Skessuhorn - 23.02.2022, Blaðsíða 10

MIÐVIKUDAGUR 23. FEBRÚAR 202210
Í bréfi skólastjórnenda í Brekku­
bæjarskóla á Akranesi til foreldra
sem sent var út í síðustu viku, eru
þeir upplýstir um stöðu mála varð­
andi húsnæði skólans eftir bruna
sem þar varð í janúar. Kemur fram
að hreinsun og viðgerðir á fyrstu
hæð skólans gangi vel. Búið er að
mála og rykbinda loftin og plöturn­
ar í kerfisloftinu verða settar í á
næstu dögum. Þá er einnig verið að
gera við þakið yfir salnum en dúk­
urinn þar var farinn að leka. Þegar
farið var að hrófla við dúknum varð
mikill leki á svæðinu fyrir framan
salinn og uppi á sviðinu. Ekki hefur
verið hægt að fara með nemendur
inn í salinn vegna þessa. Um leið og
salurinn og svæðið þar fyrir fram­
an er komið í nothæft horf og nem­
endur geta gengið þar um verður
mötuneytið opnað að nýju. Jafn­
framt mun brauðsalan sem tíundi
bekkur rekur og setustofa unglinga
opna á sama tíma.
Þá segir einnig að framkvæmd­
um fari að ljúka á annarri og þriðju
hæð skólans. Þar var skipt um all­
ar plötur í kerfisloftum og ný lýsing
sett í stofur og á ganga. Allt svæð­
ið var málað og nýjar gardínur sett­
ar upp. Öll salerni og ræstiherbergi
voru tekin í gegn, skipt um klæðn­
ingar á veggjum og ný hreinlætis­
tæki sett alls staðar.
Bæjarráð samþykkti á fundi sín­
um 10. febrúar síðastliðinn að
haldið verði áfram vinnu vegna
mögulegra breytinga á fyrstu hæð
skólans. vaks
Hringur SH 153 kom í land á föstu­
daginn til að sækja annan björg­
unarbát. Þá hafði það óhapp orðið
úti á sjó, þegar skipið var á veiðum,
að einn björgunarbáturinn hafði
losnað frá skipinu og blásið út án
þess að skipverjar urðu þess varir.
Stefán Viðar Ólason yfirstýrimað­
ur og afleysingaskipstjóri var með
skipið og varð hann fyrst var við að
eitthvað væri að þegar hann fékk
símtal frá stjórnstöð Landhelgis­
gæslunnar. Þá hafði neyðarsendir
í björgunarbátnum farið í gang og
allt viðbragð verið virkjað.
„Þeir hringdu nú bara og byrjuðu
á að spyrja hvort að ég væri ekki ör­
ugglega ofansjávar,“ sagði Stefán
hlæjandi í stuttu símtali við Skessu­
horn. „Fyrst heldum við að þetta
væri neyðarsendir ofan á brúnni
sem væri bilaður en þegar við vor­
um búnir að ganga úr skugga um að
hann væri í lagi þá tókum við eftir
að annar björgunarbáturinn sem er
á síðu skipsins var ekki á sínum stað.
Við þurftum að snúa við og sækja
hann þegar þetta uppgötvaðist,“
segir Stefán. Veiðarfærin voru tekin
um borð og strax haldið í land þar
sem annar björgunarbátur var tek­
inn um borð og gengið úr skugga
um að allt virkaði sem skyldi. „Við
vitum ekki alveg hvernig þetta at­
vikaðist, en blíðskaparveður var
þennan dag og allt í sóma,“ bætir
Stefán við þegar fréttaritari náði tali
af honum á mánudagsmorgun. Þá
var hann á landleið áður en óveðr­
ið brysti á. „Við erum langt komnir
með að fylla þannig að það styttist
í að við höldum til heimahafnar,“
sagði Stefán.
tfk
Kosið var um sameiningu Snæ­
fellsbæjar og Eyja­ og Miklaholts­
hrepps á laugardaginn og varð
niðurstaðan sú að sameiningin var
naumlega samþykkt í Snæfellsbæ
en kolfelld í Eyja­ og Miklaholts­
hreppi. Það verður því ekki af sam­
einingu þessara tveggja sveitarfé­
laga.
Í Eyja­ og Miklaholtshreppi
voru 83 á kjörskrá en alls greiddu
62 atkvæði og var kjörsókn því
74,6%. „Já“ sögðu 20, „Nei“ sagði
41 og einn kjörseðill var ógildur.
Í Snæfellsbæ voru 1.174 á kjör­
skrá en alls greiddu 412 atkvæði og
var kjörsókn því 35%. „Já“ sögðu
207, „Nei“ sögðu 201 og auðir
seðlar voru fjórir.
Samþykkt fyrir norðan
Sama dag fóru fram tvennar aðr­
ar sameiningarkosningar, báðar á
Norðurlandi. Íbúar í Blönduósbæ
og Húnavatnshreppi samþykktu
sameiningu. Þá urðu þau sögulegu
tíðindi að Skagafjörður verður
brátt eitt sveitarfélag þar sem íbú­
ar í sveitarfélaginu Skagafirði og
íbúar Akrahrepps samþykktu sam­
einingu. Við sveitarstjórnarkosn­
ingar 14. maí næstkomandi verður
því kosið í tveimur færri sveitarfé­
lögum á landinu.
Varð fyrir vonbrigðum
með niðurstöðuna
„Ég verð að segja að ég varð fyr­
ir vonbrigðum með þessa niður­
stöðu,“ segir Eggert Kjartansson
oddviti í Eyja­ og Miklaholtshreppi
spurður um niðurstöður kosning­
anna. „Þetta kom mér á óvart því
viðræðurnar við Snæfellsbæ höfðu
gengið mjög vel og vorum við með
áform sem hefðu þýtt mikið fram­
faraskref fyrir samfélagið okkar,
sérstaklega með tilliti til skólamála.
Þess vegna varð ég fyrir vonbrigð­
um með svona afgerandi niður­
stöðu,“ segir hann. Eggert segir að
út frá þessum niðurstöðum megi
ætla að íbúar í Eyja­ og Miklaholts­
hreppi vilji ekki taka sameiningu á
Snæfellsnesi í litlum skrefum held­
ur fara alla leið í heildarsameiningu
á Snæfellsnesi strax. „Þeir sem hafa
tjáð sig gegn sameiningu í þessu
ferli voru fyrst og fremst á þeirri
skoðun að sameina öll sveitarfélög­
in á Snæfellsnesi og ég lít því svo á
að fólk vilji ekki taka þessa samein­
ingu í litlum skrefum,“ segir Egg­
ert. „Það er þá annarra sveitarfé­
lag á Snæfellsnesi að segja til um
hvort og hvenær verði farið í slíka
sameininu. Ég sá mikil tækifæri í
þessari sameiningu en vilji íbúa var
að taka ekki þetta skref og þeir ráða
þessu. Nú förum við bara í sveitar­
stjórnakosningar í vor og svo held­
ur áfram hefðbundinn rekstur
sveitarfélagsins í samræmi við vilja
sveitarstjórnar,“ segir Eggert.
Snæfellsbær er
líka dreifbýli
„Þessi afgerandi niðurstaða í Eyja­
og Miklaholtshreppi kom mér á
óvart. Við vorum búin að halda
nokkra íbúafundi og mér fannst
fólk ekki tjá sig á þessum nótum,“
segir Kristinn Jónasson bæjarstjóri
í Snæfellsbæ í samtali við Skessu­
horn. Hann segir að með samein­
ingu þessara sveitarfélaga hafi m.a.
markmiðið verið að efla dreifbýl­
ið enn frekar til dæmis með því að
byggja upp einn öflugan skóla fyrir
dreifbýlið á öllu sunnanverðu Snæ­
fellsnesi. „Það gleymist oft að Snæ­
fellsbær er ekki bara þéttbýli held­
ur erum við með stórt svæði í dreif­
býli líka og við vorum að vona að
við gætum eflt það enn frekar, sem
myndi svo styðja einnig við þétt­
býlið. Það er alltaf að fækka nem­
endum í Lýsuhólsskóla en við sáum
fyrir okkur að geta gert einn öfl­
ugan skóla í dreifbýlinu og þannig
laðað til okkar fólk með börn og
styrkt um leið samfélagið í heild.
Með öflugum fjarskiptum hafa
opnast tækifæri fyrir fólk að búa í
dreifbýli ef það kýs svo og störf­
um án staðsetninga hefur einnig
fjölgað og því fylgja tækifæri og við
vorum með ákveðna sýn hvað það
varðar. En íbúarnir hafa talað sínu
máli. Það eru vissulega alltaf von­
brigði að ná ekki markmiðum sín­
um,“ segir Kristinn.
arg
Sameining Snæfellsbæjar og
Eyja- og Miklaholtshrepps felld
Stefán Viðar er yfirstýrimaður á Hring
og afleysingaskipstjóri.
Gæslan í viðbragðsstöðu á meðan
Hringur togaði í rólegheitum
Sigurður Friðfinnsson skipstjóri var í fríi í þessum túr en er hér með Sigurði Þor-
kelssyni rafvirkja að fara yfir sleppibúnaðinn þegar skipið kom í land.
Framkvæmdir ganga
vel í Brekkubæjarskóla