Feykir - 31.03.2021, Blaðsíða 2

Það er óhætt að segja að vonbrigði ársins hafi átt sér stað í
síðustu viku þegar ríkisstjórn Íslands tilkynnti hertar
aðgerðir í sóttvarnamálum þjóðarinnar. Ég sá einhvers
staðar að andvarp landsmanna hafi greinst á jarðskjálfta-
mælum, svo djúpt var það. Ég var reyndar bara feginn þá
þarf ég ekki að hitta fólk.
Ég er nú kannski ekki alveg að segja
satt þarna en ég ákvað snemma að
láta þennan veirufjanda ekki hafa
áhrif á mig meira en geð mitt ræður
við. Það hefur tekist ágætlega.
Vegna lokunar háskóla, framhalds-
skóla og heimavinnu starfsfólks
ýmissa fyrirtækja, hef ég haft dætur
mínar meira í kringum mig en ella.
Það er mikill kostur fyrir mig, e.t.v.
ekki fyrir þær.
Ég sagði við háaldraða móður mína snemma í Covid ferlinu
í fyrra að núna myndi ég ekki heimsækja hana næstu tvær
vikurnar og hélt ég að hún yrði döpur við þær fregnir. En hún
svaraði að bragði: „Það breytir engu, þú hefur hvort sem er
ekki heimsótt mig í hálfan mánuð.“
Á síðasta ári frestaði Leikfélag Sauðárkróks æfingum og
sýningum vegna Covid-19 og þá skapaðist meiri tími fyrir mig
að sinna hrossum. Fékk ég pláss fyrir fimm hross hjá vini
mínum en ég hafði ekki tekið á hús í mörg ár. Það var
skemmtilegur tími og Covid plagaði mig ekki. Það stefnir í
sama farið á ný. (Núna væri gaman að leyfa sér að setja
broskall).
Æfingar hjá Molduxum í körfubolta féllu niður sem og
Jólamótið og Vormótin bæði árin. Mótin hafa verið í sérstöku
uppáhaldi hjá mér og æfingarnar líka, þ.e.a.s. þegar ég hef
nennt að mæta, en ég lenti í óhappi í fyrra haust, á
körfuboltaæfingu, og sleit eitthvað nauðsynlegt dót í öxlinni.
Eftir það gat ég hvort eð er hvorki æft né keppt svo Covidið
angraði mig ekki.
Mér fannst hins vegar alveg ómögulegt að komast ekki á
körfuboltaleiki hjá Tindastól þegar bann var sett á alla
íþróttaiðkun. Núna er ég hins vegar banninu feginn enda
hvorki gengið né rekið hjá liðinu. Vona ég að allt verði núllað
út og ekki keppt á ný fyrr en í haust. Það tímabil verður líka
okkar og bikarinn kemur í Fjörðinn! (Þá get ég líka farið að
skjóta á körfuna.)
Þá má ég til með að nefna að áætlaðar voru minnst þrjár
utanlandsferðir í fyrrasumar hjá okkur hjónum. Ein ferð með
kvennakór á meginland Evrópu, aðra í göngu í Skotlandi og
sú þriðja helgarferð, sem reyndar komst aldrei svo langt að
verða skipulögð. Það þarf kannski ekki að minnast á það að
þessar ferðir voru aldrei farnar. Í staðinn var ferðast innan-
lands, ýmist akandi, ríðandi eða gangandi. Ég var hæstánægð-
ur enda leiðast mér utanferðir.
Nú er sagan að endurtaka sig og ég brosi í laumi.
Góðar stundir.
Páll Friðriksson, ritstjóri
LEIÐARI
Tækifærin í kófinu
Útgefandi: Nýprent ehf., Borgarflöt 1, Sauðárkróki
Póstfang Feykis: Borgarflöt 1, 550 Sauðárkrókur
Ritstjóri & ábyrgðarmaður:
Páll Friðriksson, palli@feykir.is & 861 9842
Blaðamenn:
Óli Arnar Brynjarsson, oli@feykir.is
Sigríður Garðarsdóttir, siggag@nyprent.is | Klara Björk Stefánsdóttir, klara@nyprent.is
Prófarkalestur: Fríða Eyjólfsdóttir
Auglýsingastjóri: Sigríður Garðarsdóttir, siggag@nyprent.is
Áskriftarverð: 615 kr. hvert tölublað með vsk. Lausasöluverð: 755 kr. m.vsk.
Áskrift og dreifing: Nýprent ehf. Sími 455 7171.
Umbrot og prentun: Nýprent ehf.
Óháð fréttablað á Norðurlandi vestra - alltaf á miðvikudögum
AFLATÖLUR | Dagana 14. til 20. mars 2021 á Norðurlandi vestra
Silver Fjord landaði rúmum 465 tonnum af rækju
SKIP/BÁTUR VEIÐARFÆRI KG SKIP/BÁTUR VEIÐARFÆRI KG
SKAGASTRÖND
Dagrún HU 121 Þorskfisknet 1.900
Sæfari HU 212 Landbeitt lína 650
Onni HU 36 Dragnót 13.705
Ólafur Magnússon HU 54 Þorskfisknet 8.369
Alls á Skagaströnd 24.624

SAUÐÁRKRÓKUR
Drangey SK 2 Botnvarpa 96.792
Málmey SK 1 Botnvarpa 143.249
Silver Fjord PA 999 Rækjuvarpa 465.248
Alls á Sauðárkróki 705.289
Það var ekki mikið að gerast í aflanum í elleftu viku þessa árs þó svo veðrið hafi leikið við
okkur því aðeins voru þrjár landanir á Króknum og sex á Skagaströnd. Silver Fjord landaði
rúmum 465 tonnum af rækju en einnig lönduðu bæði Málmey og Drangey á Króknum.
Á Skagastönd var það Onni HU 36 sem var aflahæstur með tæp 14 tonn af þeim 24.624 kg
sem var landað þar. Enginn landaði á Hofsósi né Hvammstanga. Heildarafli á Norðurlandi
vestra var 729.913 kg. Þá er gaman að segja frá því að þann 20. mars byrjaði grásleppuver-
tíðin og verður hún með sama sniði og undanfarin ár. Eitthvað var í umræðunni að gera hana
kvótatengda en ekkert varð af því þetta árið, kannski næst. Það lítur samt ekki út fyrir að hægt
verði að leggja netin strax því veðurspáin virðist ekki vera grásleppuköllunum í hag en vonandi
hefur það lagast þegar þetta blað er komið út. /SG
Í októbermánuði 2020
samþykktu sveitarstjórnir
Blönduósbæjar, Húnavatns-
hrepps, Skagabyggðar og
Sveitarfélagsins Skagastrandar
að skipa samstarfnefnd um
sameiningu sveitarfélaganna.
Samstarfsnefnd hefur skilað
áliti sínu til sveitarstjórna og
leggur til að atkvæðagreiðsla
fari fram laugardaginn 5. júní
nk. í öllum sveitarfélögunum.
Nefndin leggur til að farið
verði að undirbúa atkvæða-
greiðslu og kynna tillöguna og
helstu forsendur fyrir íbúum
sveitarfélaganna. Einnig er lagt
til við sveitarstjórnirnar að þær
lýsi því yfir að þær muni ekki
nýta heimild í 2. mgr. l20. gr.
sveitarstjórnarlaga, komi til þess
að sameiningartillaga verði
samþykkt af íbúum í hluta sveit-
arfélaganna, nema að undan-
gengnu samráði við íbúa.
Í því felst að hafni íbúar
einhvers sveitarfélaganna tillögu
um sameiningu í kosningum,
muni aðrar sveitarstjórnir ekki
taka ákvörðun um sameiningu
þeirra sveitarfélaga án þess að
hafnar verði nýjar sameiningar-
viðræður og kosið að nýju.
Sveitarstjórn Sveitarfélagsins
Skagastrandar fundaði um
málið fyrir helgi og kemur fram
í fundargerð að hún leggi
áherslu á að fylgt verði þeim
áherslum sem fram hafa komið
á fundum samstarfsnefndar
með þingmönnum og ráðherr-
um varðandi brýn verkefni í
atvinnu- og byggðamálum í
Austur-Húnavatnssýslu, svo
sem stuðningi við stofnun Um-
hverfisakademíu, uppbyggingu
ferðamannastaða, og fjölgun
starfa við innheimtuþjónustu
sýslumanns á Blönduósi og
Vinnumálastofnunar á Skaga-
strönd.
Þá er að mati sveitarstjórnar
mikilvægt að átak verði gert í
viðhaldi héraðs- og tengivega
með það fyrir augum að tryggja
greiðar samgöngur innan nýs
sveitarfélags. /PF
Sameiningar í Austur-Húnavatnssýslu
Kosið 5. júní
ÓK gámaþjónusta, sem séð hefur
um sorphirðu í Skagafirði síðan
1988, tók á dögunum nýjan bíl í
notkun sem leysir af hólmi 16 ára
gamlan bíl sem þjónað hefur hlut-
verki sínu með sóma frá árinu 2006.
Að sögn Ómars Kjartanssonar,
eigenda fyrirtækisins, er nýi bíllinn
Volvo, átta hjóla trukkur með 21m3
NMT sorppressukassa og nákvæmri
innbyggðri vigt, en sá gamli, sem
einnig er af Volvo gerð, er sex hjóla og
kassinn 17m3. Ómar segir gamla
bílinn hafa staðið sig vel, aldrei bilað
en alls er hann kominn í 23 þúsund vinnustundir sem jafngildir 1200 þúsund km akstri. /PF
ÓK gámaþjónusta
Nýr ruslabíll tekinn í notkun
Ómar Kjartansson, eigandi ÓK gámaþjónustu og Jón Guðni Karelsson , bílstjóri, við
nýja bílinn. MYND: PF
Svæðið sem stendur til að sameina í eitt sveitarfélag. MYND AF HÚNVETNINGUR.IS
2 13/2021