Skessuhorn - 23.02.2022, Blaðsíða 18

MIÐVIKUDAGUR 23. FEBRÚAR 202218
Fyrirtækjum og einstaklingum í
rekstri er þessa dagana boðið að
taka þátt í fyrirtækjakönnun lands­
hlutanna. Síðast var hún í boði
haustið 2019. Með könnuninni hafa
landshlutasamtök, Byggðastofn­
un og aðrir sem vinna að byggða­
þróun reynt að gera sér grein fyr­
ir stöðu atvinnulífsins vítt og breitt
um landið. Til skoðunar hafa ver­
ið styrkleikar og veikleikar þess sem
og ógnanir og tækifæri. „Upplýs­
ingar úr könnununum hafa ásamt
íbúakönnunum verið ein mikil­
vægasta stoð þessara aðila til að
móta áherslur í starfi sem snýr að
stefnumótun landshlutanna til
framtíðar, áherslur í styrkveiting­
um, ýmissi ráðgjöf, upplýsingagjöf
til stjórnvalda og jafnvel uppspretta
akademískra rannsókna á sviði at­
vinnumála hérlendis,“ segir í til­
kynningu frá Vífli Karlssyni hag­
fræðingi hjá SSV.
Hingað til hefur þátttaka verið
góð á landsvísu, eða á bilinu 1600­
2000 svör, en nú bregður svo við
að þátttakan er frekar dræm sem
er bagalegt fyrir verkefnið. „Að­
standendur könnunarinnar vilja því
hvetja alla sem eru í rekstri á öllu
landinu, fyrirtæki og einstaklinga,
einyrkja og opinbera aðila að taka
þátt í að birta raunhæfa mynd af
stöðu atvinnulífsins til almennings
og stjórnvalda.“
Nálgast má hlekk á könnuna á
heimasíðu ssv.is mm
Á næstu dögum mun Kvenfélag­
ið 19. júní í Borgarfirði hefja sölu
á happdrættismiðum í fjáröflunar­
skyni og verður hægt að kaupa
miða til styrktar starfinu á facebook
síðu félagsins. Að sögn Rósu Mar­
inósdóttur formanns varð kvenfé­
lagið af sínum stærstu tekjulind­
um síðustu ár vegna Covid­19, eins
og svo mörg önnur fyrirtæki og fé­
lög. ,,Okkar árlega jólabingó féll
niður í tvígang, árin 2020 og 2021.
Sömuleiðis féll Hvanneyrarhátíðin
niður en þar höfum við ávallt verið
með vinsæla kaffisölu. Því brugðum
við á það ráð núna að prófa að halda
happdrætti,“ segir Rósa. „Happ­
drættismiðinn kemur til með að
kosta 2000 krónur en hægt verð­
ur að kaupa tvo, þrjá eða tíu miða
saman á sérstöku afsláttarverði,“
segir Rósa.
Kvenfélagið 19. júní er góð­
gerðar­ og líknarfélag og mun all­
ur ágóði af happdrættinu renna
til Ungmennafélagsins Íslendings
sem stendur nú í kostnaðarsömum
endurbótum á laugarhúsi og um­
hverfi Hreppslaugar. Að sögn Rósu
verður happdrættið afar glæsilegt
en dregið verður um 113 vinninga
föstudaginn 18. mars næstkomandi.
Gefnir verða út 1200 miðar, þannig
að vinningslíkur eru tæplega 10%
og því er til mikils að vinna. ,,Það
er ekki nokkur leið að halda svona
veglegt og glæsilegt happdrætti án
öflugra styrktaraðila og höfum við í
Kvenfélaginu 19. júní verið afskap­
lega heppnar með að fá frábæran
stuðning ár eftir ár frá fjölmörgum
fyrirtækjum hér í héraðinu og utan
þess. Mig langar að nota tækifærið
og þakka þeim innilega fyrir það,“
segir Rósa að lokum ás
Í október á síðasta ári aug­
lýstu Rótarýklúbbur Akraness
og Tónlistarskólinn á Akranesi
tónleika sem halda átti til minn­
ingar um Hallbjörgu Bjarna­
dóttur (1917–1997) söngkonu
og frumkvöðul í djasstónlist á
Íslandi. Hún ólst upp á Akra­
nesi og átti þar heima fram á
unglingsár. Tónleikarnir áttu
að vera hluti af dagskrá Vöku­
daga. Þegar þeir dýrðardagar
voru nýgengnir í garð gekk
kóvid bylgja mikil yfir bæinn
og útilokaði allt samkomuhald.
Ekki var samt hætt við tónleik­
ana heldur var þeim frestað
um ótiltekinn tíma. Nú virðist
þeim sem standa að undirbún­
ingi tónleikanna loksins óhætt
að halda þá og verða í Tón­
bergi, sal Tónlistarskóla Akra­
ness, sunnudagskvöldið 6. mars
klukkan 20. Fram kemur hóp­
ur listamanna: Andrea Gylfa­
dóttir, Brynja Valdimarsdótt­
ir, Jónína Björg Magnúsdótt­
ir, Davíð Þór Jónsson, Eðvarð
Lárusson, Óskar Þormarsson,
Valdimar Olgeirsson og nemend­
ur Tónlistarskóla Akraness. Kynn­
ir verður útvarpsmaðurinn vinsæli,
Ólafur Páll Gunnarsson. Miðasala
verður við innganginn en einnig í
forsölu í Pennanum Eymundsson á
Akranesi.
Björt mey og hrein
Hallbjörg var frumkvöðull í djass­
tónlist á Íslandi. Rödd hennar vakti
athygli víða um lönd og hún starf­
aði í Bandaríkjunum í Danmörku
og fleiri Evrópulöndum – kom
meðal annars fram á tónleikum í
Royal Albert Hall í London 1947.
Hér á landi muna líklega flestir eft­
ir flutningi hennar á eigin lögum
við „Vorvísu“ Jóns Thoroddsen og
ljóðið „Björt mey og hrein“ eftir
Stefán Ólafsson frá Vallanesi.
Hallbjörg fæddist árið 1917.
Foreldrar hennar fluttu með hana
barnunga á Akranes. Þröngt var
í búi hjá þeim og skömmu síðar
komu þeir henni í fóstur hjá hjón­
unum Kristínu Jónsdóttur og Jóni
Ólafssyni sem bjuggu að Brunna­
stöðum. Það hús stendur enn við
Laugarbraut og er númer 19,
sem sagt fjórða húsið í norðaust­
ur frá tannlæknastofunni. Þar átti
hún heima fram yfir fermingu en
snemma á unglingsárum fór hún
fyrst til Reykjavíkur og svo til Dan­
merkur í leit að tækifærum til að
syngja og læra söng. Þótt veran í
Danmörku byrjaði á tómu brauð­
striti, mest við eldamennsku og
þrif, reis frægðarsól Hallbjargar
hratt þar í landi og vel fyrir
tvítugt var hún tekin að koma
fram á tónleikum í Kaup­
mannahöfn.
..og það heyrðist í
mér!
Stefán Jökulsson skráði
ævisögu Hallbjargar eftir frá­
sögn hennar sjálfrar. Bókin
kom út 1989 og heitir Hall­
björg eftir sínu hjartans lagi.
Þar segir frá bernsku henn­
ar á Akranesi (á bls. 41): „Ég
var hávær að öllu leyti ef ég á
annað borð opnaði munninn.
Og hann var oft opinn því ég
var alltaf syngjandi. En mér
nægði ekki að syngja og tralla
eins og börn gera sjálfum sér
til yndisauka. Ég vildi syngja
fyrir fólk, syngja fyrir áheyr­
endur. Ég opnaði alla glugga
heima á Brunnastöðum upp
á gátt og söng hástöfum svo
fólk heyrði í mér. Og það
heyrðist í mér! Þegar vindátt
var mér í hag barst söngurinn
langar leiðir.“
Í sömu bók segir frá því að bæði
fyrir og eftir seinni heimsstyrjöld
bjó Hallbjörg í útlöndum en hún
var hér á Íslandi á stríðsárunum og
söng bæði fyrir landa sína og fjölda
hermanna sem hingað komu frá
Bretlandi og Bandaríkjunum: „Ég
söng alltaf fyrir fullu húsi en margir
voru á móti djasstónlist… Til blað­
anna bárust lesendabréf… Ég man
til dæmis eftir bréfi frá „söng­
elskri húsmóður“ sem fáraðist yfir
þessari samviskulausu söngkonu
sem vildi hefja „frumskógamúsík“
til virðingar. Svo bætti þessi svo­
kallaða söngkona gráu ofan á svart
með því að „dilla sér“ meðan hún
kyrjaði þennan ósóma.“
mm/ah
Kvenfélagið 19. júní fer af stað með happdrætti
Glæsilegir vinningar verða í Góuhappdrættinu.
Vegna Covid-19 hefur ekkert orðið af árlegu jólabingói kvenfélagsins, stærstu
fjáröflun þess. Ljósm. 19. júní.
Hvatt til þátttöku
í fyrirtækjakönnun
landshlutanna
Forsíða bókar Stefáns Jökulssonar sem segir ævisögu
Hallbjargar.
Tónleikar til minningar um
Hallbjörgu Bjarnadóttur