Feykir - 31.03.2021, Blaðsíða 5

ÍÞRÓTTAFRÉTTIR F
Knattspyrnudeild Tindastóls hefur samið við
Dominique Bond-Flasza, jamaíska landsliðs-
konu, um að spila með kvennaliði Tindastóls í
Pepsi Max-deildinni í sumar. Dom hefur spilað 17
landsleiki fyrir Jamaíka (Jamaica Reggea Girlz)
og þá hefur hún spilað í efstu deild í bæði Hol-
landi og Póllandi. Óskar Smári Haraldsson,
annar þjálfara Tindastóls, segir miklar vonir
bundnar við Dom. „Hún fékk góð meðmæli
fyrrum þjálfara ásamt því að hafa spilað á ferl-
inum með tveimur landsliðskonum Íslands sem
gáfu henni góð orð,“ tjáði Óskar Smári Feyki.
Hún er 165 sm á hæð og verður 25 ára gömul á
árinu. Hún spilaði í fjögur ár í bandarísku há-
skóladeildinni með Washington Huskers sem er í
Seattle. Að skóla loknum skipti hún í Seattle
Sounders þar sem hún var í ár, síðan lék hún tvö
tímabil með PSV í Hollandi og í fyrra skipti hún í
lið Medyk Konin í Póllandi. Pabbi hennar var
pólskur en mamman frá Jamaica en Dom bjó
framan af í Kanada og síðar í Kaliforníu.
„Dom, eins og hún er kölluð, er reynslumikill
og fjölhæfur leikmaður. Hún er mikill sigurvegari,
alveg sama hvort það er í leikjum eða æfingum og
er það alltaf mikill kostur. Hún getur spilað nokkr-
ar stöður en við þjálfararnir erum að horfa á hana
miðsvæðis. Dom kemur sem EU (evrópskur) leik-
maður þar sem hún er með hvorki meira né minna
en fjögur vegabréf!“ segir Óskar Smári og bætir
við að lokum: „Velkomin í Tindastól Dom!“
Dom er væntanleg á Krókinn helgina eftir
páska. /ÓAB
Knattspyrnudeild Tindastóls
Dom bætist í hóp Stólastúlkna
Dom skrifar undir samning við lið Tindastóls. MYND AF FB
Annað mótið í Meistaradeild
KS fór fram í Svaðastaða-
höllinni á Sauðárkróki
föstudagskvöldið 19. mars.
Keppt var í gæðingafimi en
sú grein er afar krefjandi
keppnisgrein og var í fyrsta
skipti keppt á þriðja stigi í
gæðingafimi LH. Mette
Mannseth og Skálm-
öld frá Þúfum eru á feikna
flugi en þær stóðu uppi sem
sigurvegarar annað mótið
í röð.
Á Facebooksíðu Meistara-
deildarinnar segir að þrjú lið
hafi teflt fram leynigestum að
þessu sinni. Lið Hofstorfunnar
- 66°norður tefldi fram Ragn-
hildi Haraldsdóttur á Úlfi
frá Mosfellsbæ, lið Leiknis
Fredricu Fagerlund og Stormi
frá Yztafelli og lið Equinics
Ólöfu Rún Guðmundsdóttur
og Snót frá Laugardælum.
Upphitunarknapar kvöldsins
voru Eva Dögg Pálsdóttir á
Rökkva frá Rauðalæk og
Guðný Margrét Sigurodds-
dóttir á Reyk frá Brennistöð-
um.
Fimm efstu keppendur voru:
1. Mette Mannseth og
Skálmöld frá Þúfum 8,63
2. Gísli Gíslason og Trymbill
frá Stóra-Ási 8,27
3. Ragnhildur Haraldsdóttir og
Úlfur frá Mosfellsbæ 8,20
4. Fredrica Fagerlund og
Stomur frá Yztafelli 8,13
5. Þórarinn Eymundsson og
Vegur frá Kagaðarhóli 7,80
Þúfur leiða liðakeppnina
Þúfur sigruðu í liðakeppninni
þetta keppniskvöld líkt og
árið áður, þar sem Mette og
Skálmöld sigruðu með eink-
unnina 8,63 og Gísli Gíslason
og Trymbill frá Stóra-Ási hlutu
annað sætið, en þau höfðu
sætaskipti frá því árið áður.
Einnig gerði Barbara Wenzl
góða hluti með Mættu frá Bæ
og hlutu þær ellefta sætið.
Staðan í liðakeppni:
1. Þúfur 104 stig
2. Hrímnir 97 stig
3. Íbishóll 85,5 stig
4. Uppsteypa 81 stig
5. Hofstorfan 78,5 stig
6. Storm Rider 61,5 stig
7. Leiknisliðið 57 stig
8. Equinics 54,5 stig
Næst verður keppt í slak-
taumatölti þann 9. apríl en
fimmgangur er áætlaður 21.
apríl og loks tölt og skeið þann
7. maí. /PF
Meistaradeild KS í hestaíþróttum
Mette Mannseth og Skálm-
öld sigruðu í gæðingafimi
Mette og Skálmöld eru í fantaformi og hafa nú unnið fyrstu tvær keppnir
Meistaradeildar KS, fjórgang og gæðingafimi. MEISTARADEILD KS.
Tryggvi Guðmundsson, sem
nýlega var ráðinn þjálfari
sameinaðs knattspyrnuliðs
Kormáks/Hvatar í 4. deildinni,
hefur verið leystur undan
samningi eftir því sem fram
kemur á Fótbolti.net. Tryggvi
var ekki skráður á skýrslu þegar
Kormákur/Hvöt tapaði 7-4
gegn Úlfunum á dögunum.
„Samkvæmt heimildum Fót-
bolta.net mætti Tryggvi undir
áhrifum áfengis á æfingu liðsins
á dögunum sem og í leikinn
gegn Úlfunum í dag [20. mars
sl.],“ segir á heimasíðu þeirra.
Ljóst er að um dapurlega
niðurstöðu er að ræða fyrir
alla aðila þar sem við miklu
var búist af honum sem þjálf-
ara en Tryggvi var kynntur til
leiks þann 24. febrúar sl. sem
hvalreki fyrir húnvetnskt
íþróttalíf.
Liðið ætlar sér stóra hluti í
sumar í 4. deildinni þar sem
ætlunin er að leika í þeirri þriðju
að ári liðnu.
Lee Ann Maginnis, stjórn-
armaður í Hvöt, staðfesti við
Feyki að Tryggvi væri á förum
og leit standi yfir að nýjum
þjálfara. /PF
Kormákur Hvöt
Tryggvi hættur sem þjálfari
Íþróttir
Nokkur úrslit
Hér að neðan má finna úrslit í nokkrum leikjum í körfu- og fótbolta
sem liðin á Norðurlandi vestra hafa leikið.
KÖRFUBOLTI
Dominos-deildin í körfubolta 21. mars Tindastóll – Höttur 90–82
1. deild kvenna í körfubolta 20. mars Njarðvík – Tindastóll 94–42
KNATTSPYRNA
Lengjubikar kvenna A-deild 20. mars Breiðablik – Tindastóll 4–1
Lengjubikar karla B-deild 20. mars Tindastóll – Kári 4–1
Lengjubikar karla C-deild 20. mars Úlfarnir – Kormákur Hvöt 7–3
Stjórn knattspyrnudeildar
Tindastóls hefur samið við þrjá
lykilmenn fyrir átökin í 3. deild
Íslandsmótsins í sumar. Þetta
eru þeir Konráð Freyr Sigurðs-
son, Fannar Örn Kolbeinsson
og Sverrir Hrafn Friðriksson.
Í tilkynningu frá deildinni
kemur fram að Konráð Freyr sé
25 ára miðjumaður, uppalinn á
Skaganum en hefur leikið með
liði Tindastóls síðan hann flutti
á Krókinn 16 ára gamall. Hann
hefur fengið það hlutverk að
vera fyrirliði liðsins í sumar.
Fannar Örn er 28 ára gamall
varnarmaður, uppalinn í Tinda-
stól en skipti yfir til Vals ungur
að árum eða árið 2010. Hann
kom aftur til Tindastóls sumarið
eftir og lék með þeim til 2016, þá
fór hann út í atvinnumennsku
til Þýskalands. Hann spilaði þar
í eitt ár. Fannar hefur leikið alls
190 leiki í meistaraflokki og
skorað 16 mörk í þeim leikjum.
Sverrir Hrafn er 24 ára
varnarmaður, uppalinn hjá
Einherja á Vopnafirði. Sverrir
kom fyrst til Tindastóls sumarið
2018 og spilaði með liðinu tvö
sumur. Sjá nánar á Feykir.is. /PF
Knattspyrnudeild Tindastóls
Þrír lykilmenn skrifa undir
Sverrir, Konni og Fannar klárir í slaginn. MYND AÐSEND
13/2021 5