur af
framkomnum hug-
myndum um upptöku
veggjalda í jarðgöngum.
Byggðarráð Borgarfjarðar
gar@frettabladid.is
Í Þ R Ó T T I R „Ung l inga la nd smót
UMFÍ á Selfossi var algjört ævin­
týri,“ segir Ómar Bragi Stefánsson,
framkvæmdastjóri móta UMFÍ, um
mótið sem var á Selfossi um helgina.
„Þátttakendur skemmtu sér kon­
unglega á daginn í íþróttakeppni og
hittu vini og vinkonur á geggjuðum
tónleikum öll kvöldin. Það var frá­
bært að sjá fjölskyldur njóta þess
að vera saman á þennan heilbrigða
hátt alla helgina,“ segir Ómar.
Um 250 kepptu í kökuskreyt­
ingum og um tvo hundruð í strand­
blaki og pílukasti. „Þetta kom okkur
á óvart. Teljum fólk orðið sækja
frekar í óvenjulegar greinar en fót­
bolta og körfubolta.“ n
Algjört ævintýri
Kökuskreytingakeppni. MYND/AÐSEND
gar@frettabladid.is
VESTMANNAEYJAR „Við erum mjög
sátt við þessa Þjóðhátíð á alla lund,“
segir Þór Vilhjálmsson, formaður
ÍBV íþróttafélags, sen stendur að
Þjóðhátíðinni í Eyjum.
„Veðið lék við okkur og við feng­
um frábæra gesti. Toppurinn var
Brekkusöngurinn þar sem fólkið
tók vel undir,“ segir Þór sem játar
að frábær aðsókn hjálpi upp á fjár­
hag ÍBV. Félagið sé sært eftir tvær
aflýstar hátíðir. „Þetta er að minnsta
kosti plástur á sárin.“ n
Eyjamenn ánægðir
Íbúar í Grindavík bíða nú
þess sem verða vill eftir að ný
hrina jarðskjálfta á Reykja­
nesskaga hristir bæinn þeirra
svo munir falla um koll.
Bæjarstjórinn segir Grindvík­
inga reiða sig á upplýsingar
vísindamanna.
gar@frettabladid.is
erlamaria@frettabladid.is
NÁTTÚRUVÁ „Mér persónulega líður
mjög illa með þetta. Mér finnst þessi
óvissa svakalega vond,“ segir María
Benónýsdóttir, starfsmaður í sjopp­
unni Aðalbraut í Grindavík, um
nýju jarðskjálftahrinuna á Reykja­
nesskaga sem hvað mest bitnar á
bænum hennar.
„Það fór allt á hvolf, lagerinn,
ölkælirinn og allt úr hillunum,“ segir
María sem reyndar var ekki í Grinda­
vík einmitt þegar stóri skjálftinn upp
á 5,4 stig reið yfir síðdegis á sunnu­
dag. En hún sá vegsummerkin og
heyrði lýsingar þeirra sem upplifðu
skjálftann.
„Þetta var náttúrlega svakalegur
jarðskjálfti,“ segir María sem er fædd
og uppalin í Grindavík og kveðst
aðspurð alls ekki ætla að flytja í burt
þótt henni líði ekki vel í bænum.
„En ég er líka í þeirri aðstöðu að
ég get farið. Ég á lítinn sumarbústað
upp í Kjós og ég get farið og sofið og
hvílt mig. Fyrir eldgosið þá keyrði ég
bara upp í Kjós og til Grindavíkur
þaðan í vinnuna,“ rifjar María upp.
Við Elínu Ingólfsdóttur blasti væg­
ast sagt ófögur sjón er hún opnaði
útidyrahurðina heima hjá sér eftir
vel heppnað ferðalag um verslunar­
mannahelgina.
„Það voru allar skúffur opnar og
rosalega mikið brotið. Myndir, kerta­
stjakar, speglar, styttur, glös, lampar
… það var allt út um allt,“ segir Elín.
Hún hafi þó verið búin að búa sig
undir það að þetta væri staðan.
Elín segist slegin yfir því að sjá að
gamla gossvæðið hjá Geldingadal sé
opið fyrir gesti og gangandi, en þau
hjónin hafi keyrt þar fram hjá á leið
sinni inn í bæinn.
„Það kom okkur hjónunum rosa­
lega á óvart að svæðið sé opið. Það
var þó nokkur fjöldi þegar við keyrð­
um fram hjá. Ef það færi að gjósa,
þá veit maður ekkert hvaðan það
kemur. Það voru engar björgunar­
sveitir eða viðbragðsaðilar sýnilegir
á svæðinu. Og mögulega veit þetta
fólk ekki neitt um hvað er að gerast,“
segir Elín
Fannar Jónasson, bæjarstjóri í
Grindavík, segir íbúana þar nú bíða
átekta og fylgjast með þróuninni.
„Heilt á litið var nú ekki mikið
tjón á verð mætum hlutum eða fast­
eignum, þetta voru aðal lega smærri
hús munir, styttur, myndir og eitt­
hvað slíkt sem féll um koll og brotn­
aði. Að eins hefur borið á ein staka
sprungum á húsum,“ segir Fannar.
Í kjöl far skjálftans sprakk vatns­
æð í lögn frá Svarts engi sem varð
þess valdandi að kalt vatn fór af öllu
bæjar fé laginu. „Þetta er eitt af því
sem er mjög ó þægi legt þegar vatn
fer af byggðinni,“ segir Fannar en
vatnið komst á aftur undir morgun
í gær eftir viðgerð.
Fannar segir að enn sem komið
er standi ekki til að loka gamla gos­
svæðinu. „Það er sólar hrings vakt á
svæðinu í kringum okkur. Við treyst­
um bara á vísinda menn að vakta
þetta vel og ræki lega, og grípa svo
til að gerða á grund velli við bragðs á­
ætlana eftir því sem þörf er talin á,“
segir bæjarstjórinn. n
Grindvíkingum finnst óvissan vond
Elín Ingólfsdóttir og Hörður Birgir Hafsteinsson höfðu í ýmis horn að líta við heimkomu úr ferðalagi í gær.
FRÉTTABLAÐIÐ/EYÞÓR
Ég á lítinn sumar-
bústað upp í Kjós og ég
get farið og sofið og
hvílt mig.
María Benónýs-
dóttir í Grindavík
4 Fréttir 2. ágúst 2022 ÞRIÐJUDAGURFRÉTTABLAÐIÐ